Bıçaq, arxiv şəkli

Bakıda xəstəxanada arvadını öldürən şəxs tutuldu

66
(Yenilənib 14:42 10.06.2019)
Tibb bacısı Xavər İbrahimovanın boğazını kəsib hadisə yerindən qaçan 1981-ci il təvəllüdlü Faiq İbrahimov saxlanılıb

BAKI, 10 iyun — Sputnik. Bakıda həyat yoldaşını öldürməkdə təqsirli bilinən şəxs saxlanılıb.

Sputnik Azərbaycan-ın APA-ya istinadla məlumatına görə, Akademik M.A.Topçubaşov adına Elmi-Cərrahiyə Mərkəzinin həyətində həmin mərkəzdə tibb bacısı işləyən həyat yoldaşı Xavər İbrahimovanın boğazını kəsib hadisə yerindən qaçan 1981-ci il təvəllüdlü Faiq İbrahimov saxlanılıb.

Faktla bağlı araşdırma aparılır.

Xatırladaq ki, 1978-ci il təvəllüdlü Xavər İbrahimova M.A.Topçubaşov adına Elmi-Cərrahiyə Mərkəzinin həyətində əri tərəfindən bıçaqlanıb. Həkimlərin müdaxiləsinə baxmayaraq, qadını xilas etmək mümkün olmayıb.

Məlumata görə, qadın xəstəxananın qeydiyyat şöbəsində çalışıb.

Hadisənin qadının həyat yoldaşı ilə ailə münaqişə zəminində baş verdiyi bildirilir.

Olayla bağlı Yasamal Rayon Prokurorluğu tərəfindən istintaq işlərinə başlanılıb.

66
Əli qandallı qadın

Evdən oğurluq etdi, tutuldu, axtarışda olduğu üzə çıxdı

2
(Yenilənib 09:59 14.07.2020)
Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıb

BAKI, 14 iyul – Sputnik. Bakı şəhərində axtarışda olan qadın mənzili qarət edib.

Sputnik Azərbaycan-ın məlumatına görə, hadisə iyulun 4-də Lökbatan qəsəbəsi V. Əsgəroı küçəsində yerləşən evlərin birində baş verib. Naməlum şəxs həmin evdən 700 manat pul oğurlayıb.

Qaradağ rayon Polis İdarəsinin 10-cu Polis Bölməsi əməkdaşlarının keçirdiyi əməliyyat-axtarış tədbirləri nəticəsində Bakı şəhər sakini, 1982-ci il təvəllüdlü Gülnaz Bayramova saxlanılıb. Araşdırmalar zamanı həmin qadının axtarışda olduğu üzə çıxıb.

2

Tovuzun daha bir kəndi hücuma məruz qaldı

195
(Yenilənib 21:55 13.07.2020)
Müdafiə Nazirliyinin Mətbuat Xidmətinin rəisi polkovnik Vaqif Dərgahlı Sputnik Azərbaycan-a bildirib ki, kənd sakinlərinə heç bir ziyan dəyməyib

BAKI, 13 iyul – Sputnik. Ermənistan silahlı qüvvələrinin bölmələri Tovuz rayonunun Dondar Quşçu kəndini D-30 topundan atəşə tutub.

Müdafiə Nazirliyinin Mətbuat Xidmətinin rəisi polkovnik Vaqif Dərgahlı Sputnik Azərbaycan-a bildirib ki, kənd sakinlərinə heç bir ziyan dəyməyib.

Düşmənin bütün təxribatlarına qarşı qoşunlarımız tərəfindən daha sərt cavab tədbirləri görülür.

Qeyd edək ki, bundan əvvəl Ermənistan Müdafiə Nazirliyinin mətbuat xidmətinin rəhbəri Şuşan Stepanyanın “facebook” səhifəsində guya Azərbaycan Ordusunun Çinari kəndini 82 mm və 120 mm-lik minaatanlardan atəşə tutması, nəticədə mərmilərdən birinin evə dəyməsi və yaralıların olmaması barədə məlumat paylaşıb. Azərbaycanın Müdafiə Nazirliyi yaydığı paylaşıma münasibət bildirib.

Nazirliyin mətbuat xidmətindən verilən məlumata görə, həmin məlumat həqiqəti əks etdirmir: “Azərbaycan tərəfi mülki əhalini, mülki yaşayış məntəqələrini atəşə tutmur".

195