Dalğıc, arxiv şəkli

17 yaşlı oğlan süni göldə boğuldu

39
(Yenilənib 19:24 13.09.2020)
E.Əliyevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən aidiyyəti üzrə təhvil verilib

BAKI, 13 sentyabr — Sputnik. Fövqəladə Hallar Nazirliyinin "112" qaynar telefon xəttinə Lənkəran şəhərinin Gərmətük kəndinin ərazisində 1 nəfərin süni göldə batması barədə məlumat daxil olub.

Sputnik Azərbaycan FHN-ə istinadən xəbər verir ki, Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Süni göldə batan şəxsin 2003-cü il təvəllüdlü Əliyev Elşad Tofiq oğlu olduğu müəyyən edilib. E.Əliyevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən aidiyyəti üzrə təhvil verilib.

39
Teqlər:
Kiçikhəcmli Gəmilərə Nəzarət və Sularda Xilasetmə Dövlət Xidməti, xilasetmə, dalğıc, FHN, boğulma, süni göl, Lənkəran
PPX avtomobili, arxiv şəkli

İki bacıdan mənfur əməl: tanınmamaq üçün hicab taxdılar - FOTO

16
(Yenilənib 14:12 16.05.2021)
Bakıda polislərin saxladıqları iki bacı ifadələrində cibgirlik edən zaman kameralardan yayınmaq üçün baş örtüyündən istifadə etdiklərini bildiriblər.

BAKI, 16 may — Sputnik. Bakı Şəhər Baş Polis İdarəsinin əməkdaşları tərəfindən paytaxt ərazisində avtobuslarda, ticarət məkanlarında cibgirliklə məşğul olan şəxslərə qarşı xüsusi əməliyyat həyata keçirilib. Daxili İşlər Nazirliyindən Sputnik Azərbaycan-a verilən məlumata görə, əməliyyat zamanı əvvəllər Cinayət Məcəlləsinin müxtəlif maddələri ilə dəfələrlə məhkum olunan Sumqayıt şəhər sakinləri - Dilşad Ağammədova və bacısı Fəridə saxlanılıblar. Onların ətraflarında həyata keçirilən tədbirlərlə bu şəxslərin ayrı-ayrı vaxtlarda paytaxt ərazisində fəaliyyət göstərən müxtəlif marşrut xətləri ilə hərəkət edən avtobuslarda, həmçinin ticarət obyektlərində 10-a yaxın şəxsin cibindən pul, mobil telefonlar və digər qiymətli əşyalar oğurladıqları məlum olub.

Qeyd edək ki, hər iki bacı ifadələrində cibgirlik edən zaman kameralardan yayınmaq üçün baş örtüyündən istifadə etdiklərini bildiriblər. Onların törətdikləri hadisələrin bir neçəsi, həmçinin, cibgirlik edəndən sonra həmin məkanlardan yayınmaları müşahidə kameraları vasitəsi ilə də lentə alınıb. D.Ağammədova və F.Ağammədova cibgirlik yolu əldə etdikləri pul kisələrindəki maddi vəsaitləri götürəndən sonra həmin əşyaları və içində olan sənədləri tulladıqlarını, mobil telefonları isə paytaxtın müxtəlif nöqtələrində yerləşən mağazalarda satdıqlarını qeyd ediblər.

  • Saxlanılan şəxs
    © AR Ministry of Internal Affairs
  • Saxlanılan şəxs
    © AR Ministry of Internal Affairs
  • Saxlanılan şəxs
    © AR Ministry of Internal Affairs
1 / 3
© AR Ministry of Internal Affairs
Saxlanılan şəxs

Baş İdarə əməkdaşları tərəfindən həyata keçirilən digər əməliyyat zamanı avtobuslarda cibgirliklə məşğul olan daha bir nəfər saxlanılıb. Əməliyyat nəticəsində əvvəllər dəfələrlə məhkum olunan Sumqayıt şəhər sakini Yaşar Məmmədli tutulub. Əldə edilən kamera görüntülərindən və bu şəxsin ətrafında aparılan əməliyyat tədbirləri zamanı müəyyən edilib ki, o, hər gün Sumqayıtdan Bakıya gələrək paytaxt ərazisində avtobuslarda cibgirlik edib.

Qeyd edək ki, saxlanılan zaman Yaşar Məmmədlinin üzərindən heroin və cibgirlik edən zaman əldə etdiyi bank kartlarından bəziləri aşkar olunaraq götürülüb.

Faktlarla bağlı saxlanılan şəxslər barəsində Cinayət Məcəlləsinin müvafiq maddələri ilə cinayət işləri başlanılıb, onların ətraflarında istintaq-əməliyyat tədbirləri davam etdirilir. Dilşad Ağammədova, Fəridə Ağammədova və Yaşar Məmmədlinin paytaxt ərazisində digər analoji cinayətlər etdikləri də istisna olunmur. Onların əməllərindən zərərçəkən başqa vətəndaşlar varsa, bu barədə ərazi üzrə polis idarə, şöbə, bölmələrinə, habelə, Bakı Şəhər Baş Polis İdarəsi və Nazirliyin "102" Xidməti-Zəng Mərkəzinə məlumat verə bilərlər.

Eləcə də oxuyun: 

Ukraynada Azərbaycan səfirliyinə məxsus saxta nömrə ilə avtomobili idarə edən saxlanılıb

Şirvanda adam oğurlayan şəxslər saxlanılıb

“OBA” marketin müdirinin pulları oğurlanıb

16
Teqlər:
saxlanılma, polis, Bakı, Sumqayıt, hicab, bacılar, cibgir
28 yaşlı Fərid Alimovun dəfni

Sərhəddə həlak olan hərbçimiz Qubada dəfn olundu

133
Sərhəddə həlak olan hərbçimizlə Qubada vida mərasimi keçirilib. Fərid ailənin böyük övladı olub. O, evli idi, 3 yaşında bir qızı ondan bizə yadigar qaldı.

Leyla Abdullayeva, Sputnik Azərbaycan

BAKI, 16 may — Sputnik. Mayın 15-də Azərbaycan-İran sərhədində - Yardımlı rayonunun Gendərə kəndi yaxınlığındakı sərhəd zastavasının ərazisində baş verən insidentdə həlak olan DSX-nin hərbi qulluqçusu, kiçik gizir, 28 yaşlı Fərid Elçin oğlu Alimov Quba rayonunun Yeni Güləzi kənd qəbristanlığında torpağa tapşırılıb. Dəfn mərasimində Quba İH başçısı və rəhbərliyi, hüquq-mühafizə orqanlarının əməkdaşları və kənd sakinləri iştirak ediblər.

  • 28 yaşlı Fərid Alimovun dəfni
    © Sputnik / Leyla Abdullayeva
  • 28 yaşlı Fərid Alimovun dəfni
    © Sputnik / Leyla Abdullayeva
  • 28 yaşlı Fərid Alimovun dəfni
1 / 3
© Sputnik / Leyla Abdullayeva
28 yaşlı Fərid Alimovun dəfni

Onu da qeyd edək ki, Fərid ailənin böyük övladı olub. Onun özündən kiçik subay qardaşı və evli olan bacısı var.

Fərid Alimov evli idi, 3 yaşında bir qızı ondan bizə yadigar qaldı.

Azərbaycan-İran sərhədində insident

Mayın 15-də Dövlət Sərhəd Xidmətinin Sərhəd Qoşunlarının "Göytəpə" sərhəd dəstəsinin xidməti ərazisində Yardımlı rayonunun Gendərə kəndi yaxınlığındakı sərhəd zastavasının xidməti sahəsində 3 nəfər naməlum şəxs Azərbaycan Respublikasının mühafizə olunan dövlət sərhədini nəzarət-buraxılış məntəqələrindən kənarda qanunsuz olaraq keçərkən DSX-nın əməkdaşlarının qanuni tələblərinə tabe olmayaraq onlara odlu silahdan atəş açıb və nəticədə xidməti vəzifələrini icra edən baş leytenant Samir Eyvazov və kiçik gizir Fərid Alimov həlak olublar.

Baş Prokurorluğun Mətbuat xidmətindən Sputnik Azərbaycan-a verilən məlumata görə, keçirilən əməliyyat tədbirləri nəticəsində sərhəd pozucularından biri saxlanılıb, saxlanılan şəxsin İran İslan Respublikasının vətəndaşı Bərgi Həsənəli Novruz oğlu olması müəyyən edilib.

Faktla bağlı Hərbi Prokurorluq tərəfindən Cinayət Məcəlləsinin 120.2.1 (qəsdən adam öldürmə), 206.3.2 (qabaqcadan əlbir olan bir qrup şəxs tərəfindən narkotik vasitə və psixotrop maddələrin qaçaqmalçılığı), 234.4.1 və 234.4.3 (satış məqsədi ilə qanunsuz olaraq külli miqdarda narkotik vasitə və psixotrop maddələri əldə etmə, saxlama, daşıma və satma), 318.1-ci (Azərbaycan Respublikasının dövlət sərhədini qanunsuz olaraq keçmə) və digər maddələri ilə cinayət işi başlanılıb.

Hadisə yerinə baxış zamanı sərhəd pozucularının qanunsuz yolla ölkə ərazisinə gətirdikləri narkotik vasitə hesab olunan 3840 qram "marixuana" və 95 qram "metamfetamin", güclü təsir edən maddə olan 17715 ədəd "preqabalin" həbi, eləcə də odlu silaha aid gilizlər və digər maddi subutlar aşkar olunaraq götürülüb.

Eləcə də oxuyun: 

Sərhəddə hərbçilərimizin qətli ilə bağlı saxlanılan var

Dinc dövrdə həlak olan hərbçimiz torpağa tapşırıldı

İranla sərhəddə atışma: İki hərbçimiz həlak olub

* İrandan Ukraynaya aparılan qəribə yük: İt kartof şəklinə salınmış narkotikləri ələ verdi

 

133
Teqlər:
Quba, dəfn, sərhədçilər, insident, İran, Azərbaycan, sərhəd
QİÇSdən qan analizi

Cəmiyyətin üz döndərdiyi insanlar: bu gün onlar yad edilirlər

0
(Yenilənib 16:22 16.05.2021)
QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişən vətəndaşların sayı isə 1119 nəfərdir

BAKI, 16 may — Sputnik. Hər il may ayının üçüncü istirahət günü QİÇS-dən dünyasını dəyişən insanların Ümumdünya Xatirə günü kimi qeyd edilir. Sputnik Azərbaycan Səhiyyə Nazirliyinə istinadən xəbər verir ki, Xatirə günü QİÇS-dən vəfat edənlərin yad olunması, insanları QİÇS-ə yoluxma təhlükəsi haqqında düşünmələri, onların irqindən, milliyyətindən, dinindən, sosial vəziyyətindən asılı olmayaraq, QİÇS-dən sığortalanmadıqlarını dərk etmələrinə çağırır. Eyni zamanda, bu tədbir cəmiyyətin diqqətini, İİV-lə yaşayan insanlara qarşı stiqma və diskriminasiyanı aradan qaldırmaq, onların ailə üzvlərinə, yaxınlarına və dostlarına dəstək vermək, geniş ictimaiyyətə İİV/QİÇS haqqında düzgün informasiya çatdırmaq məqsədi daşıyır.

Ümumilikdə, Azərbaycanda ilk dəfə İİV-infeksiyasının aşkar edilidiyi 1987-ci ildən 2021-ci ilin mayın 1-dək olan rəqəmlərə görə, hazırda 7449 nəfər İİV-lə yaşayan insan rəsmi qeydiyyatdadır. Onlardan 5198-i (69,8%) kişi, 2251-i (30,2%) qadındır. QİÇS mərhələsində olan vətəndaşların sayı 1889 nəfər, İİV-infeksiyasından dünyasını dəyişmiş vətəndaşların sayı isə 1119 nəfərdir.

Səhiyyə Nazirliyi tərəfindən İİV-lə yaşayan insanlara profilaktika, müalicə, qulluq və dəstəyin göstərilməsinin təmin edilməsi işi əvvəlki illərdə olduğu kimi, Respublika QİÇS-lə Mübarizə Mərkəzində davam etdirilir. Belə ki, 08.11.2006-cı il tarixdən tətbiq edilən antiretrovirus terapiyaya 6627 insan cəlb olunub, onlardan 211 nəfərə müalicə 2021-ci ilin ilk 4 ayı ərzində başlanılıb.

Hazırda, Respublika QİÇS-lə Mübarizə Mərkəzi, COVID-19 pandemiyası ilə əlaqədar, İİV-lə yaşayan insanların koronavirus infeksiyasına yoluxma təhlükəsinin qarşısını almaq məqsədi ilə, öz işini UNAİDS-in tövsiyyələrinə uyğun olaraq həyata keçirir. İİV-lə yaşayan insanların dərman çatışmazlığının qarşısını almaq məqsədi ilə onlara ARV dərmanlarının 3 aylıq ehtiyatı verilir. Eyni zamanda, ehtiyac olduqda onların koronavirusa görə testə göndərilməsi həyata keçirilir. İİV-lə yaşayan insanların koronavirusa yoluxmaya görə yüksək risk daşıması ilə əlaqədar onların COVID-19 barədə biliklərinin artırılması məqsədilə xüsusi broşur nəşr olunub.

Bütün dünyada olduğu kimi Azərbaycanda da ənənəvi olaraq QİÇS-dən dünyasını dəyismiş insanların xatirəsi anılır. Koronavirus pandemiyası ilə əlaqədar ölkədə tətbiq edilən "Karantin rejimi" ilə əlaqədar maarifləndirmə işləri, həmçinin İİV-infeksiyası ilə əlaqədar vətəndaşların sorğularının cavablandırılması üçün RQMM-in rəsmi internet səhifəsində yeni modul yaradılıb və 24 saat onlayn fəaliyyət göstərən həkim və digər əməkdaşların mobil telefonları orada qeyd olunub.

Bu xatirə günündə QİÇS-dən dünyasını dəyişənləri bir daha yada salır və hamını sağlam həyat naminə İİV-infeksiyası/QİÇS-lə mübarizədə səyləri birləşdirməyə çağırırıq.

Eləcə də oxuyun: 

Narkotik istifadəçilərinə Səhiyyə Nazirliyindən məsləhətlər

Bu aralar QİÇS-dən ölənlərin sayı kəskin arta bilər

Kişinin ölümcül xəstəliyi 25 il ondan gizlədilib

 

0
Teqlər:
anım, xəstəlik, QİÇS