Depressiyaya düşmüş adam

Bakıda müsibət: Mərc oyununda həyatını uduzdu

9674
(Yenilənib 15:45 27.03.2019)
Qumar və mərc oyunlarına borcu olan komendant intihar edib

Ramella İbrahimxəlilova, Sputnik Azərbaycan

BAKI, 27 mart — Sputnik. Bakıdakı çoxmərtəbəli binanın komendantını intihara sürükləyən səbəb qumar və futbol mərci olub. Bu, çoxmənzilli binanın komendantının ölümünü araşdıran Binəqədi Rayon Prokurorluğunun irəli sürdüyü versiyalardan biridir. Bu barədə Sputnik Azərbaycan-a Binəqədi Rayon Prokurorluğundan məlumat veriblər.

34 yaşlı Nurəliyev Zaur Cavanşir oğlunun cəsədi martın 25-i saat 16:00-da, mərhumun komendantı olduğu Azadlıq prospektindəki 185 nömrəli evin zirzəmisində tapılıb. Kişinin cəsədi aşkarlanarkən, o, asılmış vəziyyətdə olub.

Hadisə yerinə gələn kriminalistlər mərhumun cibindən narkotik vasitə tapıblar. Lakin intihar zamanı Nurəliyevin narkotik vasitələrin təsiri altında olub-olmaması hələlik məlum deyil. Çünki ekspertizanın rəyi hələ ki, hazırlanmayıb.

Nurəliyevin doğmalarının bildirdiyinə görə, o, üst-üstə yığılmış pul borcları ucbatından depressiyaya düşüb. Qohumları bildiriblər ki, Nurəliyev varlanmaq eşqi ilə futbol üzrə mərc oyunlarında iştirak edirmiş. O, futbol oyunları ilə bağlı sonsuz sayda mərcə girişdiyindən, külli miqdarda borcu yaranıbmış.

Bütün mərc oyunları kimi bu oyun da bədbəxt sonluqla bitib. Hazırda faktla bağlı AR Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi açılıb.

Qeyd edək ki, son 10 gün içində bu, çoxmənzilli yaşayış binasının komendantlarının intiharına dair ikinci faktdır. Birinci fakt martın 17-si saat 13:30-da "Rahatlıq" MTK-nın Sarabski küçəsi, 16 ünvanındakı yeni tikilən binasında qeydə alınıb. Burada komendant işləyən Xırdalan şəhər sakini, 34 yaşlı Dadaş Eyvazov özünü hündürdən aşağı atıb və ölüb.

Eyvazovun intiharının səbəbləri barədə hələlik heç nə məlum deyil. Lakin istintaqın əldə etdiyi məlumatlara görə, onun heç bir maddi sıxıntısı olmayıb. Buna görə də onun ölümündə nağd pul borcunun olmasının rolu barədə ehtimal dərhal kənara qoyulub.

9674
Teqlər:
bina, intihar, komendant, oyun, mərc, qumar
Əlaqədar
Ucarda kütləvi intiharın qarşısı alındı
Məşhur qrupun solisti intihar edib
Bakıda şirkətin komendantı intihar edib
Psixoloq uşaqları intihara sövq edən oyunlardan danışdı
Bakı

Yeni həftənin ilk gününə olan hava proqnozu açıqlandı

16
Oktyabrın 26-da Azərbaycanın rayonlarında havanın əsasən yağmursuz keçəcəyi, gecə və səhər bəzi yerlərdə duman olacağı gözlənilir.

BAKI, 25 oktyabr - Sputnik. Sabah Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, gecə və səhər bəzi yerlərdə zəif duman olacağı gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, oktyabrın 26-da mülayim şimal küləyi əsəcək. Havanın temperaturu Abşeron yarımadasında gecə 15-17, gündüz 20-25, Bakıda gecə 15-17, gündüz 22-24 dərəcə isti olacaq. Atmosfer təzyiqi 763 mm civə sütunu təşkil edəcək, nisbi rütubət gecə 70-80, gündüz 50-55 faiz olacaq.

Oktyabrın 26-da Azərbaycanın rayonlarında havanın əsasən yağmursuz keçəcəyi, gecə və səhər bəzi yerlərdə duman olacağı gözlənilir. Şərq küləyi əsəcək. Havanın temperaturu gecə 9-14, gündüz 21-26, dağlarda gecə 6-11, gündüz 16-21 dərəcə isti olacaq.

16
Samsung şirkəti

Dünya nəhənginin rəhbəri vəfat etdi

43
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

43
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

0
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

0