Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Bakıda "ərəb" narkotacir saxlanılıb

© Sputnik / Rahim MuradovSaxlanılan şəxslərdən 3 bükümdə ümumi çəkisi 2 kiloqram 610 qram narkotik vasitə olan tiryək aşkar edilərək götürülüb
Saxlanılan şəxslərdən 3 bükümdə ümumi çəkisi 2 kiloqram 610 qram narkotik vasitə olan tiryək aşkar edilərək götürülüb - Sputnik Azərbaycan
Abunə olmaq
Onun barəsində məhkəmənin qərarı ilə həbs qətimkan tədbiri seçilib, əməliyyat-istintaq tədbirləri davam etdirilir

BAKI, 19 aprel — Sputnik. Səbail Rayon Polis İdarəsi və 8-ci Polis Bölməsi əməkdaşlarının həyata keçirdikləri uğurlu əməliyyat-axtarış tədbiri nəticəsində narkotik vasitələrin qanunsuz dövriyyəsi və alqı-satqısı ilə məşğul olan şəxs ifşa edilib. Bu barədə Sputnik Azərbaycan-a Daxili İşlər Nazirliyindən (DİN) məlumat verilib.

Azərbaycanın Baş naziri Novruz Məmmədov - Sputnik Azərbaycan
CƏMİYYƏT
Baş nazir: "Azərbaycanda 8 tondan çox narkotik məhv edilib"

Bildirilib ki, daxil olan məlumat əsasında Bakı şəhər sakini, əvvəllər dəfələrlə məhkum olunan Telman Mirzəyev polislər tərəfindən saxlanılıb. Onun əlində olan bağlamaya baxış keçirilən zaman narkotik vasitələr olan 1 kiloqram 2 qram heroin, 6 kiloqram 520 qram marixuana və 50,315 qram tiryək aşkar olunaraq götürülüb.

Araşdırma zamanı müəyyən edilib ki, saxlanılan şəxs narkotik vasitəni şəxsiyyəti istintaqa məlum olmayan İran vətəndaşından satmaq niyyəti ilə əldə edib. T.Mirzəyev ifadəsində narkotik vasitəni əldə etdiyi şəxslə bir neçə il əvvəl cəzaçəkmə müəssisəsində tanış olduğunu deyib.

Qeyd edək ki, T.Mirzəyev narkotik vasitələri öz adından yox, "ərəb" ləqəbindən istifadə edərək satırmış.

Faktla bağlı 8-ci Polis Bölməsində toplanan materiallar Səbail RPİ-nin İstintaq Şöbəsinə göndərilib. T.Mirzəyev barəsində Cinayət Məcəlləsinin müvafiq maddəsi ilə cinayət işi başlanılıb. Onun barəsində məhkəmənin qərarı ilə həbs qətimkan tədbiri seçilib, əməliyyat-istintaq tədbirləri davam etdirilir.

Xəbər lenti
0