Mənzil oğruları, arxiv foto

Ehtiyatlı olun, Cənubi Qafqazın "stajlı" oğruları Azərbaycana ayaq açıblar

1899
(Yenilənib 13:47 07.03.2019)
Azərbaycanın paytaxtında bir qrup gürcü stajlı ev oğrusu yaxalanıb

Ramella İbrahimxəlilova, Sputnik Azərbaycan

BAKI, 7 mart — Sputnik. Binəqədi Rayon Polis İdarəsinin cinayət-axtarış şöbəsinin əməkdaşları martın 6-da bir qrup gürcü "stajlı" ev oğrusunu yaxalayıb. Bu barədə Sputnik Azərbaycan-a Binəqədi RPİ-dən məlumat verilib. 

Keçirilən əməliyyat nəticəsində Gürcüstan vətəndaşları - 40 yaşlı Laşa Abramişvili, 45 yaşlı Şimagi Qaprindaşvili, 50 yaşlı Ramazi Matçaraşvili və Ağdam rayonunun 31 yaşlı sakini Vüsal Məhərrəmov saxlanılıb. Sözügedən ev oğrularının izinə fevralın 28-də Binəqədi rayonunda baş verən mənzil qarətinin araşdırılması zamanı düşmək mümkün olub.

Məlum olub ki, 42 yaşlı Novruzov Rəfsan Zeynalabidin oğlunun mənzilindən 5 min manat dəyərində qızıl-zinət əşyaları oğurlanıb. Oğrular zərərçəkmişin mənzilinə günorta saatlarında, Novruzov evdə olmadığı vaxt daxil olublar. Lakin saxlanılan şəxslər törətdikləri cinayəti dərhal boyunlarına almayıblar. İstintaq-əməliyyat qrupu onlara qarşı dəlil əldə edib. Şübhəli şəxslər yaşayış binasının girişinə quraşdırılmış videomüşahidə kamerasına düşüblər. Saxlanılan şəxslərdən oğurlanmış zinət əşyaları götürülüb.

İstintaq ehtimal edir ki, Novruzovun mənzili saxlanılan şəxslərin girdiyi yeganə ev deyil. Hazırda onlar "qastrola gələn qonaqlar"ın Azərbaycan ərazisində nə qədər vaxt olduqlarını araşdırır.

Qeyd edək ki, son vaxtlar gürcü ev oğruları nadir hallarda polisin nəzər-diqqətinə düşürlər. Buna rəğmən, görünən odur ki, onlar yenidən Bakıda fəallaşmağa başlayıblar. Faktla bağlı araşdırma davam edir.

Xatırladaq ki, gürcü oğrular post-sovet məkanının ən fəal və amansız oğruları hesab edilir. Təsadüfi deyil ki, dünyada ən gənc "qanuni oğru" titulunu da 2014-cü ildə məhz gürcü oğru - 21 yaşlı Revaz Ubilava alıb.

Son illərdə gürcü oğrular Cənubi Qafqazın ən varlı ölkəsi sayılan Azərbaycana ayaq açıblar. Onlar xüsusilə Azərbaycanın qərbində - Gəncə şəhərində və onun ətraf rayonlarında fəallıq edirlər. Görünür, indi onların hədəfində Qafqazın ən zəngin şəhəri Bakıda qarətlər törətməkdir.

1899
Teqlər:
Bakı, mənzil, qarət, gürcü, oğru
Əlaqədar
"İnsaflı oğru" oğurladığı puldan zərərçəkmişə 10 manat yol pulu verdi
Abşeronda oğru eyni evi ard-arda iki dəfə qarət edib
Məşhur “qanuni oğru” narkotikdən öldü
Oğru 2,5 milyon manatlıq zinət əşyasını uddu
Krımda sel suları

Məşhur kurort şəhəri selə təslim oldu, evlər, maşınlar su altında

14
(Yenilənib 14:58 19.06.2021)
Turistlərin sevimli məkanlarından olan Yalta şəhərinin sakinləri təbiətin qəzəbini öz üzərlərinə hiss ediblər.

BAKI, 19 iyun — Sputnik. Rusiyanın Yalta şəhərini sel basıb. Yüzdən artıq ev suyun altında qalıb. Şəhərdə su təchizatı dayandırılıb. Bu barədə şəhər administrasiyasının başçısı Yanina Pavlenko məlumat verib.

Bundan əlavə, onun sözlərinə görə, 7 211 abonentin elektrik təchizatı dayandırılıb.

608 nəfər təxliyə olunub, onlardan 50-si həddi-buluğa çatnmayanlardı. 235 abonentin qaz təchizatı dayandırılıb.

Pavlenko bildirib ki, artıq problemlər həll olunur, bir çox yerlərdə elektrik bərpa olunur, suyun verilməsinin bərpası isə axşama planlaşdırılıb.

Şəhərdə sel suyunun kənara və xüsusi yerlərə vurulması prosesi təşkil edilib. Bundan əlavəı, maşınlarla içməli suyun təchizatı təşkil olunub.

Krımda yağan yağışlar iyunun 17-də güclü daşqınlara səbəb olub, nəticədə yarımadanın şərqində 300-dən artıq ev suyun altında qalıb, bir gecəyə buraya iki aylıq normada yağıntı düşüb. Cümə günü kəskin hava şəraiti Yaltaya doğru irəliləyib, nəticədə çaylar məcralarından çısıb, küçə evlər suyun altında qalıb.

14
Приморский парк в Баку

Bazar günü 40 dərəcəyədək isti olacaq

178
(Yenilənib 13:00 19.06.2021)
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

178
Здание Министерства иностранных дел Азербайджанской Республики в Баку

Azərbaycanın xarici siyasət idarəsi Ermənistana cavab verdi

11
Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

BAKI, 19 iyun - Sputnik. "Ermənistan Xarici İşlər Nazirliyi 2021-ci il 18 iyun tarixli bəyanatında ölkəmizi 44 günlük müharibə zamanı Ermənistan tərəfindən Azərbaycan ərazisində qanunsuz şəkildə döyüşən, müharibə cinayətləri, terror aktları törətməkdə, muzdlu kimi döyüşməkdə təqsirləndirilən şəxsləri mühakimə etməkdə ittiham edir. Ermənistan XİN-in bəyanatında “hərbi əsirlər” və “mülki şəxslər” kimi göstərilən şəxslər hərbi əməliyyatlar zamanı və əməliyyatların dayandırılması ilə bağlı üçtərəfli Bəyanat imzalandıqdan sonra Azərbaycan ərazisində qəsdən adamöldürmə, işgəncə, terrorçuluq və digər cinayətlərin törədilməsində təqsirləndirilən şəxslərdir. Əlbəttə, Azərbaycanın həm beynəlxalq hüquq, o cümlədən 1949-cu il Cenevrə konvensiyaları, muzdluların cəlb edilməsi, istifadəsi, maliyyələşdirilməsi və təliminə qarşı beynəlxalq Konvensiya, həm də yerli qanunvericiliyə əsasən bu şəxsləri məsuliyyətə cəlb etməyə həm hüququ, həm də beynəlxalq öhdəliyi var".

Sputnik Azərbaycan xəbər verir ki, bu fikirlər Azərbaycan Xarici İşlər Nazirliyinin Mətbuat xidməti idarəsinin Ermənistan XİN-in müvafiq bəyanatına dair şərhində yer alıb.

"Hazırda Azərbaycan tərəfində saxlanılan və istintaqa cəlb olunan ermənilərə gəldikdə, Ermənistan XİN-ə xatırladırıq ki, bu şəxslərdən bir qrupu 2020-ci il 10 noyabr tarixli üçtərəfli Bəyanat imzalandıqdan sonra Azərbaycan ərazisinə daxil olan terrorçu qrupun üzvləridir və bu qrupun təxribatçı fəaliyyəti nəticəsində Azərbaycanın 4 hərbi qulluqçusu öldürülüb, bir mülki şəxs isə ağır yaralanıb. İttiham olunan erməni əsilli Livan vətəndaşı əcnəbi muzdlu qismində pul qarşılığında 44 günlük müharibə zamanı azərbaycanlı hərbçi və mülki şəxslərə qarşı döyüşlərdə iştirak edib. Digər iki erməni vətəndaşı isə hələ Birinci Qarabağ müharibəsi zamanı azərbaycanlı mülki şəxslərə və hərbçilərə işgəncə verməkdə ittiham olunan şəxslərdir.

Vurğulamaq istərdik ki, Azərbaycanda saxlanılan ermənilərin yerinin gizli saxlanılması ilə bağlı deyilən fikirlər tamamilə yalandır. Rəsmi açıqlamalarda artıq bildirildiyi kimi, Azərbaycan bu şəxslərin saxlanılma vəziyyəti ilə bağlı olan bütün tələbləri yerinə yetirib. Hətta Beynəlxalq Qırmızı Xaç Komitəsi, insan hüquqları üzrə müvəkkilin (ombudsman) saxlanılan şəxslərlə mütəmadi görüşləri təşkil edilib və bu şəxslərin səhhəti barədə tibbi sənədlər belə təqdim edilib.

Azərbaycan humanizm prinsiplərindən çıxış edərək bu günədək saxlanılan ermənilərin bir hissəsini Ermənistana təhvil verib.

Bunun qarşılığında isə Ermənistan tərəfinin addımları göz qabağındadır. Yalnız Ağdam üzrə mina xəritələrini Azərbaycana təhvil verən Ermənistan bu ölkənin yüksəksəviyyəli rəsmiləri tərəfindən açıq şəkildə etiraf edildiyi kimi, çoxsaylı mina xəritələrini gizlədir, Azərbaycana verməkdən imtina edir. Hələ Birinci Qarabağ müharibəsində itkin düşən 4 minədək azərbaycanlının taleyi barədə bu günədək heç bir məlumat verilməyib. Ərazilərimiz işğaldan azad olunduqdan sonra Kəlbəcər rayonunun Başlıbel kəndi ərazisində aşkar edilmiş kütləvi məzarlıq Ermənistan tərəfindən törədilən müharibə cinayətlərinin və Ermənistanın itkin düşmüş azərbaycanlılar barədə məlumatı gizlətdiyinin bariz sübutudur.

Ermənistan XİN-i beynəlxalq hüquq pozuntularından danışmağa başlamadan əvvəl Ermənistan Respublikasının 30 ilə yaxın müddət ərzində beynəlxalq hüquq prinsiplərini, xüsusilə də suverenlik və ərazi bütövlüyünə hörmətlə yanaşılması prinsipini tapdaladığını, bir milyonadək azərbaycanlının fundamental hüquqlarının kobud şəkildə pozduğunu göz önünə gətirməlidir"-, məlumatda qeyd olunub.

11