Əlləri qandallanmış şəxs, arxiv şəkli

Yol polisi saxladı, narkotik silah tapdı

37
(Yenilənib 16:10 16.03.2019)
Evə baxış keçirilən zaman oradan 805 qram qurudulmuş marixuana, həmçinin qanunsuz saxladığı 16 kalibrli qoşalülə ov tüfəngi də aşkar edilərək götürülüb

Şahpəri Abbasova, Sputnik Azərbaycan

BAKI,  16 mart — Sputnik. Balakən sakinində külli miqdarda narkotik aşkarlanıb.

DİN Mətbuat Xidmətinin Şəki regional qrupundan Sputnik Azərbaycan-a verilən məlumata görə, Balakən Rayon Polis Şöbəsinin Dövlət Yol Polisi bölməsinin əməkdaşları şəhər ərazisində xidmət apararkən “VAZ 21011” markalı avtomobil inzibati qayda pozuntusuna görə saxlayıblar. Həmin vaxt avtomaşında sərnişin qismində əyləşmiş Zaqatala rayonu Aşağı Tala kənd sakini İsmayıl Qurbanov üzərində narkotik vasitə saxlamaqda şübhəli olduğundan Polis Şöbəsinə gətirilib. 

Üzərinə şəxsi axtarış keçirilən zaman 1 ədəd kibrit qutusunda  8 qrama yaxın narkotik vasitə olan qurudulmuş marixuana aşkar edilib.  Ətrafında aparılan araşdırmalar zamanı İ. Qurbanovun həmin narkotik vasitəni Balakən şəhər sakini  Abdulla Qallacovdan aldığı müəyyən edilib. 

A.Qallacovun yaşadığı evə baxış keçirilən zaman oradan 805 qram qurudulmuş marixuana, həmçinin qanunsuz saxladığı 16 kalibrli qoşalülə ov tüfəngi də aşkar edilərək götürülüb. O, ifadəsində həmin narkotik vasitəni yay aylarında rayonun Püştətala kəndi ərazisində əkib-becərdiyi narkotik tərkibli çətənə bitkilərinin üzərindən yığaraq əldə etdiyini bildirib. Qeyd edilən əraziyə baxış keçirilən zaman 3 ədəd, ümumi çəkisi 185 qram olan çətənə bitkiləri aşkar olunaraq maddi sübut kimi götürülüb.

Faktla bağlı araşdırma aparılır.

37