Yevlax-Bərdə yolunda zəncirvari avtomobil qəzası

Bakı-Yevlax yolunda zəncirvari qəza

78
(Yenilənib 11:57 17.02.2019)
Qəza zamanı 1991-ci il təvəllüdlü Şəki rayon sakini Mirhəmidov Rövşən Hacı oğlu xəsarət alıb

BAKI, 17 fevral – Sputnik. Bakı-Şamaxı-Yevlax yolunda xəsarətlə nəticələnən yol qəzası baş verib.

Sputnik Azərbaycan-ın "Report"a istinadla məlumatına görə, zəncirvari qəza yolun Qobustan rayonu ərazisindən keçən hissəsində qeydə alınıb.

Yolun qarlı və dumanlı olması səbəbindən Şamaxı istiqamətində hərəkətdə olan "Ford" markalı maşın beton arakəsməyə dəyərək əzilib. Avtomobili ərazidən təxliyyə etməyə gələn evakuator hadisə yerində dayanan zaman, "Opel" və "Lada" markalı iki minik avtomobili arxadan ona çırpılıb. Nəticədə maşınların 4-dü də əzilib.

Qəza zamanı 1991-ci il təvəllüdlü Şəki rayon sakini Mirhəmidov Rövşən Hacı oğlu xəsarət alıb.

Faktla bağlı araşdırma aparılır.

78
102-я российская военная база

Gümrü şəhərində rusiyalı hərbçinin cəsədi tapıldı

21
Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

BAKI, 4 iyul - Sputnik. Bu gün günorta saatlarında Ermənistanın Gümra şəhərində Rusiyanın 20 yaşlı vətəndaşı, bu ölkənin 102 saylı Hərbi Bazasının hərbi qulluqçusunun cəsədi tapılıb. Onun meyiti yataq otağında tapılıb, yerdə həmçinin məktub aşkarlanıb.

Rusiyanın Ermənistandakı səfirliyindən Sputnik Ermənistan-a bildirildiyinə görə, hərbçinin ölümündə cinayət izi yoxdur. Səfirlik hərbi qulluqçunun əsəb pozuntusu nəticəsində vəfat etdiyini güman edir.

Rusiyanın Cənub Hərbi Dairəsinin komandanlığı Ermənistanın hüquq-mühafizə orqanları ilə birlikdə hərbi qulluqçusunun həlak olmasından sonra yoxlamaya başlayıb.

Rusiya hərbi qulluqçusunun meyidi Gümrüdəki evlərdən birində aşkar edilib.

21
Bakıda Sobsan boya fabrikində yanğın

"Sobsan" yanğını: Partlayışlar olur, xəsarət alanlar var - VİDEO

745
(Yenilənib 22:50 04.07.2020)
FHN tərəfindən yaradılmış Qərargahın məlumatına görə, əraziyə Dövlət Yanğından Mühafizə Xidmətinin 32 texnikası və 160 canlı qüvvəsi cəlb edilib.

BAKI, 4 iyul — Sputnik. Bakının Binəqədi rayonunun 7-ci mikrorayon ərazisində yerləşən Sobsan boya fabrikində axşam saatlarında başlayan yanğın davam edir. Yanğın başladıqdan bir müddət sonra partayışla müşahidə edilib.

Sputnik Azərbaycan-ın məlumatına görə, yanğının baş verdiyi əraziyə yaxın ətrafdakı insanlar təxliyə edilib.

Boya fabrikində baş verən yanğınla əlaqədar FHN tərəfindən yaradılmış Qərargahın məlumatına görə, əraziyə Dövlət Yanğından Mühafizə Xidmətinin 32 texnikası və 160 canlı qüvvəsi cəlb edilib. Report-un məlumatına görə, hadisə zamanı 4 nəfər tüstüdən zəhərlənib.

Yanğın 700 kvadratmetr ərazini əhatə edir.

Fövqəladə Hallar nazirinin müavini Etibar Mirzəyev yanğın baş verən əraziyə gəlib.

Xatırladaq ki, yanğın bu gün saat 20:00 radələrində Fövqəladə Hallar Nazirliyinin "112" qaynar telefon xəttinə Bakı şəhəri, Binəqədi rayonunda “Sobsan” boya fabrikinin ərazisində yanğın olması barədə məlumat daxil olub. Dövlət Yanğından Mühafizə Xidmətinin texnikaları 20:12-də çıxış edib və ilk yanğınsöndürən maşını 20:19-da hadisə yerinə çatıb. 

Hazırda FHN-in Dövlət Yanğından Mühafizə Xidmətinin yanğından mühafizə bölmələri tərəfindən yanğınsöndürmə işləri davam etdirilir.

745