Respublika Seysmoloji Xidmət Mərkəzində Şamaxıda baş vermiş zəlzələyə dair mətbuat konfransı

İnfarkt keçirən, dili tutulan nəşəsindən qalmayanlar- Zəlzələ anının şahidləri

12289
(Yenilənib 17:01 06.02.2019)
"Divan tərpəndi, televizor hərəkət elədi, mətbəxdə qab-qacaq sındı, hamımız evdən bayıra qaçdıq"

Təranə Xudabaxşiyeva, Sputnik Azərbaycan

BAKI, 7 fevral — Sputnik. Fevralın 5-i gecə saatlarında Şamaxı rayonunda, Pirqulu stansiyasından 11 km cənub-qərbdə zəlzələ qeydə alınıb. Zəlzələ episentrdə 6 bal, ətraf rayonlarda isə 5.3 bala qədər hiss olunub. Yeraltı təkanı hərə bir cür hiss edib, təşvişə düşənlər də olub, heç hiss etməyənlər də.

Sputnik Azərbaycan-ın sosial şəbəkədə sorğu keçirərək insanların zəlzələ zamanı üzləşdiklərini, hər hansı bir zərər görüb-görmədiklərini, ümumiyyətlə, zəlzələni hiss edib-etmədiklərini öyrənib. Aldığımız cavabları olduğu kimi təqdim edirik:

Sevinc Bayramova: "Qəbələdəyəm. Burada heç kəs zəlzələni hiss etməyib".

Rahim Zakiroğlu: "Lənkəranda da zəlzələ hiss olundu, lakin əhalinin çox hissəsi zəlzələdən xəbərsiz olub. Zəlzələni hiss edənlər isə çoxmərtəbəli binaların sakinləri olub. Heç bir ziyan və fəsadı olmayıb".

Qadir İbrahimli: "Mən Bakıda olsam da, zəlzələni "Facebook"da hiss etdim".

Sahibə Süleymanova: "Mən Bakıda, 9-cu mikrarayonda yaşayıram. Çox qorxmuşdum. Divan tərpəndi, televizor hərəkət elədi. Hamımız evdən qaçdıq. Mətbəxdə bir neçə qab-qacaq sınıb. Qorxmuşuq".

Aysel Aslan: "Ailəm Qazaxda yaşayır. Əlaqə saxladım. Heç nə hiss edilməyib".

Amin Nəzərli: "Bakıda yaşayıram. Hiss etdim zəlzələni, sadəcə "Facebook"da".

İsaq Mayılov: "Bakıda yaşayıram. Divanda hiss etdim. Ən azı, 5 bal oldu. Beynimdə sıxılma oldu bir anlıq. Həyəcan keçirdim. Şükür ki, heç bir ziyan dəymədi".

Aydan Əliyeva: "Ələtdə yaşayırıq. Hiss elədik. Çox qorxu keçirdik. İndiyə kimi həyəcan içindəyəm".

Aysel Sultanova: "Şamaxıda daha çox zəlzələ hiss olunub. 2 saylı məktəbin divarları çatlayıb, 3 mərtəbəsi sökülüb, anamgildə şkafdan qablar tökülərək sınıb, qaz-işiq sönüb. Zəlzələ zamanı infarkt olan var, dili tutulan var".

Vəfa Fərəc: "Qobuda yerləşən"Qobu parkda" sakinlərin bir qismi zəlzələni daha çox hiss edənlər olub. Onlar təlaşla evlərindən çıxıb həyətdə toplaşmışdılar. Biz isə heç nə hiss etmədik".

Xatırladaq ki, fevralın 5-i gecə saat 23.20 radələrində baş vermiş zəlzələ nəticəsində Şamaxı rayonunun yaşayış evlərinə, eləcə də bir sıra qeyri-yaşayış obyektlərinə külli miqdarda ziyan dəyib. Yerli sakinlərin bir çoxu yeraltı təkanların təkrarlanacağından qorxaraq gecəni küçədə keçirib.

Sputnik Azərbaycan-ın bölgə müxbiri xəbər verir ki, zəlzələ nəticəsində Şamaxı rayonunun Şəhriyar qəsəbəsində bir yaşayış evində dağıntı baş verib. İlkin məlumatlara əsasən, dağıntılar zamanı 3 nəfər xəsarət alaraq xəstəxanaya yerləşdirilib. 

Daha çox dağıntı rayonun Qəleybuğurt, Qızmeydan və Nağaraxana kəndlərində qeydə alınıb. Həmin kəndlərdə səyyar tibb məntəqələri qurulub. Dağıntılar zamanı xəsarət alanların sayının artdığı və onların əksəriyyətinə ambulator yardım göstərildiyi bildirilir.

Azərbaycan Milli Elmlər Akademiyası Respublika Seysmoloji Xidmət Mərkəzinin baş direktoru Qurban Yetirmişli Sputnik Azərbaycan Multimedia Mərkəzində keçirilən mətbuat konfransı zamanı, 25 oktyabr 2017-ci il
© Sputnik / Murad Orujov

Bundan başqa, baş vermiş zəlzələ nəticəsində həyətyanı sahələrın divarları uçub. Eləcə də evlərin barılarında böyük çatlar və dağıntılar əmələ gəlib.

Zəlzələ zamanı şəhər 2 saylı tam orta məktəbin binası da qəzalı vəziyyətə düşüb. İki korpusdan ibarət olan məktəbin 2-ci korpusunun tavan hissəsi çöküb. Binanın 3-cü və 2-ci mərtəbəsində çatlar yaranıb.

Məktəbin qəzalı vəziyyətə düşən korpusuna şagird və müəllimlərin girişi qadağan edilib. Məktəbin 1-ci korpusu birmərtəbəli olduğundan binaya ziyan dəyməyib. 

Həmçinin, Şamaxının bir çox köhnə məktəb binalarında da xırda çatlar əmələ gəlib. Əraziyə aidiyyəti qurumların rəsmiləri baxış keçiriblər.

12289
Teqlər:
hiss, təkan, Şamaxı, zəlzələ
Əlaqədar
Şamaxıdan son xəbər: Camaat zəlzələnin təkrarlanacağından narahatdır
Zəlzələ qaz xətlərini sıradan çıxarıb, təbii qazın verilişi dayandırılıb
Rəsədxananın direktor müavini zəlzələnin fəsadlarından danışır
Səhiyyə Nazirliyi: Zəlzələ ilə bağlı xəstəxanada təşviş yaranmayıb
Azərbaycanda zəlzələ davam edir
Kanal, arxiv şəkli

Göyçayda məktəbli kanalda boğuldu

23
İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar

BAKI, 31 may - Sputnik. Göyçay rayonunda yeniyetmə oğlan bədbəxt hadisə nəticəsində dünyasını dəyişib.

Sputnik Azərbaycan APA-ya istinadən xəbər verir ki, hadisə bu gün saat 19 radələrində Yuxarı Şirvan kanalının İnçə kəndi ərazisindən keçən hissəsində qeydə alınıb.

Rayonun Aşağı Qaraməryəm kənd sakini, 2004-cü il təvəllüdlü Cəbiyev İsmayıl Mehrah oğlu Yuxarı Şirvan kanalında çimərkən ehtiyatsızlıq edib və qəflətən suda boğulub. Yaxınlıqdakı insanlar onun həyatını xilas edə bilməyiblər.

İsmayılın meyidinin tapılaraq sudan çıxarılması üçün əraziyə FHN-in Mingəçevirdəki Aran dalğıc-axtarış qrupunun əməkdaşları cəlb olunublar.

23
Əlaqədar
Azərbaycanda 5 yaşlı uşaq iynə vurulandan sonra ölüb
Şamaxıda dəhşətli faciə: Uşaqlarının gözü qarşısında boğulub öldü
Qusarda ikinci sinif şagirdini külək öldürüb?
Masallıda uşaq qəbiristanlıqda faciəli şəkildə öldü
İmişlidə yeniyetmə bədbəxt hadisənin qurbanı oldu
Sürücü sükan arxasında, arxiv şəkli

Piyadanı öldürüb qaçan sürücü saxlanılıb

15
(Yenilənib 19:10 31.05.2020)
Şəmkir şəhər sakini Arzu İsmayılov Bakı-Qazax avtomobil yolunda piyadanı vurduqdan sonra hadisə yerindən qaçıb

BAKI, 31 may — Sputnik. Prokurorluq və polis əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində Tovuz rayonu ərazisində qeyri-aşkar şəraitdə ölümlə nəticələnən yol-nəqliyyat hadisəsini törədərək hadisə yerindən qaçmış sürücü tutulub.

Sputnik Azərbaycan Baş Prokurorluğun məlumatına istinadla xəbər verir ki, mayın 22-də saat 22 radələrində Bakı-Qazax avtomobil yolunun Tovuz rayonu, Əyyublu kəndi ərazisində naməlum sürücü idarə etdiyi avtomobillə yolu keçən piyada – 1982-ci il təvəllüdlü Tağıyev Məşədi İsmayıl oğlunu vuraraq öldürüb.

Sürücünün hadisə yerindən qaçması ilə bağlı Daxili İşlər Nazirliyinin Baş İstintaq və Təhqiqat İdarəsinə bilavasitə tabe olan yol nəqliyyat hadisələrinə dair işlər üzrə İstintaq və Təhqiqat şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) və 264-cü (yol-nəqliyyat hadisəsi yerindən qaçma) maddələri ilə cinayət işi başlanıb.

Cinayət işi üzrə hadisə yerinə baxış keçirilib, zəruri ekspertizalar təyin olunub və digər təxirəsalınmaz istintaq hərəkətləri aparılıb.

Əməliyyat-axtarış tədbirləri nəticəsində yol nəqliyyat hadisəsinin "VAZ-21063" markalı 10-FT-972 dövlət qeydiyyat nişanlı avtomobilin sürücüsü – Şəmkir şəhər sakini 1986-cı il təvəllüdlü İsmayılov Arzu Xanoğlan oğlu tərəfindən törədilməsinə əsaslı şübhələr müəyyən edilib. A.İsmayılov şübhəli şəxs qismində tutularaq istintaqa cəlb olunub. Hazırda iş üzrə zəruri istintaq-əməliyyat tədbirləri davam etdirilir.

15
Əlaqədar
Mingəçevirdə qəzaya düşən uşaqlardan biri Bakıya gətirildi
Kürdəmirdə avtomobil yoldan çıxaraq aşıb
Ramazan şirniyyatı qismət olmadı: Mingəçevirdəki qəzanın təfərrüatı
Ağır qəzada 4 hərbçi və 1 mülki şəxs həlak olub
Şirvanda minik avtomobili mikroavtobusla toqquşub, ölən və xəsarət alan var
Polis əməkdaşı Bakıda avtobusda sərnişinləri yoxlayır, arxiv şəkli

Maska taxmayanlara agentlikdən "sürpriz"

0
(Yenilənib 20:36 01.06.2020)
"Qoruyucu maskadan istifadə etməyən sərnişinlərin ictimai nəqliyyatda hərəkəti məhdudlaşdırılacaq".

BAKI, 1 iyun — Sputnik. Dövlətin həyata keçirdiyi profilaktik və sanitar maarifləndirmə tədbirlərinə baxmayaraq qapalı məkanlarda, xüsusən iaşə müəssisələrində, ictimai nəqliyyatda infeksiyanın yayılmasına şərait yaradan hallara yol verildiyi müşahidə olunur.

Bakı Nəqliyyat Agentliyindən (BNA) Sputnik Azərbaycan-a verilən məlumata görə, dayanacaqlarda, nəqliyyat mübadilə mərkəzlərinin ərazisində gözləyərkən və avtobuslarda səyahət edərkən tibbi maskadan istifadə olunmur: "Bu kimi sosial məsuliyyətdən kənar davranışlar sərnişindaşımaların təşkili baxımından olduqca təhlükəlidir. Mövcud vəziyyət sürücülər və dispetçerlər arasında yoluxma riskini ciddi şəkildə artırır ki, bu da nəticə etibarilə marşrut xətlərinin fəaliyyətinin dayanmasını qaçılmaz edir. Bu cür xoşagəlməz halların yolverilməzliyini qeyd edərək bir daha sərnişinləri anlayışlı və sosial məsuliyyətli olmağa dəvət edirik. Bildiririk ki, ictimai nəqliyyatda koronavirus infeksiyasının (COVID-19) profilaktikasına dair metodiki göstərişlərə birmənalı riayət olunmalıdır. Nazirlər Kabinetinin müvafiq qərarına əsasən də ictimai nəqliyyatda maskadan istifadə məcburidir. Qoruyucu maskadan istifadə etməyən sərnişinlərin ictimai nəqliyyatda hərəkəti məhdudlaşdırılacaq".

0