Yasamal qəbiristanlığı

Yasamal qəbiristanlığında ağılları qarışdıran şəkil tapılıb

1097
Bu haqda müxtəlif sosial media profillərində, səhifələrində məlumat paylaşılıb

BAKI, 15 fevral — Sputnik. Yasamal qəbiristanlığında cavan oğlanın iynələnmiş şəkli tapılıb. Sputnik Azərbaycan-ın xəbərinə görə, bu haqda müxtəlif sosial media profillərində, səhifələrində məlumat paylaşılıb.

Şəkili iynələnən şəxsə cadu edildiyi düşünülür. Hələ ki, bunun kim tərəfindən törədildiyi, şəkildəki şəxsin kimliyi naməlumdur.

Məsələ barədə Yasamal rayon qəbiristanlığının rəhbərliyi ilə əlaqə saxlamağa çalşsaq da, zənglərimizə cavab verən olmadı.

Yasamal Rayon Polis İdarəsi 28-ci Polis Bölməsindən isə Sputnik Azərbaycan-a bildirildi ki, sözügedən tapıntı haqda onlara hansısa şikayət daxil olmayıb: “Qəbiristanlıqla bağlı bizə şikayətlər daxil olur. Bu şikayətlər hasarın, qəbir daşının dağıdılması ilə bağlı olur. Amma dediyiniz məsələdən xəbərsizik”.

Qeyd edək ki, bundan öncə də qəbiristanlıqlarda bənzər olaylar baş vermiş, iynələnmiş şəkillər, bağlı qıfıllar, düyünlü saplar tapılmışdı.

1097
Teqlər:
şəkil, qəbiristanlıq, Yasamal
Əlaqədar
"O, hakim və prokurora cadu etdirib"
Qonşumuzda iki cadugər edam edildi
Ölkəmizə əcnəbi "cadugərlər" ayaq açıb: Onlara qoşulanlar da var, qorxudan qaçanlar da
Qandal, arxiv şəkli

Salyanda Gigiyena Epidemiologiya Mərkəzinin rəhbəri saxlanılıb

10
(Yenilənib 22:50 22.01.2021)
İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

BAKI, 22 yanvar — Sputnik. Salyan rayon Gigiyena və Epidemiologiya Mərkəzinin direktoru İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

Baş Prokurorluğun Mətbuat xidmətindən Sputnik Azərbaycan-a bildirilib ki, bu barədə ictimaiyyətə daha sonra rəsmi məlumat veriləcək.

Xatırladaq ki, bir qədər əvvəl Baş Prokurorluq yanında Korrupsiyaya qarşı Mübarizə İdarəsinin əməkdaşları Masallı Rayon Mərkəzi Xəstəxanasının baş həkimi Cəlil Nəzərov və baş mühasibi Sətulla Məmmədovu da saxlayıblar. 

10
ANAMA əməkdaşı, arxiv şəkli

Mülki şəxs Cəbrayılda minaya düşdü

35
Faktla bağlı Cəbrayıl rayon Prokurorluğunda Cinayət Məcəlləsinin 100.2, 116.0.6  və digər maddələri ilə cinayət işi başlanıb

BAKI, 22 yanvar — Sputnik. Yanvarın 22-də Azərbaycan Respublikası Minatəmizləmə Agentliyinin əməkdaşı, 1974-cü il təvəllüdlü Sultanov Azər Əli oğlunun işğaldan azad edilmiş Cəbrayıl rayonun Mehdili kəndi ərazisində minaya düşərək xəsarətlər alması barədə Cəbrayıl rayon prokurorluğuna məlumat daxil olub.

Sputnik Azərbaycan bildirir ki, bu barədə Baş Prokurorluğun Mətbuat xidməti məlumat yayıb. Araşdırmalarla müəyyən edilib ki, agentliyin həmin əraziyə ezam olunmuş əməkdaşı Azər Sultanov yeni çəkiləcək dəmiryolu xəttinin tikintisi ilə əlaqədar minadan təmizləmə işləri həyata keçirərkən minaya düşərək müxtəlif dərəcəli bədən xəsarətləri alıb.

Faktla bağlı Cəbrayıl rayon Prokurorluğunda Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub və digər zəruri prosessual hərəkətlər yerinə yetirilib. Hazırda cinayət işi üzrə zəruri istintaq tədbirləri davam etdirilir.

35
Teqlər:
ANAMA, mina, Qarabağ, Cəbrayıl

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0