Məhkəmə Tibbi Ekspertiza və Patoloji Anatomiya Birliyinin Lənkəran Rayon Şöbəsi

Lənkəranda qadının təmiz hava almaq istəyi faciə ilə bitdi

92
(Yenilənib 14:03 17.06.2019)
Faktla bağlı araşdırmalar davam edir

Rahim Zakiroğlu, Sputnik Azərbaycan

BAKI, 17 iyun - Sputnik. Lənkəran rayonu Sütəmurdov kəndi ərazisində boğulma hadisəsi baş verib. Sputnik Azərbaycan-ın bölgə müxbirinin əldə etdiyi xəbərə əsasən, yerli sakinlər orta yaşlı qadının çaya düşməsi haqda polisə məlumat veriblər.

Dərhal hadisə yerinə təcili yardım briqasası ilə bərabər FHN Cənub Regional Mərkəzinin xilasediciləri də cəlb olunub. Suya düşən qadının cansız bədəni çaydan çıxarılıb. İlkin araşdırmalar zamanı qadının yerli sakin olmadığı müəyyən edilib. Daha sonra qadının əl çantası tapılıb. Məlum olub ki, yıxılan şəxs Ukrayna vətəndaşı, 1956-cı il təvəllüdlü Solmaz Nəsirovadır.

Bildirək ki, S.Nəsirova Lənkəran rayonunun Kərgəlan kəndində doğulub. Ailəlidir və üç övladı var, ailə qurduqdan sonra Ukraynaya köçüb. Mərhumun doğmalarının bildirdiklərinə əsasən o, "astma" xəstələyindən əziyyət çəkirmiş.

Bu gün səhər saatlarında da təmiz hava almaq məqsədilə çayın qırağı ilə dəniz kənarına getmək istəyərkən S.Nəsirovanın ayağı sürüşərək çaya yıxılması ehtimal edilir. Meyit müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib.

Faktla bağlı araşdırma davam edir.

92
Əli qandallı qadın

Evdən oğurluq etdi, tutuldu, axtarışda olduğu üzə çıxdı

95
(Yenilənib 09:59 14.07.2020)
Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıb

BAKI, 14 iyul – Sputnik. Bakı şəhərində axtarışda olan qadın mənzili qarət edib.

Sputnik Azərbaycan-ın məlumatına görə, hadisə iyulun 4-də Lökbatan qəsəbəsi V. Əsgəroı küçəsində yerləşən evlərin birində baş verib. Naməlum şəxs həmin evdən 700 manat pul oğurlayıb.

Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıb. Araşdırmalar zamanı həmin qadının axtarışda olduğu üzə çıxıb.

95

Tovuzun daha bir kəndi hücuma məruz qaldı

196
(Yenilənib 21:55 13.07.2020)
Müdafiə Nazirliyinin Mətbuat Xidmətinin rəisi polkovnik Vaqif Dərgahlı Sputnik Azərbaycan-a bildirib ki, kənd sakinlərinə heç bir ziyan dəyməyib

BAKI, 13 iyul – Sputnik. Ermənistan silahlı qüvvələrinin bölmələri Tovuz rayonunun Dondar Quşçu kəndini D-30 topundan atəşə tutub.

Müdafiə Nazirliyinin Mətbuat Xidmətinin rəisi polkovnik Vaqif Dərgahlı Sputnik Azərbaycan-a bildirib ki, kənd sakinlərinə heç bir ziyan dəyməyib.

Düşmənin bütün təxribatlarına qarşı qoşunlarımız tərəfindən daha sərt cavab tədbirləri görülür.

Qeyd edək ki, bundan əvvəl Ermənistan Müdafiə Nazirliyinin mətbuat xidmətinin rəhbəri Şuşan Stepanyanın “facebook” səhifəsində guya Azərbaycan Ordusunun Çinari kəndini 82 mm və 120 mm-lik minaatanlardan atəşə tutması, nəticədə mərmilərdən birinin evə dəyməsi və yaralıların olmaması barədə məlumat paylaşıb. Azərbaycanın Müdafiə Nazirliyi yaydığı paylaşıma münasibət bildirib.

Nazirliyin mətbuat xidmətindən verilən məlumata görə, həmin məlumat həqiqəti əks etdirmir: “Azərbaycan tərəfi mülki əhalini, mülki yaşayış məntəqələrini atəşə tutmur".

196
Artilleriya atəşi, arxiv şəkli

Cəbhədən yeni xəbər: Tovuzun daha bir kəndi artilleriyadan atəşə tutulub

0
(Yenilənib 10:40 14.07.2020)
Ermənilər Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutublar

Eldar Tanrıverdiyev, Sputnik Azərbaycan

BAKI, 14 iyul — Sputnik. Ermənistan silahlı qüvvələrinin bölmələri Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutub. Bunu Sputnik Azərbaycan-ın sorğusuna cavab olaraq Müdafiə Naziliyinin Mətbuat Xidmətinin rəisi polkovnik Vaqif Dərgahlı bildirib.

O, qeyd edib ki, kənd sakinlərinə heç bir ziyan dəyməyib.

Xatırladaq ki, Ermənistan silahlı qüvvələrinin bölmələri iyulun 14-ü səhər saatlarından başlayaraq Tovuz rayonunun Ağdam və Əlibəyli kəndlərini iriçaplı silahlardan və artilleriya qurğularından atəşə tutub. Həmin vaxt da kənd sakinlərinə heç bir ziyan dəyməyib.

Qeyd edək ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Hər iki tərəfin itki verdiyi bildirilir. Belə ki, Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.

Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.

Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.

Hazırda əməliyyat şəraiti qoşunlarımızın nəzarəti altındadır.

0