Bakıda avtobus yanıb
(Yenilənib 10:33 01.09.2020)
Səhər saatlarında “BakuBus” MMC-nin istismarında olan 24 nömrəli müntəzəm marşrut xətti üzrə avtobusda yanğın hadisəsi olubBAKI, 1 sentyabr — Sputnik. Bakı Nəqliyyat Agentliyi Bakıda sərnişin avtobusunda yanğın olması barədə məlumat yayıb.
Agentlikdən Sputnik Azərbaycan-a verilən xəbərə görə, 01.09.2020 tarixində səhər saatlarında “BakuBus” MMC-nin istismarında olan 24 nömrəli müntəzəm marşrut xətti üzrə 99 JH 246 dövlət qeydiyyat nişanlı avtobusda yanğın hadisəsi olub.
Yanğın zamanı sürücü təlimata uyğun davranaraq dərhal sərnişinləri təxliyə edib. Nəticədə sərnişinlər arasında xəsarət alan olmayıb. Hazırda hadisə ilə bağlı müvafiq araşdırmalar aparılır.
Gəncədə vəzifəli şəxsi həbs etdilər: 400 min manat boğazdan keçmədi
(Yenilənib 16:42 25.09.2020)
24 sentyabr 2020-ci il tarixdə Natiq Məmmədova Cinayət Məcəlləsinin 178.2.4 (xeyli miqdarda ziyan vurmaqla dələduzluq etmə), 311.3.4 (rüşvət alma hədə-qorxu tətbiq olunmaqla törədildikdə), 313 (vəzifə saxtakarlığı) və başqa maddələri ilə ittiham elan edilib.BAKI, 25 sentyabr — Sputnik. Azərbaycan Respublikası Auditorlar Palatasının Gəncə şəhər Auditor təşkilatının direktoru vəzifəsində işləmiş Məmmədov Natiq Həmid oğlunun qanunsuz əməlləri ilə əlaqədar vətəndaşın müraciəti əsasında aparılan araşdırma nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddəsi ilə cinayət işi başlanıb.
Sputnik Azərbaycan Baş Prokurorluğun məlumatına istinadla xəbər verir ki, istintaq tədbirləri ilə Natiq Məmmədovun qeyd olunan vəzifədə işləyərkən 2012-ci ilin fevral ayında Azərbaycan Respublikası Müəllimlər İnstitutunun Qazax filialının maliyyə-təsərrüfat fəaliyyətinin yoxlanılması zamanı həmin müəssisənin inzibati binasında filialın direktorundan 400 min manat məbləğdə pul vəsaitini rüşvət qismində almasına əsaslı şübhələr yaranıb.
Bundan başqa, Natiq Məmmədovun həmin vəzifədə işləyərkən 2014-cü ilin may ayında "Finca Azərbaycan" Qeyri-Bank Kredit Təşkilatına məxsus olan 15 min 600 manat məbləğdə pul vəsaitini ələ keçirərək dələduzluq etməsinə, rəsmi sənədlərə bilə-bilə yalan məlumatların daxil edilməsi yolu ilə vəzifə saxtakarlığı törədərək həmin sənədlərdən istifadə etməsinə əsaslı şübhələr yaranıb.
Bundan əlavə, Natiq Məmmədovun vətəndaşın Azərbaycan Respublikası Fövqəladə Hallar Nazirliyinin Xüsusi Riskli Xilasetmə Xidmətinin Gəncə şəhər şöbəsi və ya Yanğından Mühafizə Xidmətinin Göygöl rayon şöbəsində işlə təmin olunmasına köməklik göstərilməsi müqabilində sonuncunu ümumilikdə ona 7000 manat pul verməsinə təhrik edərək həmin şəxsdən 5000 manat miqdarda pul alaraq təkrarən dələduzluq etməsinə əsaslı şübhələr yaranıb.
24 sentyabr 2020-ci il tarixdə Natiq Məmmədova Cinayət Məcəlləsinin 178.2.4 (xeyli miqdarda ziyan vurmaqla dələduzluq etmə), 311.3.4 (rüşvət alma hədə-qorxu tətbiq olunmaqla törədildikdə), 313 (vəzifə saxtakarlığı) və başqa maddələri ilə ittiham elan edilib.
Binəqədi rayon Məhkəməsinin 24 sentyabr 2020-ci il tarixli qərarı ilə barəsində həbs qətimkan tədbiri seçilib.
Hazırda cinayət işi üzrə əhəmiyyət kəsb edən halların, cinayətlərin törədilməsində hər hansı formada iştirak etmiş digər şəxslərin müəyyənləşdirilməsi istiqamətində istintaq-əməliyyat tədbirlərinin həyata keçirilməsi davam etdirilir.
Teqlər:
DSX-dan əməliyyat: Qarabağ tərəfdən sərhədlərimizi pozan iranlılar saxlanıldı
(Yenilənib 14:19 25.09.2020)
Keçirilmiş təxirəsalınmaz əməliyyat-axtarış tədbirləri nəticəsində ərazidə hərəkətdə olan və hadisə yerindən uzaqlaşmağa çalışan "Kia Rio" markalı 99-HX-897 dövlət nömrə nişanlı avtonəqliyyat vasitəsi saxlanılıb.Eldar Tanrıverdiyev, Sputnik Azərbaycan
BAKI, 25 sentyabr — Sputnik. Son müddət ərzində Dövlət Sərhəd Xidməti (DSX) tərəfindən narkotik vasitələrin və psixotrop maddələrin qanunsuz dövriyyəsinə qarşı mübarizə tədbirləri çərçivəsində "Horadiz" sərhəd dəstəsinin xidməti ərazisində 8 kiloqram 68 qram narkotik vasitənin və 8809 ədəd psixotrop həbin dövlət sərhədindən qanunsuz keçirilməsinin qarşısı alınıb.
Dövlət Sərhəd mətbuat xidmətindən Sputnik Azərbaycan-a verilən məlumata görə, sentyabrın 15-də Beyləqan rayonunun 2-ci Şahsevən kəndi yaxınlığındakı sərhəd zastavasının xidməti sahəsində İran İslam Respublikasından Azərbaycan Respublikasına doğru 1 nəfər şəxsin hərəkəti və sərhədboyu ərazidə naməlum avtonəqliyyat vasitəsinin olması sərhəd naryadı tərəfindən müşahidə edilib.
Sərhəd naryadının "dayan" əmrinə tabe olmayan sərhəd pozucusu əlindəki əşyanı ataraq ərazinin sıx qamışlıq və meşəlik olmasından istifadə edərək geriyə qaçıb. Həmin ərazi dərhal qapadılaraq axtarış tədbirləri keçirilmiş, nəticədə 1 ədəd bağlama içərisində ümumi çəkisi 2 kq 950 qr narkotik vasitə (2 kq "tiryək" və 950 qr "metamfetamin") aşkar olunaraq götürülüb.
Keçirilmiş təxirəsalınmaz əməliyyat-axtarış tədbirləri nəticəsində ərazidə hərəkətdə olan və hadisə yerindən uzaqlaşmağa çalışan "Kia Rio" markalı 99-HX-897 dövlət nömrə nişanlı avtonəqliyyat vasitəsi saxlanılıb.
Avtomobildə saxlanılan şəxslərin Salyan rayon sakinləri 1987-ci il təvəllüdlü Babayev Əliağa Rəsul oğlu və 1993-cü il təvəllüdlü Kazımzadə Nicat Zaur oğlu olması müəyyənləşdirilib. Araşdırma zamanı saxlanılan şəxslər törətdikləri cinayət əməlini etiraf edərək əraziyə narkotik vasitə götürməyə gəldiklərini bildiriblər.
Saxlanılan şəxslər Babayev Əliağa Rəsul oğlu və Kazımzadə Nicat Zaur© State Border Service of Azerbaijan Republic.
Saxlanılan şəxslərdən götürülən bağlama© State Border Service of Azerbaijan Republic.
Saxlanılan şəxslərdən götürülən bağlama© State Border Service of Azerbaijan Republic.
©
State Border Service of Azerbaijan Republic.
Həmin gün Füzuli rayonunun Qazaxlar kəndi yaxınlığındakı sərhəd zastavasının xidməti sahəsindədə İran İslam Respublikasından Azərbaycan Respublikasına doğru 1 nəfər şəxsin hərəkəti sərhəd naryadı tərəfindən müşahidə edilib.
Sərhəd zastavası dərhal "silaha" komandası üzrə qaldırılmış, xidməti ərazi qapadılmış və sərhəd naryadı tərəfindən həmin şəxsə "dayan" əmri verilib. Nəticədə xidməti ərazidə hərəkətdə olan şübhəli şəxs sərhəd pozucusu qismində saxlanılıb və ondan 1 ədəd bağlama götürülüb. Saxlanılan şəxsin İran İslam Respublikası vətəndaşı 1969-cu il təvəllüdlü Pənahi Qulaməli Məhəmmədəli oğlu olması müəyyənləşdirilib. Əlindəki bağlamaya baxış zamanı ümumi çəkisi 942 qram narkotik vasitələr (575 qr "heroin", 300 qr "metamfetamin", 1 qr "metadon" və 66 qr qurudulmuş "marixuana") aşkar edilib.
18 sentyabr tarixində İmişli rayonunun Bəhrəmtəpə qəsəbəsində yerləşən sərhəd zastavasının xidməti sahəsində İran İslam Respublikasından Azərbaycan Respublikasına doğru 2 nəfər şəxsin Araz çayını keçərək hərəkət etməsi sərhəd naryadı tərəfindən müşahidə edilib.
Sərhəd zastavası dərhal "silaha" komandası ilə qaldırılaraq dövlət sərhədinin pozulduğu istiqamətə hərəkət ediblər. Sərhəd pozucuları hadisə yerindən uzaqlaşmağa çalışarkən sərhədçilər tərəfindən təqib edilərək saxlanılıblar.
Saxlanılan şəxslərin İran İslam Respublikası vətəndaşları 1986-cı il təvəllüdlü Kıanı Behnam Əli oğlu və 1978-ci il təvəllüdlü Behzad Pırıvatlou Reza Mahmud oğlu olması müəyyənləşdirilib, onlardan götürülmüş bağlamaya baxış zamanı içərisində ümumi çəkisi 4 kiloqram 176 qram narkotik vasitə və psixotrop həblər (3 kq 182 qr "heroin", 994 qr "metamfetamin", 8789 ədəd "Metadon-40" həbi və 20 ədəd "Buprenorphine-2" həbi) aşkar edilib.
Hər üç fakt üzrə cinayət işi başlanılıb, saxlanılan şəxslər təqsirləndirilən şəxs qismində cəlb olunaraq barələrində "həbs" qətimkan tədbiri seçilib. Cinayət işi üzrə əməliyyat-istintaq tədbirləri davam etdirilir.
Cizgi filmi qəhrəmanları uşaqları koronavirusdan qorumaq əvəzinə...
Zülfiyyə Quluyeva, Sputnik Azərbaycan
BAKI, 26 sentyabr — Sputnik. Koronavirusdan qorunmaq üçün artıq uşaqlar da maska taxır. Ən çox diqqət çəkən məqam isə uşaqların tibbi maska deyil, üzərində müxtəlif cizgi filmlərinin qəhrəmanlarının əksi olan naxışlı, şəkilli parça maskalardan istifadə etməsidir. Bir sıra tibb mütəxəssisləri bu maskaların koronavirusa qarşı qoruyucu təsirə malik olmadığını, əksinə zərərlərinin olduğunu bəyan edir. Həkimlərin fikrincə, kiçik yaşlı uşaqlara taxılan, üzərində müxtəlif rəsmlər çap olunmuş maskalar təhlükə yaradır.
©
AR Ministry of Internal Affairs
Türkiyənin qulaq, burun və boğaz xəstəlikləri uzmanı, dosent Muhammed Fatih Evcimik bununla bağlı valideynlərə xəbərdarlıq edib. Yerli mediaya açıqlama verən mütəxəssisin sözlərinə görə, boyanmış, üzərinə naxışlar, fotolar çap edilən, yapışdırılan maskalar müəyyən standartlara uyğun olmadığı halda sağlamlıq üçün ciddi problemlər yarada bilər. O, tövsiyyəsində bildirir ki, bu cür maskalardan mümkün qədər istifadə etməməlidirlər: "Bu maskalar yuyula bildiyi üçün virusdan qorumaq əvəzinə bir çox xəstəliklərə yol açır. Beləliklə, ailələr uşaqları virusdan qorumağa çalışarkən daha böyük xəstəliklərə səbəb ola bilərlər. Maskalar tənəffüslə birbaşa təmasda olduğuna görə diqqətli olmaq lazımdır. Son zamanlarda xüsusilə kiçik yaşlı uşaqlarda rəngli, parça maskaları görürük. Cizgi filmi personajları uşaqların daha çox diqqətini cəlb etdiyi üçün bu maskalara üstünlük verirlər. Ancaq təəssüf ki, bu boyalı maskalar allergik uşaqlar üçün xüsusilə problemlidir, çünki birbaşa onunla nəfəs alırlar. Bu maskalar uşaqlarda nəfəs darlığına səbəb ola bilər. Xüsusilə allergiyası olan uşaqlarda burun qaşınır, asqırma olursa, bu kimi problemlər maska istifadəsi zamanı ortaya çıxırsa, maskalardakı kimyəvi maddələrin allergiyanı alovlandırdığını düşünmək olar. Digər bir problem, istifadə olunan boya standartlara uyğun olmadığı təqdirdə maska üzərindəki boya hissəcikləri tənəffüs yollarından keçib digər problemlərə səbəb olur. İstifadə edilən material və boyanın tərkibi kimyəvi deyilsə, problem olmur. Ancaq ümumiyyətlə, ailələr onlardan dəfələrlə istifadə edirlər. Bu da həmin boya hissəciklərinin tənəffüs yollarına daxil olmasına səbəb olur. Boyanın kanserogen təsiri varsa, daha ciddi problemlərə səbəb ola bilər. Ailələr bu maskalardan mümkün qədər istifadə etməməlidirlər. Bu cür parça maskalarından mümkün qədər çəkinərək tibbi, cərrahi maskalardan istifadə etmək lazımdir".
Həkim, evdən bayıra çıxanda və ya qapalı yerlərdə mümkün qədər tibbi, cərrahi maskalar taxmağı, onları da 3 saatdan artıq olmadan istifadə etməyi tövsiyə edib.
Sputnik Azərbaycan son günlər ictimai nəqliyyatda tez-tez rastlaşdığımız, uşaqların istifadə etdiyi rəsmli, rəngli parça maskaların oların orqanizmi üçün təhlükəsini araşdırıb.
Həkim-dermatoloqu Sevinc Kərimova da Sputnik Azərbaycan-a açıqlamasında bildirib ki, uşaqların əksəriyyəti virus daşıyıcıdır. Bu baxımdan uşaqların maska istifadə etmələri yaxşı haldır: "Amma nəzərə almaq lazımdır ki, uşaqların istifadə etdiyi şəkilli, boyalı tibbi maskalar sintetik parçadan hazırlanır. Bu zaman həmin maskada dermatitlər ola bilər: " Haqqında danışdığımız maskalar bəzən kontakt dermatitə səbəb olar . Mənə yay boyu dermatitlə bağlı bir uşaq müraciət edib. Bununla belə həmin parçalar məsamələri çox sıx olduğu üçün qoruma baxımından məqsədəuyğundur. Belə parçaların məsaməsi daha sıx olduğu üçün ətrafdan virus keçirmir".
S. Kərimova deyir ki, bu cür maskaların uşaqların tənəffüsünə zərəri yoxdur: "Bu maskalar sintetik liflər olduğu üçün daha çox tərlədir. Atopik dermatiti olan uşaqlarda ola bilər ki, dermatit inkişaf etsin. Amma bu yüksək faiz deyil. Əksinə, tibbi maskaların ölçüsü böyük olduğu üçün uşağın tənəffüs orqanlarına hava kütləsi keçə bilər. Amma parça maskalar ağız burun nayihəsini tam örtür. Mən belə düşünürəm ki, bu maskaların uşaqların sağlamlığına elə bir təhlükəsi yoxdur".
Səhiyyə Nazirliyinin baş infeksionisti Cəlal İsayev isə Sputnik Azərbaycan-a açıqlamasında bildirib ki, uşaqların rəngli, üzəri boyalı, şəkilli parça maskalardan istifadəsi zamanı ehtiyatlı olmaq lazımdır: "Ən yaxşısı üç qatlı tibbi maskalardır. İndi bəzən uşaqlara üzərində hansısa cizgi filminin qəhrəmanı olan maska taxırlar. Bu onları maskadan istifadəyə həvəsləndirmək üçündür. Amma bu zaman maskanın hazırlandığı parçanın keyfiyyətinə də diqqət yetirmək lazımdır. Maska ağızda tərləyir. Əgər parçada kimyəvi boyadan istifadə edilibsə, bu əlbəttə ki, uşağın tənəffüs yolları üçün ziyandır. Parçanın üzərində əks olunan şəkillərin hansı boyadan çəkildiyinə diqqət etmək lazımdır. Maska məsələsində hər kəs dəbi yox, sağlamlığı düşünməlidir. Bəzən böyüklər də geyindikləri paltarın rəngində maska taxır. Bu zaman parçanın keyfiyyəti, parçanın rənglənməsində istifadə edilən boyanın tərkibinə diqqət yetirmək lazımdır. Mən məsləhət görərdim ki, həm böyüklər, həmçinin də kiçiklər üç qatı olan tibbi maskaya üstünlük versinlər. Bu maskalar sağlamlıq üçün daha təhlükəsizdir".