Yelena Kərimova

İki azyaşlı uşağını yandıran azərbaycanlı qadına ağır cəza verildi

7130
(Yenilənib 15:34 04.04.2019)
Bahalı maşın kirayə etməyə, keyfiyyətli kosmetika almağa pulu olub, amma uşaqlarını dolandıra bilmədiyi üçün öldürdüyünü iddia edib

BAKI, 4 aprel — Sputnik. Rusiyanın Nijeqorod vilayət məhkəməsi ötən gün keçirdiyi iclasda iki azyaşlı övladını qətlə yetirməkdə və oğurluqda günahlandırılan Yelena Kərimovanı cəzasını ağır rejimli cəzaçəkmə müəssisəsində çəkməklə 19 il müddətinə azadlıqdan məhrum edib.

Sputnik Azərbaycan Rusiya mediasına istinadla xəbər verir ki, hələlik məhkəmənin qərarı qüvvəyə minməyib və ondan şikayət verilə bilər.

Məhkəmə prosesində son söz demək hüququndan istifadə edən Kərimova özünü cinayətdə təqsirli bilmədiyini deyib.

Qeyd edək ki, Yelena Kərimova quldurluğa və soyğunçuluğa görə əvvəllər məhkum edilmiş və Azərbaycan tərəfindən beynəlxalq axtarışa verilmiş şəxsin həyat yoldaşıdır. O, iki övladını amansızlıqla qətlə yetirməkdə ittiham olunur.

Yelena Kərimovanın qızı Xədicəni və oğlu Süleyman
© Photo : VK / Elena Karimova
Yelena Kərimovanın qızı Xədicəni və oğlu Süleyman

Sözügedən cinayət 2018-ci ilin aprelində Nijeqorod vilayətində törədilib. Aprelin 26-da Semyonovsk rayonunda içərisində iki uşağın meyiti olan yanmış avtomobil aşkar edilib. Araşdırmalar zamanı məlum olub ki, Kərimova əvvəlcə övladlarını boğub, sonra isə izi itirmək üçün onların cəsədlərini yandırıb.

Polis keçirdiyi əməliyyat-axtarış tədbirləri nəticəsində qadını saxlayıb. Qadın istintaqa törətdiyi əməli etiraf edib.

Kərimova bir-biri ilə əlaqəsi olmayan ifadələr verməklə istintaqı çaşdırmağa cəhd göstərib. Əvvəlcə ifadə verərkən deyib ki, o, uşaqlarının əsl qatilləri tərəfindən təhdid edilən anasının həyatına görə qorxduğu üçün bu əmələ əl atıb.

Əməlini boynuna götürmək istəməyən qadın qeyd edib ki, bu qəddar cinayəti onun evliliyi ilə əlaqədar olan hansısa adamlar törədib.

Yelena Kərimovadan soruşulanda ki, o, "əsl qatillər" deyəndə kimləri nəzərdə tutur, cavabı aydın olmayıb. Qadının ilkin istintaq zamanı verdiyi ifadə ilə sonrakı istintaqlar zamanı verdiyi ifadələr arasında fərq olub.

Qadın ifadələrinin birində deyib ki, qətl onun hazırda beynəlxalq axtarışda olan ərinin borcları səbəbindən törədilib. Digər ifadəsində isə bildirib ki, qətlə səbəb onların boşanmasıdır və uşaqların öldürülməsində də günahkar keçmiş əridir.

Vilayət məhkəməsinin sonuncu iclasında dövlət ittihamçısı Tatyana Menşova məhkəmədən müttəhimə 21 il həbs cəzası verilməsini, 1.5 il müddətinə azadlığının məhdudlaşdırılmasını xahiş edib.

Xatırladaq ki, Nijeqorod vilayət məhkəməsi bu il fevralın 8-də keçirdiyi iclasda iki övladını xüsusi amansızlıqla qətlə yetirməkdə və özgə əmlakını oğurlamaqda ittiham edilən 27 yaşlı vilayət sakininin işinə baxmağa başlayıb.

Cinayət işinin araşdırılması Rusiya İstintaq Komitəsinin Nijeqorod vilayəti üzrə İdarəsinin xüsusi nəzarətində olub.

İstintaq zamanı qadının keçmiş əri olan Azərbaycan vətəndaşının tələbi ilə islam dinini qəbul etdiyi də üzə çıxıb. Lakin Kərimova islam dininin qanunlarına riayət etməyib və özünün normal həyatını yaşamağa davam edib. Bu səbəbdən də, cinayət işində qətlin motivinin dini zəmində baş verməsi ehtimalı qəbul edilməyib.

İstintaq zamanı qadının digər cinayətinin də üstü açılıb. Məlum olub ki, o, Nijni Novqorod şəhərində yaşayan qohumlarının evindən dəyəri 140 min rubl (təxminən 3600 manat) olan qızıl-zinət əşyaları oğurlayıb.

Kərimova 2 yaşlı oğlu Süleymanı və 4 yaşlı qızı Xədicəni dolandıra bilmədiyi, ərinin isə onlara maddi dəstək vermədiyi üçün öldürdüyünü deyib. Lakin istintaq bütün bunların bəhanə olduğunu başa düşüb. Çünki "maddi sıxıntılar" Kərimovaya bahalı maşında gəzməyə və mağazadan keyfiyyətli kosmetika almağa mane olmayıb. Saxlanılarkən o, dəniz sahilində yerləşən kurortlardan birinə birnəfərlik yol vəsiqəsi alıbmış.

İstintaqa məlum olub ki, Kərimova hər ay avtomobil kirayəsinə 40 min rubl (təxminən 1000 manat) xərcləyir. 2018-ci il aprelin 25-də qadın Nijni Novqorodun Avtomobil zavodu rayonundakı Busıgin prospektindəki evlərdən birinin yaxınlığında kirayə etdiyi "KİA" markalı maşının arxa oturacağında əlləri ilə uşaqlarını boğub.

Elə həmin gün o, Nijni Novqorod şəhərindəki yanacaqdoldurma məntəqəsindən uşaqların cəsədlərini yandırmaq üçün yanacaq alıb.

YDM-in müşahidə kameralarına düşən kadrlarda da görünür ki, qadın yanacağı alandan sonra Semyonovsk rayonundakı meşə zolağının yaxınlığında saxlayır, salonunda uşaqların meyitləri olan maşına yaxınlaşır.

Aprelin 26-da qadın həmin maşınla öldürdüyü uşaqlarını Semyonovsk rayonundakı tərk edilmiş tikiliyə aparır, meyitləri orada yandıraraq hadisə yerindən uzaqlaşır.

Elə həmin günün axşamı tərk edilmiş tikilidə yanğın söndürüləndən sonra orada xüsusi amansızlıqla öldürülmüş uşaqların yanmış cəsədləri aşkarlanır.

7130
Əlaqədar
Azərbaycanlı ananın inanılmaz qəddarlığı: İki övladını öldürüb yandırdı... – VIDEO

Salyanda zəncirvari qəza: yaralılardan biri baş həkimdir

7
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

7
Ətir, arxiv şəkli

Gözünə sıçrayan ətir qadının xəstəliyini üzə çıxardı

11
(Yenilənib 14:21 03.08.2020)
Həkimlər müayinə zamanı qadının gözündə şişin (melanoma) olduğunu müəyyən edir. Ertəsi gün isə qadının gözünü əməliyyatla götürməli olurlar.

BAKI, 3 avqust — Sputnik. Bir neçə il bundan əvvəl Böyük Britaniyanın Satton Kolfild şəhərinin sakini 56 yaşlı Kerol Pleyerin gözünə təsadüfən ətir tökülür və bu onun ömrünü uzadır.

Sputnik Azərbaycan xarici mətbuata istinadla xəbər verir ki, gözünə ətir töküldükdən sonra qadın pis görməyə başlayır və o, buna görə həkimə gedir. Həkimlər müayinə zamanı qadının gözündə şişin (melanoma) olduğunu müəyyən edir. Ertəsi gün isə həkimlər qadının gözünü əməliyyatla götürməli olurlar. Həkimlər qadını əmin ediblər ki, onun uzun müddətli müalicəyə ehtiyacı yoxdur.

Ancaq 2019-cu ilin payızında Kerolun yenidən sağlamlığı ilə bağlı problemləri üzə çıxıb. Qadında yenidən onkoloji xəstəlik aşkar edilib. Onun qaraciyərinin bir hissəsini çıxarsalar da, xəstəlik aqressivləşməyə başlayıb. Hazırda onun yaxınları müalicə üçün pul yığır.

11
ABŞ-da epidemioloji vəziyyət

“Vaksin yarışı” Qərb Rusiyanı ittiham edir

0
(Yenilənib 01:57 04.08.2020)
Piar müstəvisində kollektiv Qərb, eləcə də konkret olaraq ABŞ və Böyük Britaniya bir neçə ciddi “koronavirus travması” aldı

BAKI, 4 avqust — Sputnik, İvan Danilov. Koronavirus pandemiyası dünya iqtisadiyyatını dizləri üstə qoyandan təxminən bir ay sonra siyasət və media dünyasında yeni beynəlxalq yarış “janrı” peyda oldu, onu kinayə ilə “vaksin yarışı” adlandıra bilərik. Koronavirusun kollektiv Qərbə iki dəfə psixoloji travma vurduğunu nəzərə alsaq, bu yarışda qalibiyyət təkcə siyasi deyil, həm də Qərb cəmiyyətinin özünə hörmətinin qorunması nöqteyi-nəzərindən siyasi və prinsipial məsələyə çevrildi.

Avropa humanizminin ən yaxşı ənənələri ilə böyümüş (müasir dünyada bu, əsasən avropalı və ya amerikalı yox, sovet və ya Rusiya təhsilli şəxs anlamına gəlir) insan üçün Qərbin vaksin yarışını anlamaq xeyli çətindir, amma bunu müasir ABŞ və Böyük Britaniyanın əsas sənayesi, yəni siyasi və kommersiya piarı nöqteyi-nəzərindən izah etmık olar.

Piar müstəvisində kollektiv Qərb, eləcə də konkret olaraq ABŞ və Böyük Britaniya bir neçə ciddi “koronavirus travması” aldı. Əvvəla, məlum oldu ki, uzaq (eləcə də, London və Vaşinqton siyasətçilərinin stereotiplərinə görə, “həddən ziyadə totalitar və müəyyən dərəcədə geridəqalmış”) Çin epidemiyanı daha yaxşı dəf edə bildi, problemi daha tez dərk etdi və iqtisadi ziyanı səmərəli şəkildə məhdudlaşdırdı. Bu fonda ABŞ və Böyük Britaniya, eləcə də bəzi Avropa İttifaqı ölkələri hətta öz patriotlarının gözündə elə də yaxşı görünmürlər. 

Kollektiv Qərbin özünəinamına növbəti zərbəni istəmədən (belə də olur) Rusiya vurdu – koronavirusdan “alçaldıcı dərəcədə” aşağı ölüm faizinə və kütləvi test aparılmasının təmin olunmasına Qərb KİV-ləri dişlərini qıcadı, statistika ilə oynamaq barədə sübutsuz ittihamlar irəli sürüldü. Amma statistika (ÜST-ün qiymətləndirilməsindən savayı) açıq-aşkar  idi: Nyu-Yorkda epidemiya qurbanlarını küçələrdəki refrijeratorlara yığırdılar və elə təkcə bu fakt tibbi və dövlət idarəetməsinin keyfiyyət fərqini anlamaq üçün kifayət edir. 

Və bu fonda, tələb olunan xərclərdən və istənilən mümkün risklərdən asılı olmayaraq, kollektiv Qərb üçün (eləcə də bir neçə konkret iddialı qərb siyasətçisi üçün) vaksinin istehsalında birincilik imic nöqteyi-nəzərindən həyati vacib  məsələyə dönür, çünki, məsələn, ABŞ-ın hələ də “dünyada nömrə bir olduğunu” sübut etmək gərəkdir.

Koronavirus vaksini, arxiv şəkli
© REUTERS / REUTERS / Dado Ruvic / Illustration / File Photo

Eyni zamanda Amerika KİV-lərini oxuyanda qəribə təəssürat yaranır: partiyaya mənsubluqdan və nəşrin sahiblərinin Donald Trampa rəğbət və ya nifrət bəsləməsindən asılı olaraq konkret redaksiyalar vaksinin hazırlanması ilə məşğul olan ya Amerika, ya Britaniya, ya Almaniya, ya da hətta Hindistan şirkət və universitetlərinə azarkeşlik edirlər, hədəf də budur ki, vaksin yarışında qalibiyyət “düzgün olan ölkənin” hansısa qurumuna qismət olsun, “Trampın lənətə gəlmiş rejimi isə” bundan siyasi bonus qazana bilməsin.

Makrosəviyyədə də analoji münaqişə mövcuddur: NATO və ya G7 üzrə müttəfiqlərilə səylərini koordinasiya etmək əvəzinə, bəzi alman KİV-lərinin yazdığına görə, rəsmi Vaşinqton Almaniyadakı perspektiv, vacib antikoronavirus layihəsi olan biotexnologiya laboratoriyasını ələ keçirərək ABŞ-a köçürməyə cəhd eləmişdi. 

Bu kontekstdə Rusiya və ya Çinin koronavirus əleyhinə vaksinin kütləvi istifadəsinə yaxın olduqları barədə istənilən məlumatın Qərb informasiya məkanında əsl anafilaktik şok effekti yaratması məntiqidir.

Əlbəttə, güman etmək olar ki, Amerikanın tibb məmurları doğrudan da yalnız peşə mülahizələrini rəhbər tuturlar, ancaq yuxarıda deyilənləri nəzərə alsaq, müəyyən siyasi anqajementin mövcudluğuna dair ciddi şübhələr var.  Rusiya həkimlərinin bu payızda kütləvi peyvəndə başlaması planları, eləcə də Çinin mümkün uğurlu vaksin sınaqları keçirdiyi barədə xəbərlərə rəsmi reaksiyaya misal qismində Amerikanın əsas infeksionistinin The Wall Street Journal-da dərc olunmuş mövqeyini göstərmək olar: 

“ABŞ-da infeksion xəstəliklər üzrə əsas ekspert, doktor Entoni Fauçi cümə günü konqresin COVID-19 üzrə alt komitəsində dinləmələr zamanı bəyan etdi ki, ABŞ, çox güman ki, Çin və ya Rusiyada hazırlanmış vaksinlərdən istifadə etməyəcək. “Mən, doğrudan da ümid edirəm ki, çinlilər və ruslar vaksini kiməsə vurmazdan əvvəl onu həqiqətən sınaqdan keçirirlər, - o deyib. – Vaksinin test olunmamışdan əvvəl yayılması üçün hazır olması barədə xəbərlər, hesab edirəm ki, ən yaxşı halda, problematikdir”. Doktor Fauçi eləcə də bildirib ki, ABŞ-ın vaksini ilin sonunadək əldə edəcəyinə ümud edir”.

Bloomberg informasiya agentliyinin müxtəlif ölkələrdə hazırlanan mümkün vaksinlərin müqayisəli təhlilinə diqqət yetirsək, o zaman Fauçinin, güman ki, Amerikanın Moderna şirkətinin vaksininə ümid etdiyini deyə bilərik.

Maraqlıdır ki, Bloomberg-in trekerində Rusiyanın vaksin layihələri yer almayıb (ən azından məqalə yazılanadək belə idi), bu isə qərb oxucusunda Rusiyanın imkanları barədə yanlış təsəvvür doğurur, çünki o zaman belə çıxacaq ki, Rusiyanın vaksini “yox yerdən çıxdı”.

“Vaksin yarışı”nın necə davam etdiriləcəyini artıq indidən təxmin eləmək mümkündür: Rusiya və Çin peyvəndlərini dərhal təhlükəli elan edəcək, bunu feyk-nyuz janrında olan informasiya yığını ilə müşayiət edəcəklər. Bununla paralel olaraq Qərb auditoriyasının skeptik qisminin inandırılması üçün vaksinlərin işlədiyi təqdirdə onların guya Çin, İran və Rusiya hakerləri tərəfindən əldə olunan məlumatlar əsasında hazırlandığı barədə tezis yürüdəcəklər, özü də ictimai rəyin müvafiq hazırlanması prosesi artıq aparılıb.  Müdafiənin final xətti isə Rusiya və Çinin ədəbsizcəsinə “vaksin millətçiliyi”nə və epidemiya ilə mübarizənin hansısa beynəlxalq yarışa döndərilməsi arzusuna görə ittiham edilməsi olacaq. Paralel rejimdə isə belə vacib məsələdə Pekin və ya Moskvadan asılı olmamaq üçün Qərbin öz vaksinini hazırlamasının vacibliyi tezisi yürüdüləcək. 

Bu cür yanaşmada problem bundadır ki, bu “nəzarət olunan geri çəkilmədə” – bunun amansız reallıq qarşısında geri çəkilmə olmasına artıq heç bir şübhə qalmayıb – Qərbin media maşını öz auditoriyasının seqmentlərinin inamını getdikcə daha çox itirməyə başlayacaq.

Bütün bunlar isə Rusiya və Çin dezinformasiyasi ilə mübarizənin vacibliyi barədə növbəti konfranslar və Amerikanın və Avropanın profil strukturlarının öncəki möhtəşəm imiclərini qaytarmaq üçün pul ayrılması tələbləri ilə yekunlaşacaq. Ancaq auditoriyanın inamını itirmək asan, bərpa etmək çox çətindir, özü də koronavirus onsuz da Qərb dünyasında mövcud olan ictimai inamın deqradasiyası proseslərini daha da sürətləndirdi. Qərbin media aləminin eyham vurduğu Rusiya, Çin və digər “növbətçi günahkarlar”ın isə əslində bu problemə heç biri aidiyyatı yoxdur və bizim qərbli partnyorlarımız “vaksin millətçiliyindən” öz günahları üzündən əziyyət çəkirlər, özü də yalnızlıqda.

 

0
Əlaqədar
Özümüzünküləri darda qoymuruq: Rusiya COVID-19-la mübarizədə qonşularına necə kömək edir
Pulsuz olacaq – Amma bizdə yox, onlarda
Az qaldı - Rusiya virus əleyhinə daha bir vaksinin sınaqlarına başlayır
COVID-19-la mübarizə qripə yoluxmanı da azaldıb - TƏBİB
COVID-19-un qarşısını alan anticisimlər aşkarlandı