Goranboyda yol-nəqliyyat hadisəsi

Goranboyda minik maşını yoldan “uçub” kafeyə düşdü - FOTOLAR

76
Hadisə Goranboy-Ağcakənd yolunun rayonun Qaraçinar kəndindən keçən hissəsində baş verib. Yüksək sürətlə idarə olunan “Hyundai” markalı avtomobil yol kənarındakı ağacları qıraraq kafenin bir hissəsini də uçurub.

Rahim Məmmədov, Sputnik Azərbaycan

BAKI, 14 sentyabr — Sputnik. Goranboyda dəhşətli, həm də qeyri-adi qəza qeydə alınıb. Belə ki, idarəetməni itirən sürücü yol kənarında fəaliyyət göstərən kafeyə girib.

Maraqlı məqam odur ki, avtomobil gəldiyi istiqamətdə deyil, əks formada ictimai iaşə obyektiə daxil olub. Ağır qəza zamanı 26 yaşlı sürücü Araz Hümbətov hadisə yerində dünyasını dəyişib.

  • Goranboyda yol-nəqliyyat hadisəsi
    © Sputnik / Rahim Mammadov
  • Goranboyda yol-nəqliyyat hadisəsi
    © Sputnik / Rahim Mammadov
  • Goranboyda yol-nəqliyyat hadisəsi
    © Sputnik / Rahim Mammadov
1 / 3
© Sputnik / Rahim Mammadov
Goranboyda yol-nəqliyyat hadisəsi

Sputnik Azərbaycan xəbər verir ki, hadisə Goranboy-Ağcakənd yolunun rayonun Qaraçinar kəndindən keçən hissəsində baş verib. Yüksək sürətlə idarə olunan “Hyundai” markalı avtomobil yol kənarındakı ağacları qıraraq kafenin bir hissəsini də uçurub. Qəza zamanı ictimai iaşə obyektində olanlardan xəsarət alan olmayıb.

Qeyd edək ki, dünyasını dəyişən 26 yaşlı sürücü Xocalı rayon məktəblərindən birində müəllim olaraq fəaliyyət göstərirmiş. Baş verən hadisə ilə bağlı araşdırma aparılır.

76
Qəza, arxiv şəkli

Biləsuvarda avtomobil kanala aşıb, ölən var

3
(Yenilənib 18:15 30.11.2020)
Qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib

BAKI, 30 noyabr — Sputnik. Biləsuvar rayonunun Çaylı kəndi ərazisində Cəlilabad rayon sakini İbrahim Qəfərzadə idarə etdiyi BMW markalı avtomobili kanala aşırıb. Daxili İşlər Nazirliyinin (DİN) mətbuat xidmətindən Sputnik Azərbaycan-a verilən xəbərə görə, qəza nəticəsində sürücü aldığı xəsarətlərdən hadisə yerində ölüb, iki sərnişini xəstəxanaya yerləşdirilib. Faktla bağlı Rayon Polis Şöbəsi tərəfindən araşdırma aparılır.

3
Teqlər:
Biləsuvar, yaralılar, ölən, sürücü, kanal, BMW, avtomobil, qəza

Azərbaycanda minaların partlaması nəticəsində 535 mülki şəxs ölüb

13
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

13
Qoçəhmədli kəndində məscid

Ümid edirəm, beynəlxalq təşkilatlar bütün bu alçaldılmış yerləri görməyə gələcəklər - FOTO

0
(Yenilənib 18:20 30.11.2020)
Anar Kərimov: "Ümid edirəm ki, beynəlxalq təşkilatlar bütün bu alçaldılmış yerləri görməyə gələcəklər".

BAKI, 30 noyabr — Sputnik. Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov ermənilərin işğal illərində daha bir məscidimizə qarşı etdiyi vandalizmlə bağlı məlumat verib.

O, bu barədə "Twitter" hesabında paylaşım edib.

"Erməni işğalı nəticəsində Füzuli rayonunun Qoçəhmədli kəndindəki XVIII əsrə aid məscid məhv edilib və həmişəki kimi heyvanlar üçün istifadə edilib. Ümid edirəm ki, beynəlxalq təşkilatlar bütün bu alçaldılmış yerləri görməyə gələcəklər".

0
Teqlər:
erməni vandalizmi, məscid, Füzuli, Azərbaycan, Qarabağ
Mövzu:
Azərbaycan və Ermənistan arasında müharibə