Yuxu tutan sürücü bitum dolu yük maşınını dəmir arakəsmələrə çırpdı - FOTO
(Yenilənib 13:33 25.08.2020)
İritonnajlı avtomobil xüsusi alət və texnikaların köməyi ilə qəza yerindən çıxarılıb. Təhlükənin baş verməməsi üçün hadisə yeri yuyulubRahim Məmmədov, Sputnik Azərbaycan
BAKI, 25 avqust — Sputnik. Yol qəzası Bakı-Qazax avtomagistralının Goranboy rayonundan keçən hissəsində baş verib. Üzü Bakı istiqamətində hərəkətdə olan “Mercedes” markalı yük maşını dəmir arakəsmələrə çırpılıb. Sputnik Azərbaycan-ın məlumatına görə, hadisə nəticəsində Kürdəmir rayon sakini olan sürücü xəsarət almasa da yol təsərüffatına xeyli ziyan dəyib.
Goranboyda yol-nəqliyyat hadisəsi© Sputnik / Rahim Mammadov
Goranboyda yol-nəqliyyat hadisəsi© Sputnik / Rahim Mammadov
Goranboyda yol-nəqliyyat hadisəsi© Sputnik / Rahim Mammadov
Goranboyda yol-nəqliyyat hadisəsi© Sputnik / Rahim Mammadov
©
Sputnik / Rahim Mammadov
İlkin ehtimala görə, qəza sürücünün yuxulaması nəticəsində baş verib. Sükana hakimiyyəti itirən Kürdəmir sakini qəza törədib. Qəza nəticəsində magistral yolu ayıran dəmirlər və işıq dirəyi sıradan çıxıb. İritonnajlı avtomobil xüsusi alət və texnikaların köməyi ilə qəza yerindən çıxarılıb. Təhlükənin baş verməməsi üçün hadisə yeri yuyulub. Faktla bağlı araşdırma aparılır.
Bölgələrdə qar, Bakıda sulu qar yağıb - FAKTİKİ HAVA
(Yenilənib 09:56 20.01.2021)
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.
Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.
Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.
Bakının Heydər Əliyev prospektində baş verən qəza tıxaca səbəb olub
BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.
Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.
ÜST iddia edir ki, vaksindən ölən yoxdur
BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib.
"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib.
ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.
Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.
Teqlər: