Oğuz rayonun Xaçmaz kəndində hadisə baş verdiyi yerdə

Oğuzlu məktəblinin qətli - Rəsmilər bir söz deyirlər, sakinlər başqa

471
(Yenilənib 20:12 22.05.2020)
Ölən məktəblinin yaxın qohumu Nəsirov Yaqub bildirib ki, meyiti şəxsən görüb. Onun sözlərinə görə, meyitdə heyvan izi yoxdur, buna görə də ölümə dair müəyyən şübhələri var.

İlham Əhmədov, Sputnik Azərbaycan

BAKI, 22 may – Sputnik. Mayın 21-də itkin düşmüş Oğuz rayonu Xaçmaz kənd sakini, 2007-cı il təvəllüdlü Cəbrayıl Məmmədlinin tapılması məqsədilə Fövqəladə Hallar Nazirliyinin Şimal-qərb Regional Mərkəzinin müvafiq xilasetmə qüvvələrinin, prokurorluq və polis işçilərinin, eləcə də digər aidiyyəti qurumların əməkdaşları tərəfindən həyata keçirilmiş təxirəsalınmaz əməliyyat-axtarış tədbirləri nəticəsində C.Məmmədlinin meyiti mayın 22-də saat 09 radələrində yaşadığı evdən təxminən 2 kilometr aralı meşəlik ərazidən keçən çayda aşkar edilib. Bu barədə Oğuz rayon prokurorluğu və Polis Şöbəsindən Sputnik Azərbaycan-a daxil olan birgə məlumatda qeyd olunur. Məlumata əsasən, dərhal prokurorluq və polis işçiləri tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, məhkəmə-tibb ekspertizası təyin olunub, şahidlərin izahatları alınıb.

C.Məmmədlinin meyitinə baxış zamanı meyitin baş nahiyəsində xəsarətlər aşkar edilib.

Məhkəmə-tibbi ekspertinin ilkin məlumatına görə C.Məmmədlinin baş nahiyəsində aşkar edilmiş xəsarətlər vəhşi heyvanın (ayının) pəncəsinin zərbəsinin təsiri nəticəsində yaranmağa xarakterikdir.

Hazırda faktla bağlı rayon prokurorluğunda araşdırma aparılır.

Sputnik Azərbaycan-ın müxbiri də hadisə yerində olaraq bu dəhşətli olayla maraqlanıb. Onun məlumatına əsasən, dünən axşam Oğuzda itkin düşmüş məktəblinin bu səhər cəsədi aşkar edilib. Oğuz rayonunun Xaçmaz kənd sakini 13 yaşlı Məmmədli Cəbrayıl Vüsal oğlu həyətyanı sahədə suvarma işləri başa çatdığı üçün kənddəki çaydan su kəsməyə gedib. Axşam saatlarında atası onun qayıtmadığını gördükdə arx yerinə gəlib və oğlunun velosipedinin və paltarının arxın kənarında olduğunu görüb. Məktəblinin axtarışları nəticə vermədiyindən ata polisə müraciət edib.

Kənd sakinlərinin sözlərinə görə, 300 nəfərdən çox insan gecə saatlarından etibarən axtarışa çıxıb. Axtarışların gecə də davam etməsinə baxmayaraq heç bir nəticə olmayıb. Nəhayət ki, bu gün səhər saat 9.35-də Cəbrayılın meyiti paltarlarının olduğu ərazidən 2 km aralıda, Nazar çayından tapılıb. Meyit aidiyyəti orqanlar tərəfindən Patoloji Anatomiya və Tibbi Ekspertiza Birliyinin Oğuz rayon bölməsinə təhvil verilib.

© Sputnik / Ilham Ahmadov
Patoloji Anatomiya Birliyi Oğuz şöbəsi

Kənd sakinləri məktəblinin ölümünə səbəb kimi vəhşi heyvan, ayı hücumu ola biləcəyini ehtimal edirlər. Məktəblinin qohumları və yaxınları isə ölümün başqa səbəblərdən olma ehtimalından şübhələndiklərini deyiblər. 

Ölən məktəblinin yaxın qohumu Nəsirov Yaqub Məmmədəli oğlu bildirib ki, meyiti şəxsən görüb. Onun sözlərinə görə, meyitdə heyvan izi yoxdur, buna görə də ölümə dair müəyyən şübhələri var. O, uşağın alnında geniş həcmli çapıq və küt alət izləri müşahidə edib.

© Sputnik / Ilham Ahmadov
Oğuz Rayon Mərkəzi Xəstəxanası

Xatırladaq ki, bu ilin yanvar ayında Tovuz rayonunun Dondar Quşçu kənd sakini 10 yaşlı Nərmin Quliyevanın qəsdən öldürülməsi faktı ilə bağlı istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində bu ağır cinayəti törətməkdə şübhəli bilinən Dondar Quşçu kənd sakini, işləməyən, 1973-cü il təvəllüdlü Süleymanov İlkin İbrahim oğlu tutularaq istintaqa cəlb edilmişdi.

© Sputnik / Ilham Ahmadov
Oğuz rayonun Xaçmaz kəndində

Nərmin Quliyeva ötən il 21 noyabrda, saat 15:00-da qonşuların qeyd etdiyi toy şənliyi zamanı yoxa çıxmış və onun yandırılmış cəsədi bu ilin əvvəllərində tapılmışdı.

471
Polis Patrul Xidməti və Təcili Tbbi Yardım maşınları

Bərdədə 7 yaşlı uşaq bacısını öldürüb

13
(Yenilənib 23:15 03.07.2020)
7 yaşlı Tağızadə Uğur Asif oğlu atasına məxsus "VAZ 2107" markalı minik avtomobilini işə salaraq hərəkət etdirib. Nəticədə 8 yaşlı bacısını əzərək öldürüb.

BAKI, 3 iyul – Sputnik. Bərdədə 7 yaşlı uşaq bacısını öldürüb.

Sputnik Azərbaycan APA-ya istinadla xəbər verir ki, hadisə Bərdə rayonunun Qarabağ qəsəbəsində qeydə alınıb.

7 yaşlı Tağızadə Uğur Asif oğlu atasına məxsus "VAZ 2107" markalı minik avtomobilini işə salaraq hərəkət etdirib. Nəticədə 8 yaşlı bacısını əzərək öldürüb.

Faktla bağlı araşdırmalara başlanılıb.

13
Bıçaq, arxiv şəkli

Bakıda qatil dolaşır: Lənkəranskinin yaxın adamını öldürüb

158
(Yenilənib 13:04 03.07.2020)
Hazırda Aslan Sadıqovun yerinin müəyyən edilərək istintaqa cəlb olunması istiqamətində təxirəsalınmaz istintaq və əməliyyat-axtarış tədbirləri davam etdirilir

BAKI, 3 iyul — Sputnik. İyulun 2-də saat 23 radələrində Suraxanı rayonu ərazisində 1979-cu il təvəllüdlü Mail Mustafayevin bıçaqlanaraq öldürülməsi barədə daxil olan məlumat əsasında dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.

Sputnik Azərbaycan Suraxanı Prokurorluğunun məlumatına istinadla xəbər verir ki, faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin tanışı, 1989-cu il təvəllüdlü Aslan Sadıqov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda Aslan Sadıqovun yerinin müəyyən edilərək istintaqa cəlb olunması istiqamətində təxirəsalınmaz istintaq və əməliyyat-axtarış tədbirləri davam etdirilir.

Bu arada qətlə yetirilən şəxsin kriminal avtoritet olduğu məlum olub.  

APA-nın məlumatına görə, Mail Mustafayev kriminal aləmdə “Hövsanlı Mayıl”, “Mayıl Naxçıvanski” kimi tanınıb. O, əvvəllər dəfələrlə məhkumluq həyatı yaşayıb. M.Mustafayevin mərhum qanuni oğru Rövşən Lənkəranskinin yaxın adamlarından olduğu bildirilir. 

158
Əlaqədar
Tərtərdəki dəhşətli körpə ölümünün pərdəarxası: qarabasma...
Qardaş qardaşı ov tüfəngi ilə öldürdü
Qazaxlı həmyerlisini bıçaqlayıb öldürdü
Bakıda itkin düşdü, öldürüb Beyləqanda basdırdılar – Dəhşətli cinayətin üstü açıldı
Ukraynada qətl törədən azərbaycanlı Bakıda ələ keçdi: tanınmış idmançı imiş
 İranda epdimioloji vəziyyət

İranda bir gündə 150-dən çox şəxs koronavirusdan öldü

0
(Yenilənib 00:14 04.07.2020)
Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb

BAKI, 4 iyul — Sputnik. İranda koronavirusa yoluxanların sayı bir gün ərzində 2566 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

Hospitalda koronavirus xəstəsinin yoxlanılması
© Sputnik / Vladimir Astapkovich

"Son 24 saat ərzində koronavirusa 2566 yoluxma halı qeydə alınıb ki, bununla da ölkədə virusa yoluxanların sayı 235429-a çatıb. Bir gün ərzində 154 nəfər virusdan ölüb, bununla da ölkədə koronavirusdan ölənlərin sayı 11260-a çatıb", - deyə məlumatda bildirilib.

O həmçinin qeyd edib ki, virusa yoluxan 235429 şəxsdən 196,5 mindən çoxu sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 10,8 milyonu keçib, 521 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla