Təcili tibbi yardım avtomobili

Daha bir məktəbdə insident: Məktəbli xəstəxanaya çatdırılıb

347
(Yenilənib 11:30 18.04.2019)
Uşaq təcili yardım maşını ilə 3 saylı Şəhər Klinik Xəstəxanasına gətirilib

BAKI, 18 aprel — Sputnik. Bakıda F.Gözəlov adına 124 saylı orta məktəbin şagirdi xəsarət alıb. Səhiyyə Nazirliyinin mətbuat xidmətindən Sputnik Azərbaycan-a verilən məlumata görə, 13 yaşlı məktəbli (adı açıqlanmır - red.) yıxılaraq xəsarət alıb.

O, dərhal təcili yardım maşını ilə 3 saylı Şəhər Klinik Xəstəxanasına gətirilib. Xəstəyə belin küt travması diaqnozu qoyulub. Məktəbli müayinə olunduqdan sonra isə evə buraxılıb.

Məlumat 124 syalı orta məktəbdən də təsdiqini tapıb. "Uşaq xəsarət almayıb. Sadəcə yıxıldığı üçün təcili yardıma müraciət etmişik" - deyə məktəbdən Sputnik Azərbaycan-a bildirilib.

Bununla belə, hadisənin necə baş verməsi ilə bağlı sualımıza cavab ala bilmədik.

347
Teqlər:
xəstəxana, xəsarət, uşaq, məktəbli, məktəb
Əlaqədar
Təhsil Nazirliyi internat məktəbi ilə bağlı iradlara cavab verdi
Daha bir məktəbli döyülərək xəstəxanalıq olub
Şagirdi intihar edən məktəbin direktoru barəsində hökm verildi
Bakıda polis əməkdaşları, arxiv şəkli

"Günəş" parlaya bilmədi, polislər qoymadılar

581
(Yenilənib 10:34 04.07.2020)
İnzibati Xətalar Məcəlləsinin 211-ci maddəsinə uyğun olaraq, kefenin icarədarı 2000 manat, digərləri 200 manat cərimə olunublar.

BAKI, 4 iyul — Sputnik. Paytaxtın Xətai rayonunda rayonunda sərtləşdirilmiş xüsusi karantin rejim qaydalarına əməl etməyən, mövcud preventiv tədbirlərin şərtlərinin pozulması ilə müşayiət olunan kafe aşkarlanıb.

Sputnik Azərbaycan-ın məlumatına görə, Xətai RPİ və 37-ci PŞ əməkdaşlarının keçirdiyi müvafiq tədbirlərlə Nobel prospektində "Günəş" kafesinin icarədarı və müştəriləri inzibati məsuliyyətə cəlb olunublar.

Ümumilikdə 5 nəfər saxlanılaraq barələrində qanunvericiliyə uyğun tədbirlər görülüb. İnzibati Xətalar Məcəlləsinin 211-ci maddəsinə uyğun olaraq, kefenin icarədarı 2000 manat, digərləri 200 manat cərimə olunublar.

581
Polis Patrul Xidməti və Təcili Tbbi Yardım maşınları

Bərdədə 7 yaşlı uşaq bacısını öldürüb

462
(Yenilənib 23:15 03.07.2020)
7 yaşlı Tağızadə Uğur Asif oğlu atasına məxsus "VAZ 2107" markalı minik avtomobilini işə salaraq hərəkət etdirib. Nəticədə 8 yaşlı bacısını əzərək öldürüb.

BAKI, 3 iyul – Sputnik. Bərdədə 7 yaşlı uşaq bacısını öldürüb.

Sputnik Azərbaycan APA-ya istinadla xəbər verir ki, hadisə Bərdə rayonunun Qarabağ qəsəbəsində qeydə alınıb.

7 yaşlı Tağızadə Uğur Asif oğlu atasına məxsus "VAZ 2107" markalı minik avtomobilini işə salaraq hərəkət etdirib. Nəticədə 8 yaşlı bacısını əzərək öldürüb.

Faktla bağlı araşdırmalara başlanılıb.

462
Dərsliklər, arxiv şəkli

Erkən nikahlarla bağlı mövzular dərsliklərə məqsədlə salınıb

0
(Yenilənib 13:33 04.07.2020)
"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir" - Kamran Əsədov

Nigar İsgəndərova, Sputnik Azərbaycan

BAKI, 4 iyul — Sputnik. Növbəti tədris ilindən etibarən erkən nikahlar və qohum nikahlarla bağlı dərsliklərə maarifləndirici material daxil ediləcək. Maraqlıdır, bunun effekti nə dərəcədə olacaq?

Bu barədə Sputnik Azərbaycan-a danışan təhsil üzrə ekspert Kamran Əsədov bunun heç bir faydasının olmayacağını vurğulayıb: "Burada auditoriya düzgün seçilməyib. Çünki erkən nikahları həyata keçirən şagirdlər deyil. Şagirdlər tərəfindən bu dərslərin nə dərəcədə mənimsənilməsi bunun həyata keçməsi demək deyil, yəni, bu erkən nikahdan qorunmaq deyil. Tutaq ki, şagird erkən nikahla bağlı materialı mənimsəyib. Bəs, valideyn? Bu səbəbdən də deyirəm ki, maarifləndiriləcək kütlə düzgün seçilməyib. Valideynin qonşusunda imkanlı biri olandan, atası başlıq pulunu alandan sonra nə olacaq?! Şagird valideynin fikrini dəyişə biləcəkmi".

"Baxın, erkən nikahlar restoranlarda qeydə alınır. Bəs, restoran sahibinin guya bundan xəbəri yoxdur?. Necə olur ki, bu gün maskaya görə cərimələr yazılır, amma erkən nikaha görə, kimsə cinayət məsuliyyətinə cəlb olunmur. Hər il Azərbaycanda 500-dək erkən nikah qeydə alınır, bəs buna görə məsuliyyət hanı, qeydə alınırmı?", - deyə K.Əsədov əlavə edib.

K.Əsədov bildirib ki, erkən nikahlar daha çox imkansız, çox qız uşaqlarının olduğu ailələrdə baş verir.

"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir. Yolda birinin ürəyi getsə, ilkin tibbi yardım göstərə biləcəksiniz? Yol hərəkəti qaydalarını hamı bilirmi? Məktəblər bunu öyrətməlidir. Məktəb insanı həyata hazırlamalıdır",- deyə ekspert əlavə edib.

0