Mingəçevirdə Nəsiminin adını daşıyan park yağışdan sonra çöküb

Sel suları Mingəçevirdə fəsadlara səbəb oldu - FOTOLAR

146
(Yenilənib 23:00 25.08.2020)
Mingəçevirdə İmadəddin Nəsiminin adını daşıyan park yağış, ardından yaranan sel sularına tab gətirməyib. Lill qatı insanların hərəkət etdiyi hissəyə, ağacların dibinə çöküb

Rahim Məmmədov, Sputnik Azərbaycan

BAKI, 26 avqust – Sputnik. Ötən həftə sonu ölkə ərazisində müşahidə edilən qeyri-sabit hava şəraiti, leysan yağışı Mingəçevirdə də fəsadlara səbəb olub. Belə ki, yağıntının həddindən artıq düşməsi sel sularının yaranmasına gətirib çıxarıb. Şəhərin Xaldan şosesi tərəfindən giriş hissəsində salınan “Nəsimi” parkında təbiət hadisəsi nəticəsində çökmə baş verib.

Sputnik Azərbaycan-ın bölgə müxbiri xəbər verir ki, hadisə zamanı xəsarət alan olmasa da, həmin hissədə gediş-gəliş dayandırılıb. Güclü yağışdan sonra axıb gələn sel suları parkın yaşıllıq zolağına, güllər əkilən hissəsinə də təsir göstərib. İstirahət parkının bir hissəsi lil qatının altında qalıb.

  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
  • Mingəçevirdə Nəsiminin adını daşıyan park yağışdan sonra çöküb
    © Sputnik / Rahim Mammadov
1 / 6
© Sputnik / Rahim Mammadov
Mingəçevirdə Nəsiminin adını daşıyan park yağışdan sonra çöküb

İnsanların istirahəti üçün təxminən 2 ay öncə istifadəyə verilən parkda 2000-ə yaxın ağac, bəzək kolları, eləcə də gül-çiçək əkilib. “Nəsimi” parkında uşaq əyləncə mərkəzi, böyüklər üçün idman qurğuları, eləcə də  basketbol və mini futbol  meydançaları var. Parkın ümumi sahəsi iki hektara yaxındır.

146
Koronavirusdan ölən şəxsin meyiti, arxiv şəkli

Koronavirusdan ölənlər qəbirdən çıxarılır

46
(Yenilənib 08:18 26.11.2020)
Ekvador Prokurorluğu bu işə Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlayıb.

BAKI, 25 noyabr — Sputnik. Ekvador Prokurorluğu yeni tip koronavirus (COVID-19) pandemiyasının ən kritik günlərində həyatını itirənlərin şəxsiyyətinin müəyyənləşdirilməsi üçün fəaliyyətə başlayıb. Sputnik Azərbaycan-ın Türkiyənin NTV kanalına istinadən verdiyi xəbərə görə, artıq bu məqsədlə Quayakil şəhərindəki qəbirlərin bir hissəsi eksqumasiya olunub.

Ekvador Prokurorluğunun sosial media vasitəsilə verdiyi açıqlamada "Hazırda Milli Ekspertiza Sisteminin dəstəyi ilə COVID-19 pandemiyası zamanı həyatını itirən şəxslərin kimliyini müəyyənləşdirmək üçün DNT nümunələri toplayırıq", - deyə bildirilir.

İndiyə kimi Quayakildəki Los Seybos xəstəxanasından aparılaraq basdırılmış 45 cəsəddən 18-i artıq qəbirdən çıxarılıb. Dauel qəsəbəsindəki La Avrora qəbirstanlığında isə eksqumasiya işlərinin bir neçə gün sonra başa çatdırılacağı bildirilib.

Qeyd edək ki, Ekvador Prokurorluğu istintaqa may ayında, Los Seybos xəstəxanası yaxınlığındakı zibil qablarından 237 cəsədin parçalarının tapılmasından sonra başlamışdı. Pandemiyanın geniş yayıldığı mart-aprel ayları ərzində ölkənin səhiyyə sistemi çökmüş, virusdan ölənlərin basdırılamasında isə böyük çətinlik yaranmışdı. Dövlət xəstəxanalarında cəsədlərin qarışıq düşməsi ilə yanaşı, evində ölənlərin meyitləri də toplanaraq günlərlə gözlədikdən sonra şəxsiyyətləri müəyyən olunmadan yandırılmışdı. Yaranan qarışıqlıq zamanı sistemdə ölü kimi qeydə alınan bəzi insanların sonradan əslində sağ olduqları üzə çıxdı. Bundan sonra Ekvador Prokurorluğu bütün məzarların bir-bir eksqumasiya olunması haqqında qərar verdi.

46
Teqlər:
zibil qabı, cəsəd, qəbir, ölənlər, COVID-19, Koronavirus, Ekvador
Qəza, arxiv şəkli

Bakıda ağır yol-nəqliyyat hadisəsi baş verib

14
(Yenilənib 19:52 25.11.2020)
Bu barədə Bakı Nəqliyyat Agentliyinin mətbuat katibi Mais Ağayev bildirib. Onun sözlərinə görə, minik avtomobili ilə yük avtomobili toqquşub.

BAKI, 25 noyabr - Sputnik. Hava limanı şosesində (“Buta Palace” yaxınlığında şəhər mərkəzi istiqamətində) ağır yol-nəqliyyat hadisəsi baş verib.

Sputnik Azərbaycan xəbər verir ki, bu barədə Bakı Nəqliyyat Agentliyinin mətbuat katibi Mais Ağayev bildirib.

Onun sözlərinə görə, minik avtomobili ilə yük avtomobili toqquşub.

Hazırda yolda sıxlıq var.

14
Teqlər:
Bakı, qəza
Azərbaycan Milli Məclisinin binası

Milli Məclis Fransa Senatına etiraz bəyanatı qəbul etdi: MÜDDƏALAR

13
Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib

Xalid Məmmədov, Sputnik Azərbaycan

BAKI, 26 noyabr — Sputnik. Milli Məclis noyabrın 25-də Fransa Senatının Fransa hökumətini qondarma "Dağlıq Qarabağ Respublikası"nı tanımağa çağıran məsləhət xarakterli qəbul etdiyi qətnaməsi ilə bağlı bəyanat yayıb.

Sputnik Azərbaycan xəbər verir ki, bəyanatı deputat Cavanşir Feyziyev təqdim edib.

Milli Məclisin bu gün keçirilən iclasında Fransa Senatının qəbul etdiyi qətnaməyə etiraz bəyanatı qəbul edilib.

Azərbaycan parlamentinin bəyanatında qətnamə pislənilir və qeyd edilir ki, bu sənəd beynəlxalq hüququn əsas norma və prinsiplərinin kobud şəkildə pozulmasıdır.

Azərbaycan Milli Məclisi Azərbaycan Hökumətinə aşağıdakılar ilə bağlı çağırış edir.

- Fransanın ATƏT-in Minsk Qrupunun həmsədrliyindən geri çağırılması üçün ATƏT-in rəhbərliyinə müraciət edilsin.

- Azərbaycan ilə Fransa arasında mövcud siyasi münasibətlərə yenidən baxılsın.

- Azərbaycan ilə Fransa arasında mövcud iqtisadi əlaqələr dərindən təhlil edilərək müvafiq tədbirlər görülsün. 

Xatırladaq ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

13
Teqlər:
bəyanat, etiraz, qətnamə, Senat, Fransa, Milli Məclis
Mövzu:
Azərbaycan və Ermənistan arasında müharibə