Stetoskop, arxiv şəkli

Bakıda gənc qadın pnevmoniyadan öldü

29
(Yenilənib 13:51 29.02.2020)
"Qadının vəziyyəti ağır olub, dərhal müalicəsinə başlanılıb. Hadisədən 40 dəqiqə sonra müdaxiləyə baxmayaraq, ağciyər-ürək çatışmazlığı və ağciyər ödemindən dünyasını dəyişib"

Zülfiyyə Quluyeva, Sputnik Azərbaycan

BAKI, 29 fevral — Sputnik. "Tibbi Ərazi Bölmələrinin İdarəetmə Birliyi" (TƏBİB) Bakıda pnevmoniyadan vəfat etdiyi barədə məlumat yayılan 26 yaşlı qadınla bağlı Sputnik Azərbaycan-ın sorğusuna cavab verib. TƏBİB-in mətbuat katibi Rəvanə Əliyeva Sputnik Azərbaycan-a açıqlamasında bildirib ki, qadın 3 saylı Şəhər Klinik Xəstəxanasına gecə saatlarında daxil olub: "Ona ilkin olaraq ikitərəfli bronxopnevmoniya diaqnozu qoyulub. Qadının vəziyyəti ağır olub, dərhal müalicəsinə başlanılıb. Hadisədən 40 dəqiqə sonra müdaxiləyə baxmayaraq, ağciyər-ürək çatışmazlığı və ağciyər ödemindən dünyasını dəyişib. Hazırda xəstənin ölüm səbəbinin dəqiqləşdirilməsi ilə bağlı ekspertiza aparılır".

Qeyd edək ki, dünən gecə 26 yaşlı Ramazanova Nəzakət Fazil qızının səhhəti ağırlaşdığı üçün təcili yardımla Sabunçu rayonunda yerləşən 3 saylı Şəhər Klinik Xəstəxanasına çatdırılıb. Həkimlərin səyinə baxmayaraq, 26 yaşlı qadın pnevmoniyadan ölüb.

29
Kommunarkada karantin mərkəzi, arxiv şəkli

Rusiyada koronavirusdan ölənlərin sayı daha bir psixoloji göstəricisini keçdi

1
(Yenilənib 13:58 22.10.2020)
Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

BAKI, 22 oktyabr — Sputnik. Son bir sutka ərzində Rusiyada 15971 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 290 nəfər ölüb.

Ümumilikdə, Rusiyada bu xəstəliyə yoluxanların sayı 1463306-ya çatıb. Rusiyada pandemiya yayılandan 25242 nəfər COVID-19-dan vəfat edib. Ölkədə bu virusdan sağalanların sayı 1107988-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 41,2 milyonu keçib, 1,13 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

1
Ermənistana məxsus taktiki PUA, arxiv şəkli

Naxçıvan istiqamətində uçan Ermənistan PUA-sı məhv edildi

28
Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib.

BAKI, 22 oktyabr — Sputnik. Naxçıvan istiqamətində uçan Ermənistan PUA-sı məhv edilib.

Bu barədə Sputnik Azərbaycan-a Azərbaycan Müdafiə Nazirliyinin Mətbuat Xidmətindən məlumat verilib.

"Oktyabrın 22-də səhər saatlarında Naxçıvan Muxtar Respublikasının Sədərək və Şərur rayonları istiqamətində uçuş keçirməyə cəhd göstərən Ermənistan silahlı qüvvələrinə məxsus daha bir taktiki pilotsuz uçuş aparatı bölmələrimiz tərəfindən məhv edilib", - deyə məlumatda bildirilir.

28
Mövzu:
Azərbaycan və Ermənistan arasında müharibə