Təcili tibbi yardım avtomobili, arxiv şəkli

Bakıda həyəcanlı gecə: Bu dəfə 6 tələbə zəhərləndi

62
(Yenilənib 10:26 26.11.2019)
Həkimlər tələbə qızların vəziyyətini orta-ağır kimi qiymətləndiriblər. Onlara lazımi tibbi yardım göstərilib və tələbələr evə buraxılıblar

BAKI, 26 noyabr — Sputnik. Xəzər Universitetinin 6 tələbəsi zəhərlənib.

Səhiyyə Nazirliyindən Sputnik Azərbaycan-a verilən məlumata görə, tələbələr Təcili Tibbi yardım avtomobili ilə 1 saylı Kliniki Tibbi Mərkəzin Toksikologiya şöbəsinə gətiriblər.

Onların dəm qazından zəhərlənməsi ehtimal edilir.

Qeyd edək ki, Təcili Tibbi yardıma çağırış saat 04:47-də olub. Tələbə qızların dediyinə görə, hadisə kirayədə qaldıqları Qara Qarayev pr. 76, mənzil 28 ünvanında baş verib.

Həkimlər tələbə qızların vəziyyətini orta-ağır kimi qiymətləndiriblər. Onlara lazımi tibbi yardım göstərilib və tələbələr evə buraxılıblar.

62