Bişkekin mərkəzində baş verən partlayış nəticəsində Antoşka fəst-fudunda yanğın baş verib

Fast-fudda qaz balonu partladı, əksəriyyəti uşaq olan müştərilər xəsarət aldı

1973
(Yenilənib 15:10 08.11.2019)
Bişkekin mərkəzində baş verən partlayış nəticəsində "Antoşka" fəst-fudunda yanğın baş verib, 1 nəfər ölüb, 13 nəfər isə xəsarət alıb.

BAKI, 8 noyabr — Sputnik. Bişkekin mərkəzində Çuy və Erkindik prospektlərinin kəsişməsində üç partlayış baş verib və nəticədə "Antoşka" fast-fudunda (fast-food) yanğın olub.

Sputnik Qırğızıstan- xəbər verir ki, yerli vaxtla təqribən saat 13:38-13:39 radələrində birinci partlayış, bir müddət sonra isə daha iki partlayış baş verib.

İlkin informasiyalara görə, fast-foodun içərisində təxminən 10 dəqiqə ara ilə iki qaz balonu partlayıb və bu, yanğına səbəb olub.

Qırğızıstan Səhiyyə Nazirliyinin mətbuat xidmətinin yaydığı məlumata görə, partlayış nəticəsində fast-fudun qadın əməkdaşı hadisə yerindəcə ölüb, 7-si uşaq olmaqla 13 nəfər xəsarət alıb. Onlardan 6-sı xəstəxanaya yerləşdirilib, qalanlara isə ambulator şəraitdə tibbi yardım göstərilib.

İki nəfər Bişkek Elmi-Tədqiqat Travmatologiya və Ortopediya Mərkəzinin reanimasiya şöbəsinə yerləşdirilib. Onlara bədənin 25-30 faizinin yanığı diaqnozu qoyulub, vəziyyətləri ağırdır. Yanıq şöbəsinə dərisinin 3-15 faizinin yanması diaqnozu ilə daha 3 zərərçəkmiş yerləşdirilib. Onların vəziyyəti orta-ağır qiymətləndirilir. Toksikologiya şöbəsinə isə yanğın zamanı tüstüdən zəhərlənən 1 zərərçəkmiş gətirilib ki, onun da vəziyyəti orta-ağırdır. Partlayış zamanı xəsarət almış uşaqlardan üçünün şəhər uşaq kliniki xəstəxanasına aparıldığı və ilkin tibbi yardım göstərildiyi bildirilir.

  • В центре Бишкека произошло три мощных взрыва
    Bişkekin mərkəzində baş verən partlayış nəticəsində "Antoşka" fəst-fudunda yanğın baş verib
    © Sputnik / Zhoomart Uraimov
  • Три взрыва прогремели в кафе в Бишкеке
    Bişkekin mərkəzində baş verən partlayış nəticəsində "Antoşka" fəst-fudunda yanğın baş verib
    © Sputnik / © Sputnik / Zhoomart Uraimov
  • Сотрудники МЧС возле кафе Антошка на пересечении улиц Чуй и Эркиндик в Бишкеке, где произошли три взрыва и пожар.
    Bişkekin mərkəzində baş verən partlayış nəticəsində "Antoşka" fəst-fudunda yanğın baş verib
    © Sputnik / Tabyildyi Kadyirbekov
  • Три взрыва прогремели в кафе в Бишкеке
    Bişkekin mərkəzində baş verən partlayış nəticəsində "Antoşka" fəst-fudunda yanğın baş verib
    © Sputnik / Tabyildyi Kadyirbekov
1 / 4
© Sputnik / Zhoomart Uraimov
Bişkekin mərkəzində baş verən partlayış nəticəsində "Antoşka" fəst-fudunda yanğın baş verib

Hazırda hadisə yerinə Fövqəladə Hallar Nazirliyinin iki yanğınsöndürmə briqadası, təcili tibbi yardım maşınları və milis əməkdaşları cəlb olunub.

Baş nazirin müavini Muhəmmədkalı Abılqazıyev Səhiyyə Nazirliyinə yanğından zərər çəkmiş şəxslərə zəruri tibbi xidmətin göstərilməsi və zərərçəkmişlərin müalicə edilməsi ilə bağlı təlimat verib. O, həmçinin müvafiq orqanlara partlayışın və yanğının başvermə səbəblərini araşdırmağı tapşırıb.

1973
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

66
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

66
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0