Leyla Abdullayeva, Sputnik Azərbaycan
BAKI, 18 sentyabr — Sputnik. Xaçmazda intihar hadisəsi baş verib.
Sputnik Azərbaycan-ın bölgə müxbirinin verdiyi məlumata görə, rayonun İzmaylovka adlanan qəsəbəsində yaşayan 1996-cı il təvəllüdlü Ramin Cəbrayılov sentyabrın 12-də səhər saatlarında yaşadığı evdə özünü asıb.
Gənci asılı vəziyyətdə görən ailə üzvləri onu təcili Xaçmaz Rayon Mərkəzi Xəstəxanasına çatdırıblar. Reanimasiya şöbəsinə yerləşdirilən Ramin 6 gün komada qalıb. Gənc bu gün səhər saatlarında dünyasını dəyişib.
İlkin ehtimala görə, intiharın səbəbi sevgi münasibətlərində yaranan problem olub.
Faktla bağlı Xaçmaz Rayon Prokurorluğunda cinayət işi açılıb
