CƏMİYYƏT
Cəmiyyətin həyatında baş verən aktual hadisələr

Damdan düşən oğrular ələ keçdilər

© AR Ministry of Internal AffairsBakıda marketdən oğurlanan seyf
Bakıda marketdən oğurlanan seyf - Sputnik Azərbaycan
Abunə olmaq
Xətai rayonunda yerləşən marketlərdən birindən seyf oğurlanıb

BAKI, 3 aprel — Sputnik. Daxili İşlər Nazirliyinin mətbuat xidmətindən ONA-ya verilən məlumata görə, mağaza sahibi Xətai Rayon Polis İdarəsi 37-ci Polis Şöbəsinə müraciət edərək marketin dam örtüyünün söküldüyünü və bununla da obyektə daxil olan şəxslərin içərisində 3800 manat olan seyfi və ərzaq məhsullarını oğurladığını bildirib. Məlumat daxil olan kimi polis əməkdaşlarının həyata keçirdikləri əməliyyat-axtarış tədbiri nəticəsində qeyd edilən cinayəti törətməkdə şübhəli bilinən Bakı şəhər sakinləri Sənan Verdiyev və Elimxan Alıyev saxlanılıblar.

Qrupun digər üzvü paytaxt sakini Nazim Mayılov isə başqa bir qanun pozuntusuna yol verdiyi üçün hazırda Daxili İşlər Nazirliyinin İnzibati Həbs Olunanların Saxlanma Məntəqəsində cəza çəkir.

© AR Ministry of Internal AffairsSənan Verdiyev
Damdan düşən oğrular ələ keçdilər - Sputnik Azərbaycan
Sənan Verdiyev

Araşdırma zamanı müəyyən olunub ki, marketə E.Alıyev dam hissədən daxil olaraq seyfi ələ keçirib. Daha sonra o, digər dəstə üzvləri ilə birgə seyfi sındırıb və əldə etdikləri pulu aralarında bölüblər. Pulu ələ keçirəndən sonra saxlanılan şəxslər izi itirmək məqsədi ilə sındırdıqları seyfi Qum adası adlanan ərazidə suya atıblar. Polis əməkdaşları tərəfində həmin seyf atıldığı yerdən tapılaraq maddi sübut kimi götürülüb.

© AR Ministry of Internal AffairsElimxan Əliyev
Damdan düşən oğrular ələ keçdilər - Sputnik Azərbaycan
Elimxan Əliyev

Faktla bağlı saxlanılan şəxslər barəsində Xətai Rayon Polis İdarəsin Cinayət Məcəlləsinin müvafiq maddələri ilə cinayət işi başlanılıb, istintaq tədbirləri davam etdirilir.

Xəbər lenti
0