Anar Hümbətov

Gürcüstanda Azərbaycan vətəndaşlarına hücum olub

990
(Yenilənib 12:09 20.04.2019)
Həmyerlilərimizi 4 nəfər dəyənəklərlə döyüb

İlham Mustafa, Sputnik Azərbaycan

BAKI, 20 aprel — Sputnik. Gürcüstanın Marneuli rayonu Keçəli kəndi ərazisində Azərbaycan vətəndaşı olan iki nəfərə hücum edilərək ağır xəsarətlər yetirilib. Sputnik Azərbaycan-ın bölgə müxbiri xəbər verir ki, xəsarət alanlar Qazax rayon sakinləri, 1983-cü il təvəllüdlü Hümbətov Anar Fərhad oğlu və Natiq Abbasov adlı şəxslərdir.

Marneuli rayonu Keçəli kənd ərazisində iki nəfər Azərbaycan vətəndaşı hücuma məruz qalıb
© Sputnik / Ilham Mustafa
Marneuli rayonu Keçəli kənd ərazisində iki nəfər Azərbaycan vətəndaşı hücuma məruz qalıb

Zərərçəkmiş A.Hümbətovun bildirdiyinə görə, hadisə gecə saatlarında şəxsi avtomobili ilə Tbilisi şəhərindən qayıdarkən baş verib. O, avtomobilini yolun kənarında müvəqqəti saxladığını və bu zaman beysbol taxtaları ilə silahlanmış təxminən 3-4 nəfərdən ibarət naməlum şəxsin onlara hücum edərək döyməyə başladıqlarını deyib. Bundan sonra hücum edənlər onların şəxsi əşyalarını götürərək hadisə yerindən uzaqlaşıblar.

Hadisə zamanı A.Hümbətovun hər iki qolu sınıb, baş nahiyəsindən ağır zərbələr alıb. Natiq Abbasovun isə xəsarətləri nisbətən yüngüldür. Onlar bir gün Marneulidə özəl xəstəxanalardan birində saxlanılsalar da, artıq yaxınları tərəfindən Azərbaycana gətiriliblər.

Hadisə ilə bağlı Gürcüstan polisi tərəfindən zərərçəkmişlərin ifadəsi alınıb, cinayətkarların axtarışı aparılır.

990
Kanal, arxiv şəkli

Göyçayda məktəbli kanalda boğuldu

12
İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar

BAKI, 31 may - Sputnik. Göyçay rayonunda yeniyetmə oğlan bədbəxt hadisə nəticəsində dünyasını dəyişib.

Sputnik Azərbaycan APA-ya istinadən xəbər verir ki, hadisə bu gün saat 19 radələrində Yuxarı Şirvan kanalının İnçə kəndi ərazisindən keçən hissəsində qeydə alınıb.

Rayonun Aşağı Qaraməryəm kənd sakini, 2004-cü il təvəllüdlü Cəbiyev İsmayıl Mehrah oğlu Yuxarı Şirvan kanalında çimərkən ehtiyatsızlıq edib və qəflətən suda boğulub. Yaxınlıqdakı insanlar onun həyatını xilas edə bilməyiblər.

İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar.

12
Əlaqədar
Azərbaycanda 5 yaşlı uşaq iynə vurulandan sonra ölüb
Şamaxıda dəhşətli faciə: Uşaqlarının gözü qarşısında boğulub öldü
Qusarda ikinci sinif şagirdini külək öldürüb?
Masallıda uşaq qəbiristanlıqda faciəli şəkildə öldü
İmişlidə yeniyetmə bədbəxt hadisənin qurbanı oldu
Sürücü sükan arxasında, arxiv şəkli

Piyadanı öldürüb qaçan sürücü saxlanılıb

11
(Yenilənib 19:10 31.05.2020)
Şəmkir şəhər sakini Arzu İsmayılov Bakı-Qazax avtomobil yolunda piyadanı vurduqdan sonra hadisə yerindən qaçıb

BAKI, 31 may — Sputnik. Prokurorluq və polis əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində Tovuz rayonu ərazisində qeyri-aşkar şəraitdə ölümlə nəticələnən yol-nəqliyyat hadisəsini törədərək hadisə yerindən qaçmış sürücü tutulub.

Sputnik Azərbaycan Baş Prokurorluğun məlumatına istinadla xəbər verir ki, mayın 22-də saat 22 radələrində Bakı-Qazax avtomobil yolunun Tovuz rayonu, Əyyublu kəndi ərazisində naməlum sürücü idarə etdiyi avtomobillə yolu keçən piyada – 1982-ci il təvəllüdlü Tağıyev Məşədi İsmayıl oğlunu vuraraq öldürüb.

Sürücünün hadisə yerindən qaçması ilə bağlı Daxili İşlər Nazirliyinin Baş İstintaq və Təhqiqat İdarəsinə bilavasitə tabe olan yol nəqliyyat hadisələrinə dair işlər üzrə İstintaq və Təhqiqat şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol-nəqliyyat hadisəsi yerindən qaçma) maddələri ilə cinayət işi başlanıb.

Cinayət işi üzrə hadisə yerinə baxış keçirilib, zəruri ekspertizalar təyin olunub və digər təxirəsalınmaz istintaq hərəkətləri aparılıb.

Əməliyyat-axtarış tədbirləri nəticəsində yol nəqliyyat hadisəsinin "VAZ-21063" markalı 10-FT-972 dövlət qeydiyyat nişanlı avtomobilin sürücüsü – Şəmkir şəhər sakini 1986-cı il təvəllüdlü İsmayılov Arzu Xanoğlan oğlu tərəfindən törədilməsinə əsaslı şübhələr müəyyən edilib. A.İsmayılov şübhəli şəxs qismində tutularaq istintaqa cəlb olunub. Hazırda iş üzrə zəruri istintaq-əməliyyat tədbirləri davam etdirilir.

11
Əlaqədar
Mingəçevirdə qəzaya düşən uşaqlardan biri Bakıya gətirildi
Kürdəmirdə avtomobil yoldan çıxaraq aşıb
Ramazan şirniyyatı qismət olmadı: Mingəçevirdəki qəzanın təfərrüatı
Ağır qəzada 4 hərbçi və 1 mülki şəxs həlak olub
Şirvanda minik avtomobili mikroavtobusla toqquşub, ölən və xəsarət alan var
Üzünü əli ilə tutan kişi, arxiv şəkli

Stressin yarandığı bölgə müəyyən edildi

0
(Yenilənib 00:04 01.06.2020)
Göründüyü kimi, bütövlükdə insanlarda stress səviyyəsi beynin qeyd edilən iki şəbəkəsi ilə əlaqəlidir.

BAKI, 1 iyun — Sputnik. Yel Universitetinin alimləri beyində stress mərkəzini və onun fəaliyyətini müəyyən ediblər.

Sputnik Azərbaycan Rusiya mətbuatına istinadla xəbər verir ki, araşdırma ilə müəyyən edilib ki, daha yüksək səviyyəli stress hipotalamusda, daha az hissə isə frontal beyin qabığında yığılır.

Araşdırmaçılar 60 sağlam insanda stressin müxtəlif formalarını yaratmaq üçün onlara müxtəlif xoşagəlməz görüntülər (hirs, iyrənclik, qorxu və kədər kimi) və sakitləşmələri üçün növbəli şəkildə uyğun obrazlar göstəriblər.

Təcrübədə iştirak edən şəxslər funksional maqnetik rezonans görüntüləmə cihazı ilə müşahidə ediliblər və beyin fəaliyyətləri ölçülüb. Görüntülərdən sonra yaşadıqları stress və həyəcan dərəcəsi qiymətləndirilib.

Tədqiqatçıların fikrincə, eksperiment zamanı böyük fəaliyyətə malik olan beyin hissəsində daha çox stressin yığıldığı müəyyən edilib.

Göründüyü kimi, bütövlükdə insanlarda stress səviyyəsi beynin qeyd edilən iki şəbəkəsi ilə əlaqəlidir.

"Bu şəbəkələrin fərqli rol oynamalarına baxmayaraq, bizim əldə etdiyimiz nəticələr onu deməyə əsas verir ki, insanlar stressi azaltmaq üçün adaptiv yolla həm müsbət, həm də mənfi şəbəkələrdən istifadə edirlər", - deyə araşdırmada deyilir.

Hippokampusun stressi necə tənzimlədiyini öyrənmək üçün çox şey lazım olmasına baxmayaraq, tədqiqatçılar əmindirlər ki, funksional sinir şəbəkələrinin kəşfi stress müalicə etmə metodlarının inkişafına kömək edə bilər.

"Bu nəticələr hippokampus və frontal beyin qabığı arasındakı əlaqələrin gücünü artırmağa və ya fizioloji stress mərkəzlərinə siqnalın azaldılması kimi terapevtik müdaxiləni bir neçə məqsədə uyğunlaşdırmağa kömək edə bilər", – deyə baş tədqiqatçı Rajita Sinha bildirib.

0
Əlaqədar
Yarımbeyinli insanların sirri açıldı
Xərçəngi sağaltmır, amma alimlər məsləhət görürlər
Bu əlamətləriniz varsa xərçəng ola bilərsiniz
Baş gicəllənməsi hormonal xəstəliklərlə bağlı ola bilər
Yaşlanmanı necə gecikdirmək olar? Alimlər yolunu tapıblar