İnək, arxiv şəkli

Bərdədə "qorxmayın" deyib dərisi korlanan ev heyvanlarını nəzarətə götürürlər

27
(Yenilənib 18:48 12.09.2019)
Dərisinin tamlığı pozulmuş heyvanlar Aqrar Xidmətlər Agentliyinin yerli baytarlıq idarələri tərəfindən ciddi nəzarətə götürülüb və lazımi köməklik göstərilir

Zülfiyyə Quluyeva, Sputnik Azərbaycan

BAKI, 12 sentyabr — Sputnik. Bərdə rayonunda iribuynuzlu heyvanlar arasında kütləvi xəstəlik yayılıb. Məlumatlara görə, xəstəlik rayonun Mustafaağalı kəndində müşahidə olunur. Heyvanlar arasında ölüm halı müşahidə olunmasa da, xəstəliyin yayılması kənd sakinlərinin narahatlığına səbəb olub.

Sputnik Azərbaycan Bərdənin Mustafaağalı kəndində heyvanlar arasında qeydə alınan bu xəstəliyin səbəbini araşdırıb.

 Kənd Təsərrüfatı Nazirliyi yanında Aqrar Xidmətlər Agentliyinin mətbuat katibi Murtuzəli Hacıyev Sputnik Azərbaycan-a açıqlamasında bildirib ki, yay fəslinin isti, quraq və yağmursuz keçməsi ilə əlaqədar bölgələrdə müəyyən mikroorqanizmlərin, ağcaqanadların və qansorucu həşəratların aktivliyi müşahidə edilir.

Bu aktivləşmənin nəticəsində heyvanlarda dərinin tamlığının pozulması qeydə alınır: "Dərisinin tamlığı pozulmuş heyvanlar Aqrar Xidmətlər Agentliyinin yerli baytarlıq idarələri tərəfindən ciddi nəzarətə götürülüb və lazımi köməklik göstərilir. Həmçinin heyvan sahiblərinə bu kimi həşəratlardan və mikrooqranizmlərdən heyvanların qorunmasına dair məsləhət və tövsiyələr verilib. Heyvanlarda baş verən dəri tamlığının pozulmasının xüsusi təhlükəli infeksiya ilə əlaqəsi mövcud deyil və heç bir narahatlığa əsas yoxdur. Hazırda xüsusi təhlükəli xəstəliklərə görə respublikada epizootik vəziyyət sabitdir və bu sabitliyi qoruyub saxlamaq üçün Kənd Təsərrüfatı Nazirliyi yanında Aqrar Xidmətlər Agentliyi "Epizootiya əleyhinə profilaktika və diaqnostika tədbirlər planı"nda nəzərdə tutulan xəstəliklərin profilaktikası üçün peyvənd, dezinfeksiya, dezinseksiya və s. vasitələrlə yerli baytarlıq idarələrini təmin edib və lazımi təşkilatı tədbirlər davam etdirilir".

27
Teqlər:
Bərdə, xəstəlik, inək, ev heyvanı
Əlaqədar
Ölümcül xəstəliyin üzəriylə gəzirik - Rəsmi xəbərdarlıq
Salmonella bakteriyası olan toyuqların Azərbaycana idxal təhlükəsi varmı?
Yeni bitkinin heyvandarlıqda tətbiqi araşdırılır
Heroin, arxiv şəkli

Yemək qazanının qulplarından heroin çıxdı

5
(Yenilənib 15:56 28.11.2020)
Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb.

BAKI, 28 noyabr — Sputnik. Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq Təcridxanasına narkotik və psixotrop maddələrin keçirilməsi cəhdinin qarşısı alınıb.

Xidmətin ictimaiyyətlə əlaqələr şöbəsindən Sputnik Azərbaycan-a bildirilib ki, cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş və hazırda Bakı İstintaq Təcridxanasında saxlanılan Ağayev Rəşad Hüseyn oğluna tanışı Qaxiyev Rauf İsmayıl oğlu tərəfindən gətirilmiş sovqata baxış keçirilib.

Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb. Faktla bağlı araşdırma aparılır.

5
FHN əməkdaşları yanğın yerində, arxiv şəkli

Bakıda yanğın baş verib, bir nəfər ölüb

10
Yanğın zamanı 1960-cı il təvəllüdlü Məcidov Ədalət Əvəz oğlunun meyiti yanğınsöndürənlər tərəfindən aşkar olunub.

BAKI, 28 noyabr — Sputnik. Bakıda yanğın zamanı bir nəfər ölüb.

Bu barədə Sputnik Azərbaycan-a Fövqəladə Hallar Nazirliyindən məlumat verilib. Bildirilir ki, paytaxtın Nərimanov rayonunda ümumi sahəsi 3 m² olan taxtadan ibarət gözətçi köşkünün yanar konstruksiyaları yanıb.

Yanğın zamanı 1960-cı il təvəllüdlü Məcidov Ədalət Əvəz oğlunun meyiti yanğınsöndürənlər tərəfindən aşkar olunub. Yaxınlıqdakı avtomobillər yanğından mühafizə olunub. Yanğından mühafizə bölmələri tərəfindən yanğın söndürülüb.

10
Teqlər:
Bakı, Bakıda yanğın, yanğın