Ət kəsimi

Çiy ət yeyən çinlinin beynindən qurd çıxarıblar

25
(Yenilənib 22:39 29.08.2020)
Həkimlər parazitin bədənə daxil olmasını çiy ekzotik ətin, məsələn, qurbağa və ya ilan ətinin yeyilməsi nəticəsində baş verdiyini düşünürlər.

BAKI, 29 avqust — Sputnik. 23 yaşlı çinli gəncin beynindən təxminən 13 santimetr uzunluğunda olan canlı qurd çıxarılıb. Sputnik Azərbaycan "Daily Mail" nəşrinə istinadən xəbər verir ki, parazit onun başında 17 il yaşayıb.

Gənc çinli altı yaşından bəri ətrafların keyiməsindən əziyyət çəkib. O, yalnız bədəninin sağ üst hissəsində hissiyatı itirdikdən sonra tibbi yardım üçün müraciət edib.

Həkimlər parazitin bədənə daxil olmasını çiy ekzotik ətin, məsələn, qurbağa və ya ilan ətinin yeyilməsi nəticəsində baş verdiyini düşünürlər.

Bir qədər əvvəl xəbər verilib ki, həkimlər on il ərzində baş ağrılarından əziyyət çəkmiş amerikalının beynindən böyük bir lent qurdunu çıxarıblar. Onun bacısında da belə bir qurd aşkar edilib. Ehtimal ki, onlar pis qızardılmış donuz ətini yeyərək birlikdə yoluxublar.

25
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

16
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

16
Seysmoqraf, arxiv şəkli

Şahbuz rayonunda zəlzələ olub

7
(Yenilənib 19:19 23.01.2021)
Ocağı 10 kilometr dərinlikdə yerləşən zəlzələ episentrdə 4, yaxın yaşayış məntəqələrində 3 bala qədər hiss olunub.

BAKI, 23 yanvar - Sputnik. Yanvarın 23-də Şahbuz seysmoloji stansiyasından 10 kilometr şimal-qərbdə Şahbuz rayonunda maqnitudası 4.2 olan zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, yeraltı təkanlar yerli vaxtla saat 17:22-də qeydə alınıb.

Ocağı 10 kilometr dərinlikdə yerləşən zəlzələ episentrdə 4, yaxın yaşayış məntəqələrində 3 bala qədər hiss olunub.

7