Oğrular

Bakının mərkəzində film kimi cinayət törədilib

187
(Yenilənib 16:56 18.04.2019)
Nərimanov rayonunda aptektdən külli miqdarda pul oğurlayan şəxslər polislər tərəfindən saxlanılıblar

BAKI, 18 aprel — Sputnik. Nərimanov rayonu Y.V.Çəmənzəminli küçəsində yerləşən apteklərdən birindən oğurluq edilib. Daxili İşlər Nazirliyinin (DİN) mətbuat xidmətindən Sputnik Azərbaycan-a verilən məlumata görə, naməlum şəxs obyektə daxil olaraq aptekdə olan seyfləri qıraraq oradan külli miqdarda pul oğurlayıb. 

Hadisə ilə bağlı Nərimanov Rayon Polis idarəsi və 16-cı Polis Bölməsinə məlumat daxil olan kimi dərhal yaradılan əməliyyat-istintaq qrupu tərəfindən obyektə baxış keçirilib. İdarə və Bölmə əməkdaşlarının "isti" izlərlə həyata keçirdikləri əməliyyat-axtarış tədbiri nəticəsində qeyd edilən cinayəti törətməkdə təqsirli bilinən Biləsuvar rayon sakinləri Əli İsmayılov, Amil Məmmədli və Siyəzən rayon sakini Çingiz Xankişiyev saxlanılıblar.

Araşdırma zamanı müəyyən olunub ki, dəstə üzvlərindən ikisi - Ə.İsmayılov və Ç.Xankişiyev müxtəlif vaxtlarda həmin aptekdə əczaçı işləyiblər və seyfin yeri barədə əvvəlcədən məlumatlı olublar. Həmin şəxslər iş yerlərini dəyişəndən sonra aptekdən oğurluq etmək üçün xüsusi plan hazırlayıblar.

Bu məqsədlə Ə.İsmayılov Ç.Xankişiyevi həmyerlisi A.Məmmədli ilə tanış edib. Əldə olunan razılığa əsasən, hadisə günü A.Məmmədli obyektin dam hissəsini kəsərək əvvəlcə anbara, daha sonra isə seyfin saxlanıldığı otağa daxil olub.

Burada o, özü ilə gətirdiyi kəsici alətlərlə seyfləri qıraraq içindəki pulları ələ keçirib. Qeyd edək ki, A.Məmmədlinin aptekə daxil olma anı obyektin müşahidə kameraları vasitəsilə lentə alınıb.

Hadisədən sonra A.Məmmədli özü ilə gətirdiyi kəsici alətləri aptekdə qoyaraq hadisə yerindən uzaqlaşıb. Daha sonra dəstə üzvləri Ç.Xankişiyevin yaşadığı mənzildə görüşərək pulu aralarında bölüblər.

Qeyd edək ki, dəstə üzvlərinin yaşadıqları evə baxış zamanı oğurlanan pulların bir hissəsi polislər tərəfindən aşkar olunaraq maddi sübut kimi götürülüb. Faktla bağlı Nərimanov RPİ-də Cinayət Məcəlləsinin müvafiq maddələri ilə cinayət işi başlanılıb və dəstə üzvləri barəsində məhkəmənin qərarı ilə həbs qətimkan tədbiri seçilib.

187
Teqlər:
polis, pul, oğurluq, aptek
Əlaqədar
Evdən və marketdən oğurluq etmək istəyənlər saxlanılıb
Qadının avtomobilindən oğurluq edən saxlanılıb
Magistral yolda oğurluq edən şəxs saxlanıldı
Bakıda inanılmaz oğurluq – Fabrikdən 170 minlik toyuq aparıldı
İldırım, arxiv şəkli

Azərbaycanda 18 yaşlı oğlanı ildırım öldürdü

22
İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb.

BAKI, 17 may - Sputnik. Samuxda bədbəxt hadisə baş verib.

Sputnik Azərbaycan APA-ya istinadən bildirir ki, hadisə rayonun Hacıalılı kəndində qeydə alınıb.
Kənd sakini, 2003-cü il təvəllüdlü Sənan Zaur oğlu Həsənov təsərrüfatda mal-qara otaran zaman onu ildırım vurub. 18 yaşlı gənc həmin an ölüb.

İlkin məlumata görə, örüşdə qoyun otaran 3 nəfər olub. İldırım onların yaxınlığına düşdüyündən zərbədən hamısı müvazinətini itirərək yıxılıb. Digər 2 nəfər bir neçə dəqiqədən sonra ayağa qalxıb.

İldırımın çaxdığı məqamda S.Həsənovun telefonla danışdığı bildirilib. Faktla bağlı Samux rayon Prokurorluğunda araşdırma aparılır.

Eləcə də oxuyun:

* Qubadakı hadisənin dəhşətli pərdəarxası: qardaşı ilə dərdləşib intihar etdi

* İsmayıllıda yeni ailə quran gənc oğlan bədbəxt hadisə nəticəsində ölüb

22
Teqlər:
gənc, Samux, ildırım
Çay, arxiv şəkli

Qubadakı hadisənin dəhşətli pərdəarxası: qardaşı ilə dərdləşib intihar etdi

83
1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər.

BAKI, 17 may - Sputnik, Leyla Abdullayeva. Qubada iki qardaşın Qudyalçaya düşməsinin və birinin həlak olmasının təfərrüatı bəlli olub.

Sputnik Azərbaycan-ın müxbiri xəbər verir ki, hadisə bu gün saat 12 radələrində Qəçrəş yolu adlanan yaşayış massivində baş verib. Kəndin meşəlik ərazisində bir nəfər özünü hündürlükdən ataraq intihar edib. 

İlkin araşdırma nəticəsində aydın olub ki, intihar edən şəxs Quba şəhər sakini, A.Əhmədov küçəsi 21 ünvanında yaşayan, 1989-cu il təvəllüdlü Ruslan Elman oğlu İsayevdir. R. İsayevin 2019-cu ildə  arvadı Firuzə Firuz qızı Aydəmirova ilə rəsmi olaraq boşandığı və keçmiş həyat yoldaşının uşağını ona göstərmədiyi bildirilir.

Bu səbəbdən ciddi narahatlıq keçirən Ruslan İsayev bu gün "Qəçrəş yolu" adlanan meşəlik ərazidə qardaşı İsa ilə dərdləşərkən özünü qəflətən hündürlükdən atıb. Ruslan İsayev aldığı xəsarətdən yerindəcə keçinib. Onun hadisədən öncə "Go" markalı spirtli enerji içkisi qəbul etdiyi də deyilir.
Faktla bağlı Cinayət Məcəlləsinin 125-ci (özünü öldürmə həddinə çatdırma )maddəsilə cinayət işi açılıb.

 

--------

19:34

Qubanın Qəçrəş kəndində faciəli hadisə baş verib.

Sputnik Azərbaycan bildirir ki, Fövqəladə Hallar Nazirliyinin (FHN) “112” qaynar telefon xəttinə Quba rayonu, Qəçrəş kəndində 2 nəfərin çaya düşməsi barədə məlumat daxil olub. FHN-in Şimal Regional Mərkəzinin müvafiq xilasetmə qüvvələri hadisənin baş verdiyi əraziyə cəlb olunublar.

Əməliyyat şəraiti qiymətləndirilərkən müəyyən olunub ki, 1991-ci il təvəllüdlü İsayev İsa Elman oğlu və 1989-cu il təvəllüdlü İsayev Ruslan Elman oğlu çətin keçilən qayalıq ərazidə təqribən 60-70 m hündürlükdən Qudyalçay çayına düşüblər. Hadisə nəticəsində İ.İsayev müxtəlif xəsarətlər alıb və vətəndaşların köməkliyi ilə çaydan çıxarılıb, qardaşı R.İsayevi tapmaq mümkün olmayıb.

Mürəkkəb relyef şəraitində həyata keçirilən axtarış-xilasetmə tədbirləri nəticəsində hadisə yerinin yaxınlığında çay kənarında tapılan Ruslan İsayevin meyiti xilasedicilər tərəfindən müvafiq qaydada götürülərək aidiyyəti üzrə təhvil verilib.

Eləcə də oxuyun: 

* Göyçayda 18 yaşlı qızın dayısı tərəfindən öldürüldüyü məlum olub

* İsmayıllıda yeni ailə quran gənc oğlan bədbəxt hadisə nəticəsində ölüb

* Oğuzda balıq ovu ölümlə bitdi

 

83
Teqlər:
FHN, həlak, qardaşlar, çay, Quba
Eldar Qasımov və Nigar Camal, arxiv şəkli

"Avroviziya-2021"-də Azərbaycandan olan səsverməni elan edəcək şəxslərin adları açıqlanıb

0
(Yenilənib 12:39 18.05.2021)
Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

BAKI, 18 may — Sputnik. İctimai Televiziya və Radio Yayımları Şirkəti "Avroviziya-2021" mahnı müsabiqəsində Azərbaycandan olan səsverməni elan edəcək şəxslərin adlarını açıqlayıb. Sputnik Azərbaycan xəbər verir ki, məşhur mahnı müsabiqəsində iştirakçılara ölkəmizdən münsiflər tərəfindən veriləcək səsləri 10 il əvvəl, 2011-ci ildə 221 xalla birinci olaraq "Avroviziya"nı Azərbaycana gətirən Eldar Qasımov və Nigar Camal elan edəcəklər.

Eldar və Nigar yarışmanın qaydalarına əsasən, mayın 22-də final gecəsi iştirakçıların taleyini həll edəcək jüri ballarını İctimai Televiziyanın canlı efirində səsləndirəcəklər. Verilən xallar müsabiqə iştirakçılarının aktivinə əlavə olunacaq.

Qeyd edək ki, yarımfinal mərhələləri bu gün və mayın 20-də keçiriləcək mahnı müsabiqəsində təmsilçimiz Samirə Efendi "Mata Hari" adlı bəstə ilə birinci yarımfinalda çıxış edəcək.

Şüarı "Open up!" olan müsabiqənin Azərbaycan üzrə şərhçiləri isə müğənni Murad Arif və aparıcı Hüsniyə Məhərrəmova olacaq.

Müsabiqə İctimai Televiziyanın efirində canlı olaraq yayımlanacaq.

0