Daş karxanası, arxiv şəkli

Daş karxanasında daha bir ölüm

131
(Yenilənib 14:08 15.05.2019)
Faktla bağlı Qaradağ Rayon Prokurorluğunda araşdırma aparılır

BAKI, 15 may — Sputnik. Paytaxtın Qaradağ rayonunda yerləşən karxanaların birində ölüm hadisəsi baş verib. Sputnik Azərbaycan ONA-ya istinadla xəbər verir ki, hadisə mayın 14-də Güzdək qəsəbəsində yerləşən daş karxanasında qeydə alınıb.

“Shacman” markalı yük avtomobilinin sürücüsü, Gədəbəy rayon sakini, 1986-cı il təvəllüdlü İsgəndərov Seymur Arzu oğlu avtomobilin arxa yük yerinin qapısı arasında qalıb. Belə ki, yük yerinin qapısının açıq dayanması üçün arasına qoyulmuş dəmir parçası sürüşüb düşüb. Yük yerinin qapısı bağlanan zaman S.İgəndərov baş nayihəsindən xəsarət alaraq yerindəcə keçinib.

Faktla bağlı Qaradağ Rayon Prokurorluğunda araşdırma aparılır.

131