Xəstəxana, arxiv şəkli

Bakıda xəstə yaxınları həkimlərə hücum çəkdilər

43
(Yenilənib 13:33 07.11.2019)
"Reanimasiya şöbəsində bir neçə ağır xəstə var, bu şöbəyə giriş qadağandır. Həkimlər sakitləşdirməyə çalışarkən təhqir olunublar. Yalnız mühafizəçilərin müdaxiləsi ilə onları şöbədən çıxarmaq mümkün olub" - Baş həkim

BAKI, 7 noyabr — Sputnik. Bakıdakı Məlikov adına 6 saylı Birləşmiş Şəhər Xəstəxanasının həkimləri ağır vəziyyətdə xəstəxanaya çatdırılan xəstənin yaxınları tərəfindən təhqir ediliblər. Ötən gün 23:30-da baş verən hadisə haqda Sputnik Azərbaycan-a danışan xəstəxananın baş həkimi Bəyalı Məmmədov deyib ki, 1998-ci il təvəllüdlü Esmira Asif qızı Yusifova təcili tibbi yardımla ağır vəziyyətdə xəstəxanaya çatdırılıb.

 Xəstə anadangəlmə I tip şəkər xəstəsi olub: "Xəstə dərhal reanimasiya şöbəsinə yerləşdirilib, tibbi yardım göstərilib, şəkəri normal vəziyyətə salınıb. Mən və müavinlərim bir neçə dəfə xəstənin vəziyyətinə şəxsən nəzarət etmişik".

Onun sözlərinə görə, gecə xəstənin anası və daha 4 kişi qohumu reanimasiya şöbəsinə keçməyə cəhd ediblər. Kişilər sərxoş vəziyyətdə olduğundan dava salıblar: "Reanimasiya şöbəsində bir neçə ağır xəstə var, bu şöbəyə giriş qadağandır. Həkimlər sakitləşdirməyə çalışarkən təhqir olunublar. Yalnız mühafizəçilərin müdaxiləsi ilə onları şöbədən çıxarmaq mümkün olub".

Məlumata görə, E.Yusifova bir neçə gün əvvəl yenə də ağır vəziyyətdə 5 saylı şəhər xəstəxanasına gətirilib və ağır vəziyyətdə reanimasiyaya yerləşdirilib, amma şəkəri normal vəziyyətə düşən kimi müalicədən imtina edib: "Həkimlərin təkidinə baxmayaraq imtina ərizəsi yazaraq müalicə olunmaq istəmədiyini, özünü yaxşı hiss etdiyini deyib".

Qeyd edək ki, E.Yusifova hazırda həkim nəzarətindədir, müayinə və müalicəsi davam etdirilir.

43
Əlaqədar
Azərbaycanda həkimə ancaq çarəsiz suriyalı qaçqınlar müraciət edirlər
Həkimlər yeni qayda ilə işə götürüləcək
Həkim-firma işbirliyi: Cinayətkar tandem gələcəyimizi məhv edir
Həkimə getmək qorxusu: elmi sınıqçı, çöpçü, falçı yanına getməklə əvəzləyirik