Qaz sobası

Bakı Abşeronda gecə saatlarında "qaz böhranı" yaşanıb - "Azəriqaz" izahat verir

5230
(Yenilənib 10:13 18.03.2019)
Qəzanın nəticələrinin aradan qaldırılması ilə bağlı işlər elə gecə saatlarında yekunlaşıb

BAKI, 18 mart — Sputnik. Dünən gecə saatlarında Abşeron yarımadası və Bakının bir neçə rayonunda mənzillərə təbii qazın verilməsində məhdudiyyətlər olub. "Azəriqaz" İstehsalat Birliyinin mətbuat katibi İbrahim Kərbəlayevin Sputnik Azərbaycan-a veridiyi məlumata görə, qazın verilməsində məhdudiyyətə səbəb qaz sızmasıdır.

"Bakının Sabunçu, Nizami, Xətai rayonlarının və Abşeron rayonunun bir hissəsində təbii qazla təchizatında fasilə yaranıb. Səbəb isə gecə saat 01:00 radələrindən Qaradağ-Digah magistral qaz kəmərində qəza baş verib" - o bildirib.

"Qəzanın nəticələrinin aradan qaldırılması ilə bağlı işlər elə gecə saatlarında yekunlaşıb, amma təhlükəsizlik baxımından "mavi yanacağ"ın təzyiqi dərhal artırılmayıb. Bu prosesə səhər saatlarından start verilib"- deyə Kərbəlayev qeyd edib.

5230
Teqlər:
Bakı, mənzil, qaz
Əlaqədar
Paytaxtda içərisində 22 ton maye qaz olan avtosistern aşıb
Zəlzələ qaz xətlərini sıradan çıxarıb, təbii qazın verilişi dayandırılıb
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

67
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

67
S-400 zenit raket komplekslərinin Türkiyəyə tədarükü, arxiv şəkli

NATO Türkiyənin "S-400" məsələsini necə həll edəcək?

0
(Yenilənib 19:06 21.10.2020)
ABŞ Türkiyəni sanksiyalar tətbiq etməklə hədələyərək Rusiya ilə sazişdən imtina etməsini və bunun əvəzində Amerikadan "Patriot" sistemlərinin alınmasını istəyib

BAKI, 21 oktyabr — Sputnik. Türkiyəyə məxsus "S-400" sistemləri NATO-nun müdafiə sisteminə inteqrasiya oluna bilməz. Sputnik Azərbaycan "RİA Novosti"yə istinadən xəbər verir ki, bunu NATO-nun Baş katibi Yens Stoltenberq bildirib.

"Türkiyəyə məxsus "S-400" sistemləri NATO-nun müdafiə sisteminə inteqrasiya oluna bilməz. Alyans alternativ variantların axtarışı üzrə səyləri dəstəkləyir", - deyə NATO Baş katibi qeyd edib.

Qeyd edək ki, Türkiyənin ABŞ-la münasibətlərində böhrana səbəb olan Rusiya istehsalı "S-400" hava müdafiə sistemlərinin tədarükü 2019-cu ilin iyul ayından başlayıb. Bundan sonra Vaşinqton ABŞ-ın "F-35" qırıcılarının Türkiyəyə satışını təxirə salacağını bəyan edib. ABŞ Türkiyəni sanksiyalar tətbiq etməklə hədələyərək Rusiya ilə sazişdən imtina etməsini və bunun əvəzində Amerikadan "Patriot" sistemlərinin alınmasını istəyib. Türkiyə tərəfi isə "S-400" zenit-raket kompleksinin növbəti partiyasının alınması ilə bağlı danışıqları davam etdirib.

 

0
Teqlər:
NATO, Türkiyә, S-400