BAKI, 19 noyabr — Sputnik. Ötən gün axşam saatlarında döyülən gənc qız xəstəxanaya yerləşdirilib. Bu barədə 1 saylı Kliniki Tibbi Mərkəzdən Sputnik Azərbaycan-a məlumat verilib.
2004-cü il təvəllüdlü Əliyeva Zeynəb Şahvələd qızı təcili yardımla 1 saylı Kliniki Tibbi Mərkəzə çatdırılıb. Xəstəxanadan verilən məlumata görə, ona alın nahiyəsinin yumşaq toxumalarının əzilməsi diaqnozu qoyulub. Hazırda onun səhhətinin normal olduğu deyilir.
Qeyd edək ki, hadisə Binəqədi rayonunda baş verib.
