Bıçaq əlində qadın, arxiv şəkil

Gəlin qaynatasını yemək masası arxasında qanına qəltan etdi

113
Aysel Axundova 5 il əvvəl gəlin gəlib. Son günlər isə həyat yoldaşı ilə boşanma ərəfəsində olub. A.Axundovanın  yenidən ər evinə qayıtmaq istəyi qaynatasının narazılığına səbəb olub

Rahim Muradov, Sputnik Azərbaycan

BAKI, 14 sentyabr — Sputnik. Astarada bıçaqlanma hadisəsi baş verib. Sputnik Azərbaycan-ın əldə etdiyi məlumata əsasən, hadisə rayonun Maşxan kəndində qeydə alınıb.

Kənd sakini, 1960-cı il təvəllüdlü Nadir Axundov öz evində gəlini, 1995-ci il təvəllüdlü Aysel Axundova tərəfindən bıçaqlanıb. N.Axundovun həyat yoldaşı Azadə Axundova hadisə zamanı evdə olduğunu Sputnik Azərbaycan-a bildirib:

“Bir neçə saat öncə mən otaqda idim, yoldaşım isə mətbəxdə oturub şam edirdi. Həyətin o biri tərəfində gəlinin ayrı öz evi var. Birdən gəldi, qışqırdı, səsə mən çıxdım, gördüm yoldaşım qan içində yerdə uzanıb. Bıçaq götürüb gəlib və 2 zərbə vurduqdan sonra qaçıb. Daha sonra özü gedib polislərə təslim olub və qaynatasını bıçaqladığını etiraf edib. Gəlinin bizimlə heç bir problemi olmamışdı, sadəcə özü boşanmaq üçün məhkəməyə ərizə verib”.

Məlumat üçün bildirək ki, Aysel Axundova 5 il əvvəl gəlin gəlib. Son günlər isə həyat yoldaşı ilə boşanma ərəfəsində olub. A.Axundovanın  yenidən ər evinə qayıtmaq istəyi qaynatasının narazılığına səbəb olub və buna görə də gəlin mətbəx bıçağı ilə qaynatasını bıçaqlayıb.

Qeyd edək ki, kürək nahiyəsinin sol tərəfindən 2 bıçaq zərbəsi alan N.Axundov Lənkəran Rayon Mərkəzi Xəstəxanasına çatdırılıb. Əməliyyat olunub, vəziyyəti normal qiymətləndirilir. Faktla bağlı araşdırmalar davam etdirilir.

Sutka ərzində respublika ərzində ikinci hadisədir ki, qadın kişini bıçaqlayır. Mingəçevirdə, Gəncə şosesində məcburi köçkünlərin müvəqqəti məskunlaşdığı Dəmir Beton Məmulatları zavodunun həyətində mübahisə zamanı 1940-cı il təvəllüdlü İmaməliyev Ələs Baxış oğlu qonşu qadın tərəfindən döş qəfəsindən bıçaqlanıb. Yaralı xəstəxanaya yerləşdirilib.

113
Teqlər:
boşanma, əməliyyat, Lənkəran, Astara, qaynata, gəlin, bıçaqlama, hadisə
Əlaqədar
Qadın qonşu kişini bıçaqladı
Qısqanclıq gözünü örtdü: doğma bacısının canında sağ yer qoymadı
Novxanıya gedən qadını yolda düşürüb üstünə bıçaq çəkdilər
Prokurorluq Salyandakı qətllə bağlı məlumat yaydı
Abşeronda kişi arvadını qısqanclıq zəminində bıçaqlayıb - RƏSMİ
PPX avtomobili, arxiv şəkli

Koronavirus xəstələrinə cinayət işi açıldı

9
(Yenilənib 20:27 05.12.2020)
Faktla bağlı müvafiq rayon prokurorluqlarında Cinayət Məcəlləsinin 139-1.1-ci maddəsi ilə cinayət işləri başlanaraq istintaqın aparılması üçün aidiyyəti üzrə rayon Polis Şöbələrinə göndərilib.

BAKI, 5 dekabr — Sputnik. Koronavirus infeksiyasının yayılmasının qarşısının alınması məqsəsi ilə Azərbaycan Respublikası Nazirlər Kabinetinin - 451 nömrəli, 19 noyabr 2020-ci il tarixli qərarına əsasən elan edilmiş xüsusi karantin rejiminin Qazax, İsmayıllı və Tovuz rayonlarının ayrı-ayrı sakinləri tərəfindən pozulması halları müəyyən edilib.

Sputnik Azərbaycan Baş prokurorluğun məlumatına istinadla xəbər verir ki, Qazax rayon sakini Axundov Sabir Cavad oğlu, İsmayıllı rayon sakini Ziliyev Vüqar Təşkilat oğlu və Tovuz rayon sakini Verdiyev Rufan İlham oğlu COVID-19 virusu ilə bağlı test analizləri verməklə testlərin nəticələrinin pozitiv olmasını bilə-bilə xüsusi karantin rejiminə əməl edərək həmin müddəti evdə keçirməli olduqları halda, 04.12.2020-ci il tarixdə yaşadıqları evi qanunsuz tərk etməklə epidemiya əleyhinə, eləcə də, karantin rejimini kobud surətdə pozub yeni növ koronavirus infeksiyasının yayılması üçün real təhlükə yaradıblar.

Faktla bağlı müvafiq rayon prokurorluqlarında Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işləri başlanaraq istintaqın aparılması üçün aidiyyəti üzrə rayon Polis Şöbələrinə göndərilib.

Hazırda qeyd edilən işlər üzrə zəruri istintaq hərəkətləri davam etdirilir.

9
Teqlər:
cinayət işi, Tovuz, İsmayıllı, Qazax, qayda pozuntusu, xəstə, karantin, Koronavirus, epidemiya, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qandal, arxiv şəkli

Gəncədə narkotik satan alan şəxslər saxlanılıblar

9
(Yenilənib 18:33 05.12.2020)
Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb

BAKI, 5 dekabr — Sputnik. Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə dövriyyədən çıxarılıb.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, Gəncə şəhər sakinləri - 31 yaşlı Tahir Əliyev və əvvəllər məhkum olunmuş, 27 yaşlı Orxan Sadıqov saxlanılaraq ŞBPİ-yə gətiriliblər. Onların üzərinə baxış keçirilən zaman O.Sadıqovun üzərindən ümumi çəkisi 1 qram, T. Əliyevin üzərindən isə 2 qram narkotik vasitə olan "marixuana" aşkar edilərək götürülüb.

Davam etdirilən əməliyyat-axtarış tədbirləri nəticəsində Tahir Əliyevə məxsus, şəhər ərazisində yerləşən fərdi evinə baxış keçirilən zaman 1 kiloqram 056 qram çəkidə, narkotik vasitə olan qurudulmuş "marixuana" aşkar edilərək götürülüb.

Aparılan araşdırmalar zamanı həmin şəxslərə narkotik vasitə satan şəxsin əvvəllər məhkum olunmuş, Gəncə şəhər sakini, 1985-ci il təvəllüdlü Ramil Əliyev olduğu müəyyən edilib. Onun yaşadığı fərdi yaşayış evində keçirilən əməliyyat-axtarış zamanı üzərindən 15 ədəd kağız bükümlərdə, ümumi çəkisi 15 qram, evin dam örtüyünün altından isə ayrı-ayrı sellofan torbalarda və şüşə bankalarda qablaşdırlımış, ümumi çəkisi 4 kiloqram 025 qram qurudulmuş "marixuana" aşkar edilərək götürülüb.

Faklarla bağlı araşdırmalar davam etdirilir.

9
Teqlər:
Gəncə, narkotik maddə, narkotacir, narkotik
 Türkiyə ordusuna məxsus Bayraqdar PUA-sı, arxiv şəkli

Rusiya Qarabağa görə yeni PUA yaradır

0
(Yenilənib 22:30 05.12.2020)
Silahın qısa müddətdə yaradılacağı qeyd edilir.Silahın qısa müddətdə yaradılacağı qeyd edilir.Silahın qısa müddətdə yaradılacağı qeyd edilir.

BAKI, 5 dekabr — Sputnik. Noyabr ayında Rusiya müəssisələri "son yerli qarşıdurmaların təcrübəsinin təhlilini" nəzərə alaraq, düşmən pilotsuz təyyarələri ilə mübarizə aparmaq üçün hazırlanmış pilotsuz uçuş aparatı (PUA) yaratmağa başlayıb.

Sputnik Azərbaycan Rusiya mətbuatına  istinadla xəbər verir ki, məlumata görə, "uzun mənzilli radar patrulu üçün pilotsuz bir helikopter" "kiçik və aşağı sürətli düşmən pilotsuz təyyarələrini aşağı və son dərəcə aşağı yüksəkliklərdə" izləmək və "onlara hərbi hava hücumundan müdafiə zenit-raket sistemlərini hədəf almaq" üçün nəzərdə tutulub.

Silahın qısa müddətdə yaradılacağı qeyd edilir.

Xatırladaq ki, noyabr ayında Strateji və Texnologiyaların Təhlili Mərkəzinin (CAST) direktor müavini Konstantin Makienko Qarabağdakı son münaqişəni şərh edərkən Rusiyanın məğlub tərəf olduğunu qeyd edərək bildirib ki, Ukrayna Silahlı Qüvvələri də Rusiyanın sahib olmadığı üçüncü nəsil tank əleyhinə raket sistemləri və kamikadze dronlarına sahibdir.

0
Teqlər:
Azərbaycan, Qarabağ, istehsal, Rusiya, PUA