Birinci vitse-prezident Mehriban Əliyeva, arxiv şəkli

16 bıçaq zərbəsi vurulan qadının səhhəti cinayət işi Mehriban Əliyevanın nəzarətində

26
(Yenilənib 17:15 27.02.2020)
"Biz qızımın müalicəsi üçün heç kəsə, eləcə də Heydər Əliyev Fonduna müraciət etməmişik. Mehriban xanım özü ailəmizin başına gələn bu faciədən xəbər tutan kimi qızımın taleyinə biganə yanaşmayıb"

Zülfiyyə Quluyeva, Sputnik Azərbaycan

BAKI, 27 fevral — Sputnik. Keçmiş əri tərəfindən 16 bıçaq zərbəsi alan Dilarə Zeynalovanın müalicəsini Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığı ilə Fond öz üzərinə götürüb.

Bu barədə Sputnik Azərbaycan-a Dilarə Zeynalovanın anası Elmira Zeynalova məlumat verib. O bildirib ki, bununla bağlı Fonda heç bir müraciət etməyiblər: "Biz qızımın müalicəsi üçün heç kəsə, eləcə də Heydər Əliyev Fonduna müraciət etməmişik. Mehriban xanım özü ailəmizin başına gələn bu faciədən xəbər tutan kimi qızımın taleyinə biganə yanaşmayıb. Onun mərhəmətlə dolu qəlbinin, xeyirxahlığının sayəsində qızımın həyatda qalmasına ümidimiz artıb. Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov bizə zəng edərək qızımın səhhəti ilə maraqlandı. Bildirdi ki, onun müalicəsi ilə Mehriban xanım özü maraqlanır. Tapşırıb ki, Dilarənin müalicəsi Fondun nəzarətinə götürülsün.

Mehriban xanımın tapşırığından sonra hər gün bir neçə yüksək ixtisaslı həkim Dilarənin müalicə aldığı xəstəxanaya gəlir. Hazırda qızımın səhhətində ən böyük problem ağciyəri ilə bağlıdır. Mən Mehriban xanıma necə təşəkkür edəcəyimi bilmirəm. O, iki qız anasıdır. Onun böyük qəlbi var. Məni bir ana kimi başa düşüb. Buna görə Mehriban xanıma çox minnətdaram. Müalicə ilə bağlı xərcləri Heydər Əliyev Fondu öz üzərinə götürüb. Artıq bizdən xəstəxana heç bir ödəniş tələb etmir. Bu bizim ailəmizə böyük dəstəkdir. Hər kəsə bəllidir ki, mənim qızımı amansızcasına bıçaqlayan Şuşa İcra Hakimiyyətinin sabiq başçısı Nizami Bəhmənovun oğlu Ceyhun Bəhmənovdur. Mən cinayətkarın cəzasız qalacağından da çox narahat idim. Amma Anar müəllim bizi arxayın etdi ki, cinayət işi tam ədalətli aparılacaq. Çünki Fonddan bununla bağlı da prokurorluğa ciddi tapşırıq verilib. Mən bir ana kimi bu dəstəyi bizə göstərən nəcib əməllər sahibi, xeyirxahlıq ilahəsi olan Mehriban xanıma təşəkkürümü bildirirəm".

Məlumat üçün onu da bildirək ki, C.Bəhmənovun ailəsi D.Zeynalovanın müalicəsi üçün onlara heç bir maddi kömək etmir. Bu barədə Elmira Zeynalova Sputnik Azərbaycan-a müsahibələrindən birində məlumat verərək bildirmişdi ki, Ceyhun Bəhmənovun anası pul yığır ki, oğlunu psixi xəstə kimi cəzadan azad etsin.

Qeyd edək ki, D.Bəhmənova fevralın 1-də 15 yaşlı qızını həkimə aparıb çıxanda keçmiş əri Ceyhun Bəhmənovun hücumuna məruz qalıb. C.Bəhmənov iki bıçaqla ona 16 bıçaq zərbəsi vurub. C.Bəhmənov Şuşa şəhərinin keçmiş icra başçısı Nizami Bəhmənovun oğludur. Faktla bağlı qəsdən adam öldürməyə cəhd maddəsi ilə cinayət işi başlanılıb, C.Bəhmənov barəsində 4 ay müddətinə həbs qətimkan tədbiri seçilib. İstintaq davam etdirilir.

26
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

67
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

67
Milli Məclisin binası, arxiv şəkli

Milli Məclis Qarabağ münaqişəsi ilə bağlı videomüraciət yayıb

0
Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

BAKI, 21 oktyabr — Sputnik. Ermənistan-Azərbaycan, Dağlıq Qarabağ münaqişəsinin beynəlxalq ictimaiyyətə çatdırılması məqsədilə Milli Məclisin Sədri Sahibə Qafarovanın təşəbbüsü ilə millət vəkillərinin və parlament aparatının Beynəlxalq münasibətlər şöbəsinin əməkdaşlarının iştirakı ilə videoçarx hazırlanıb.

Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

Həmin videomüraciəti təqdim edirik:

0
Mövzu:
Azərbaycan və Ermənistan arasında müharibə