Bıçaq, arxiv şəkli

Bakıda tibb işçisi işlədiyi müəssisədə qətlə yetirildi

415
(Yenilənib 14:33 10.06.2019)
Hadisənin qadının həyat yoldaşı ilə ailə münaqişə zəminində baş verdiyi bildirilir

Nigar Məhərrəm, Sputnik Azərbaycan

BAKI, 10 iyun — Sputnik. Bakıda qətl törədilib.

Səhiyyə Nazirliyindən Sputnik Azərbaycan-a verilən məlumata görə, 1978-ci il təvəllüdlü Xavər İbrahimova M.A.Topçubaşov adına Elmi-Cərrahiyə Mərkəzinin həyətində əri tərəfindən bıçaqlanıb. Həkimlərin müdaxiləsinə baxmayaraq, qadını xilas etmək mümkün olmayıb.

Məlumata görə, qadın xəstəxananın qeydiyyat şöbəsində çalışıb.

Hadisənin qadının həyat yoldaşı ilə ailə münaqişə zəminində baş verdiyi bildirilir.

Olayla bağlı Yasamal Rayon Prokurorluğu tərəfindən istintaq işlərinə başlanılıb.

415
Kanal, arxiv şəkli

Göyçayda məktəbli kanalda boğuldu

3
İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar

BAKI, 31 may - Sputnik. Göyçay rayonunda yeniyetmə oğlan bədbəxt hadisə nəticəsində dünyasını dəyişib.

Sputnik Azərbaycan APA-ya istinadən xəbər verir ki, hadisə bu gün saat 19 radələrində Yuxarı Şirvan kanalının İnçə kəndi ərazisindən keçən hissəsində qeydə alınıb.

Rayonun Aşağı Qaraməryəm kənd sakini, 2004-cü il təvəllüdlü Cəbiyev İsmayıl Mehrah oğlu Yuxarı Şirvan kanalında çimərkən ehtiyatsızlıq edib və qəflətən suda boğulub. Yaxınlıqdakı insanlar onun həyatını xilas edə bilməyiblər.

İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar.

3
Əlaqədar
Azərbaycanda 5 yaşlı uşaq iynə vurulandan sonra ölüb
Şamaxıda dəhşətli faciə: Uşaqlarının gözü qarşısında boğulub öldü
Qusarda ikinci sinif şagirdini külək öldürüb?
Masallıda uşaq qəbiristanlıqda faciəli şəkildə öldü
İmişlidə yeniyetmə bədbəxt hadisənin qurbanı oldu
Sürücü sükan arxasında, arxiv şəkli

Piyadanı öldürüb qaçan sürücü saxlanılıb

4
(Yenilənib 19:10 31.05.2020)
Şəmkir şəhər sakini Arzu İsmayılov Bakı-Qazax avtomobil yolunda piyadanı vurduqdan sonra hadisə yerindən qaçıb

BAKI, 31 may — Sputnik. Prokurorluq və polis əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində Tovuz rayonu ərazisində qeyri-aşkar şəraitdə ölümlə nəticələnən yol-nəqliyyat hadisəsini törədərək hadisə yerindən qaçmış sürücü tutulub.

Sputnik Azərbaycan Baş Prokurorluğun məlumatına istinadla xəbər verir ki, mayın 22-də saat 22 radələrində Bakı-Qazax avtomobil yolunun Tovuz rayonu, Əyyublu kəndi ərazisində naməlum sürücü idarə etdiyi avtomobillə yolu keçən piyada – 1982-ci il təvəllüdlü Tağıyev Məşədi İsmayıl oğlunu vuraraq öldürüb.

Sürücünün hadisə yerindən qaçması ilə bağlı Daxili İşlər Nazirliyinin Baş İstintaq və Təhqiqat İdarəsinə bilavasitə tabe olan yol nəqliyyat hadisələrinə dair işlər üzrə İstintaq və Təhqiqat şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol-nəqliyyat hadisəsi yerindən qaçma) maddələri ilə cinayət işi başlanıb.

Cinayət işi üzrə hadisə yerinə baxış keçirilib, zəruri ekspertizalar təyin olunub və digər təxirəsalınmaz istintaq hərəkətləri aparılıb.

Əməliyyat-axtarış tədbirləri nəticəsində yol nəqliyyat hadisəsinin "VAZ-21063" markalı 10-FT-972 dövlət qeydiyyat nişanlı avtomobilin sürücüsü – Şəmkir şəhər sakini 1986-cı il təvəllüdlü İsmayılov Arzu Xanoğlan oğlu tərəfindən törədilməsinə əsaslı şübhələr müəyyən edilib. A.İsmayılov şübhəli şəxs qismində tutularaq istintaqa cəlb olunub. Hazırda iş üzrə zəruri istintaq-əməliyyat tədbirləri davam etdirilir.

4
Əlaqədar
Mingəçevirdə qəzaya düşən uşaqlardan biri Bakıya gətirildi
Kürdəmirdə avtomobil yoldan çıxaraq aşıb
Ramazan şirniyyatı qismət olmadı: Mingəçevirdəki qəzanın təfərrüatı
Ağır qəzada 4 hərbçi və 1 mülki şəxs həlak olub
Şirvanda minik avtomobili mikroavtobusla toqquşub, ölən və xəsarət alan var
Torpaq, arxiv şəkli

Çəki ilə torpaq satan kişi prokurora cavab verməli olacaq

0
(Yenilənib 19:29 31.05.2020)
Rayon prokurorluğundan daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.

BAKI, 31 may — Sputnik. Bələdiyyə sədrinin qanunsuz əməlləri ifşa olunub.

Sputnik Azərbaycan Baş Prokurorluğun məlumatına istinadla xəbər verir ki, Masallı rayonun Ərkivan-Kosakül ərazisində kənd təsərrüfatı təyinatlı torpaq sahələrinin qanunsuz olaraq qazılıb daşınması barədə Masallı rayon prokurorluğundan daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.

Həyata keçirilmiş istintaq-əməliyyat tədbirləri nəticəsində Masallı rayon Ərkivan bələdiyyəsinin sədri vəzifəsini icra etmiş Anar Rəcəbovun vəzifə səlahiyyətlərindən sui-istifadə edərək "Bələdiyyə torpaqlarının idarə edilməsi haqqında" Azərbaycan Respublikası Qanununun tələblərini qəsdən pozaraq 2015-2016-cı illər ərzində bələdiyyənin mülkiyyətində olan 5 hektar kənd təsərrüfatı kateqoriyalı, örüş təyinatlı torpaq sahələrinin xüsusi texnikanın köməkliyi ilə qazılaraq gil və qum çınqıl yatağının daşınması nəticəsində yararsız vəziyyətə salınmasına şərait yaradıb.

Beləliklə, təbiətə ümumilikdə 644 min manat məbləğində ziyan vurmasına şübhələr üçün əsaslar müəyyən edildiyindən faktla bağlı Cinayət Məcəlləsinin 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddəsi ilə cinayət işi başlanıb.

Hazırda iş üzrə qeyd olunan qanunsuz halların tam və hərtərəfli araşdırılmaqla təqsirli şəxslərin və qanuni mənafeləri pozulmuş vətəndaşların dairəsinin müəyyənləşdirilməsi, habelə vurulmuş ziyanın ödənilməsinin təmin olunması istiqamətində Baş prokuror yanında Korrupsiyaya qarşı Mübarizə Baş İdarəsində zəruri istintaq-əməliyyat tədbirləri davam etdirilir.

0
Əlaqədar
Bərdədə bələdiyyənin işi prokurorluğa göndərildi
Tet-a-tet alınmır: Koronavirus illərdir daşa dirənən problemi bir az da yubadacaq
Sədr zibilin bəlasına düşdü
Azərbaycanda yüzdən çox bələdiyyə sədri inzibati məsuliyyətə cəlb edilib
Qoxusu çıxınca cəriməsi gəldi