Bir yumruğa maska məsələsi böyüdü - ortada 20 min manat var

103
(Yenilənib 23:46 14.06.2020)
İctimai Televiziyanın bölgə müxbiri zərərçəkmiş qismində onlara zor tətbiq etmiş aptek sahibindən 20 000 manat təzminat tələb edir

Musa Muradlı, Sputnik Azərbaycan

BAKI, 14 iyun — Sputnik. Xəbər verdiyimiz kimi, İTV-nin Qarabağ  bölgəsi üzrə  müxbiri Şöhrət Eyvazov bir neçə gün öncə peşə fəaliyyətini həyata keçirərkən yerli aptek sahiblərindən birinin zorakılığına məruz qalıb. Nəticədə yüngül bədən xəsarətləri alıb. Bununla yanaşı, çəkiliş qrupunun texniki avadanlığı da zərər çəkib. Belə ki, kameranın mikrofonu yararsız hala düşüb.

Jurnalist Şöhrət Eyvazov  Sputnik Azərbaycan-a bildirib ki, hadisə ictimai motivlidir. Şəxsi münasibətlər zəminində yaranmayıb. Bunun üçün də aptek sahibindən onun təzminat tələb etmək hüququ var:

“Mən aptekə dərman almağa gedəndə davaya düşməmişəm. Bütün media mənsubları belə vəziyyətə düşə bilərlər. Hamıdan dəstək gözləyirəm. Qanunlara və jurnalist toxunulmazlığına inanıram,  müxtəlif təzyiqlər olsa da geri çəkilmək fikrim yoxdur”.

Təzminatın məbləğindən danışan İctimai Televiziya və Radio Yayımları Şirkəti İnformasiya departamentinin böyük redaktoru Şöhrət Eyvazov 20 min manat mənəvi təzminat tələb edəcəyini bildirib. Onun sözlərinə görə, bu, işgüzar nüfuz üçün minimal rəqəm hesab olunmalıdır.

Xatırladaq ki, bir neçə gün əvvəl  Bərdədə karantin qaydalarına riayət olunması və apteklərdə tibbi maskanın satış qiymətləri  haqqında süjet hazırlayan zaman jurnalist Şöhrət Eyvazov Bərdə şəhərinin mərkəzində yerləşən “Fərid” aptekin sahibi İsak Cəfərovun hücumuna məruz qalıb. Sorğunu bitirib aptekdən çıxmaq istəyərkən aptekin sahibi İsak Cəfərov çəkiliş qrupunun qarşısını kəsərək çəkiliş materialının silinməsini tələb edib. Tələbi yerinə yetirilməsə, kameranı sındırmaqla hədələyib.

Jurnalist Şöhrət Evazov bildirib ki, əvvəlcə aptek sahibi İsak Cəfərov onlardan niyə gəldiklərini soruşub. Çəkilişin məqsədi izah olunanda isə İsak Cəfərov əsəbi halda: "Maskanı hansı qiymətə sataram, özüm bilərəm", - deyib. Sonda aptek sahibi bir az da irəli gedərək jurnalistə zor tətbiq edib, köynəyinin yaxasını cırıb.

Dərhal hadisə yerindən DİN “102” xidmətinə zəng edib, zorakılığa məruz qaldığını bildirən jurnalist sonra Bərdə rayon polis şöbəsinə gedərək ərizə ilə müraciət edib. İlkin araşdırma nəticəsində Cəfərov İsak Məcid oğlunun əməlində Azərbaycan Respublikası CM 221.1 maddəsinin (xuliqanlıq) tərkibi olduğu üçün cinayət işi başlanıb və Şöhrət Eyvazov zərərçəkmiş kimi tanınıb. 

Araşdırma davam edir. Aptek sahibi məhkəməyə qədər sərbəst buraxılıb.

103
Əlaqədar
ÜST maska ilə bağlı fikrini dəyişdi
Müəssisə rəhbəri: Apteklər maska ilə bağlı sabotaj yaradırlar
Bəla üzərində pul qazananlar – Taxdığımız hər maska virusdan qorumurmuş
Bütöv klinikanı əvəz edəcək: Türkiyədə ağıllı maska yaradıldı
Maskalı dəniz! Çimərlik mövsümünün yeni reallığı
Qəza

Minik maşını sürüyə çırpıldı, 10 baş heyvan tələf oldu

19
(Yenilənib 11:25 25.09.2020)
Qəza zamanı “Vaz 21 010” markalı minik maşını da yararsız hala düşüb. Sürücü hadisədən xəsarətsiz ötüşüb.

Rahim Məmmədov, Sputnik Azərbaycan

BAKI, 24 sentyabr - Sputnik. Goranboyda minik maşını qoyun sürüsünə çırpılıb. Hadisə gecə saatlarında Goran-Qızılhacılı yolunun rayonun Boluslu kəndindən keçən hissəsində qeydə alınıb.

Qəza zamanı kənd sakini Sulduz Əliyevə məxsus 10 baş xırdabuynuzlu heyvan hadisə yerində tələf olub. Bir neçə heyvan isə yaralanıb.

“Vaz 21-010” markalı avtomobil sürüyə çırpıldıqdan sonra ön hissəsi yararsız hala düşüb. Yol-nəqliyyat hadisəsi zamanı sürücü xəsarət almayıb. Hadisənin başvermə səbəbləri araşdırılır.

19
Zəncir, arxiv şəkli

Qızını zəncirləyən kişi həbs edildi

13
(Yenilənib 15:59 24.09.2020)
Adil Həbiyev Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilərək, barəsində məhkəmənin qərarı ilə həbs qətimkan tədbiri seçilib.

BAKI, 24 sentyabr — Sputnik. Biləsuvar rayonu, Zəhmətabad kənd sakini Adil Həbiyevin yaşadıqları evdə qızını zəncirlə bağlı vəziyyətdə saxlaması, habelə onu döyüb işgəncə verməsi faktı ilə bağlı Biləsuvar rayon prokurorluğunda Cinayət Məcəlləsinin 145.2.5-ci (qanunsuz azadlıqdan məhrum etmə, zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) maddəsi ilə cinayət işi başlanaraq istintaq aparılıb.

Sputnik Azərbaycan Biləsuvar rayon Prokurorluğunun məlumatına istinadla xəbər verir ki, istintaqla 1970-ci il təvəllüdlü Adil Həbiyevin doğma qızı, 1989-cu il təvəllüdlü Bağdagül Həbiyevanın həyat tərzi ilə bağlı yaranmış narazılıqlara görə cari il aprelin 2-dən iyulun 9-dək Biləsuvar rayonu, Zəhmətabad kəndində yerləşən yaşadıqları evdə zəncirlə bağlayıb qanunsuz azadlıqdan məhrum edərək sağlamlığı üçün təhlükəli olan zor tətbiq etməsinə əsaslı şübhələr müəyyən edilib.

Cinayət işi üzrə müvafiq ekspertizalar təyin edilib, hadisə yerinə baxış keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

Adil Həbiyev Cinayət Məcəlləsinin qeyd edilən maddəsilə təqsirləndirilən şəxs qismində cəlb edilərək, barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Biləsuvar Rayon Məhkəməsinə göndərilib.

13
Teqlər:
Biləsuvar, işgəncə, qız, zəncir, həbs
Moskva meri Sergey Sobyanin, arxiv şəkli

Moskva meri distant rejiminə keçməyə çağırıb: Soyuqlar yaxınlaşır, xəstəlik artacaq

0
(Yenilənib 11:15 25.09.2020)
Sobyanin iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

BAKI, 25 sentyabr — Sputnik. Moskva meri Sergey Sobyanin koronavirusun yayılması təhlükəsi fonunda işəgötürənləri mümkün qədər çox əməkdaşı distant iş rejimə keçirməyi tövsiyə edib.

Sputnik Azərbaycan xəbər verir ki, Sobyaninin çağırışı onun şəxsi saytında dərc olunub.

Sobyanin həmçinin dezinfeksiya, fərdi mühafizə vasitələrinin istifadəsi, sosial məsafə, temperaturun ölçülməsi və COVID-19 testləri də daxil olmaqla, iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

Bundan əlavə, mer sentyabrın 28-dən etibarən yaşlı və xroniki xəstəlikləri olan insanlardan distant iş formatına keçməyi və ya tətil götürməyi xahiş edib.

Sobyanin bildirib ki, Moskvada "koronavirus hallarının sayı əhəmiyyətli dərəcədə artıb" və soyuqların yaxınlaşması ilə soyuqdəymə xəstəliklərinin artması müşahidə olunacaq. O, bütün moskvalıları nəqliyyatda, mağazalarda və digər ictimai yerlərdə maska və əlcək rejimlərinə riayət etməyə çağırıb.

0
Teqlər:
epidemiya, Koronavirus, COVID-19, moskva meri, Moskva, Sergey Sobyanin