BAKI, 20 may — Sputnik. Bakı şəhərinin Sabunçu rayonunda dəhşətli qətl hadisəsi törədilib. Bu baraədə Sputnik Azərbaycan-a Baş Prokurorluqdan məlumat verilib.
Bildirilib ki, rayonun Nardaran qəsəbəsi, Bağ massivi, ev 242-də yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.
Mübahisə nəticəsində T.Bağırov anasını boğaraq öldürüb. Qadının öldüyünə əmin olan oğul anasının meyitinin üzərinə ağ neft tökərək yandırıb.
Polis və prokurorluq orqanlarının birgə əməliyyatı nəticəsində T.Bağırov şübhəli şəxs qismində tutulub. Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi açılıb. Araşdırma aparılır.
