Seyf, arxiv şəkli

Biz gecənin sirri Holdinqin seyfini, qadını mənzili qarət edənlər saxlanıldı

105
(Yenilənib 20:04 28.01.2019)
Beş ildir hüquq-mühafizə orqanlarından gizlənən şəxs və qrup şəklində cinayət törədənlər saxlanıldılar

Ramella İbrahimxəlilova, Sputnik Azərbaycan

BAKI, 28 yanvar — Sputnik. Paytaxt polisi bazar günü beş il əvvəl törədilmiş cinayətin və qrup şəklində törədilmiş soyğunçuluq faktlarının üstünü açıb.

Binəqədi rayon Polis İdarəsinin və 40-cı bölməsinin əməkdaşları yanvarın 27-də keçirdikləri əməliyyat-axtarış tədbirləri nəticəsində 2014-cü ildən axtarılan oğrunu saxlayıblar. Bu barədə Sputnik Azərbaycan-a Daxili İşlər Nazirliyindən məlumat verilib.

Oğurluqda şübhəli bilinən şəxs Bakı şəhərinin 35 yaşlı sakini İmaməliyev Çeşməli İmaməli oğludur. O, 2014-cü ildə Gilan Holdingin ofisindəki seyfdən 130 min 692 manat və 2 270 ABŞ dolları oğurlamaqda ittiham edilir. Hazırda saxlanılan şəxslə bağlı istintaq tədbirləri keçirilir.

Bununla yanaşı, Nizami RPİ bu sutka ərzində AR Ədliyyə Nazirliyi yanında Penitensiar Xidmətilə birlikdə keçirdiyi əməliyyat nəticəsində Lənkəran rayonunun 47 yaşlı sakini Nifullayev Namiq Akif oğlunu saxlayıb. O, bu il yanvarın 8-də cinayətkar qrupun tərkibində qadına qarşı soyğunçuluq etməkdə günahlandırılır.

Sputnik Azərbaycan daha əvvəl məlumat vermişdi ki, Bakının Nizami rayonunda üç kişi özlərini daşınmaz əmlak alıcısı kimi təqdim edərək 58 yaşlı Bakı şəhər sakini Muqbilova Reyhanxanım Nemətulla qızının mənzilinə soxulublar. Cinayətkarlar qadını skotçla sarıyıblar və ağzını bağlayıblar. Sonra onlar evin hər yerinin altın-üstünə çevirərək pul və qiymətli əşyaları axtarıblar. Lakin cəmi 800 manat və mobil telefon tapıblar. Cinayətkarlar qadını bu vəziyyətdə qoyaraq qaçıb gizləniblər. Artıq sözügedən cinayəti törədən şəxslər də saxlanılıb.

105
Elektrik mənbəyi, arxiv şəkli

Mebel salonunda ölüm: bağbanı cərəyan vurdu

7
(Yenilənib 15:15 21.09.2020)
Mebel salonunda bağban işləyən Rəhman Aslanov elektrik otağında elektrik cərəyanının təsirinə məruz qalaraq ölüb

BAKI, 21 sentyabr — Sputnik. Sentyabrın 20-də saat 06 radələrində Yasamal rayonu ərazisində Rəhman Aslanovun elektrik cərəyanı vurması nəticəsində ölməsi ilə bağlı rayon prokurorluğuna məlumat daxil olub.

Sputnik Azərbaycan Yasamal Rayon Prokurorluğunun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər zəruri prosessual hərəkətlər yerinə yetirilib.

Aparılmış araşdırmalarla Yasamal rayonunda yerləşən "Evra" MMC-yə məxsus "Voga" mebel salonunda bağban işləyən Rəhman Aslanovun həmin mebel salonun elektrik otağında elektrik cərəyanının təsirinə məruz qalaraq ölməsi müəyyən edilib. Hazırda fakt üzrə Yasamal rayon prokurorluğunda araşdırma davam etdirilir.

7
Teqlər:
bağban, Bakı, mebel salonu, ölüm, elektrik cərəyanı
Əlaqədar
Elektrik cərəyanın vurduğu fəhlə ilə bağlı cinayət işi açıldı
İstilik Elektrik Stansiyasında fəhlə öldü
Qəbələ sakinini elektrik cərəyanı vurdu
Sürücünü cərəyan öldürdü
Qadın əlləri ilə üzünü tutub, arxiv şəkli

Neftçalada qızın qeyri-etik şəkillərini yayan şəxs həbs edilib

41
(Yenilənib 14:51 21.09.2020)
Prokurorluq və polis əməkdaşlarının həyata keçirdikləri istintaq-əməliyyat tədbirləri nəticəsində Əyyar Əzizov müəyyən edilməklə təqsirləndirilən şəxs qismində cəlb olunub və barəsində məhkəmənin qərarı ilə həbs qətimkan tədbiri seçilib.

BAKI, 21 sentyabr — Sputnik. Bəzi kütləvi informasiya vasitələri və sosial media səhifələrində süni ajiotaj yaratmaq məqsədilə ictimaiyyətdə yanlış fikrin formalaşdırılmasına xidmət edən Neftçala rayonunda 18 yaşına çatmamış qızın qeyri-etik fotolarını çəkərək yayan şəxsin cinayət məsuliyyətinə cəlb edilməməsi ilə bağlı məlumatlar yayılıb.

Sputnik Azərbaycan Baş Prokurorluğun məlumatına istinadla xəbər verir ki, qeyd olunanlarla bağlı Neftçala rayon sakini Aytən Əliyevanın (ad şərtidir) eyni məzmunlu müraciəti üzrə Neftçala rayon Prokurorluğunda araşdırma aparılıb.

Aparılan araşdırmalarla Əyyar Əzizovun qeyd edilən cinayət hadisələrini törətməsinə əsaslı şübhələr müəyyən edilib.

Faktla bağlı Neftçala rayon Prokurorluğu tərəfindən Cinayət Məcəlləsinin müvafiq maddələri ilə cinayət işi başlanıb.

Prokurorluq və polis əməkdaşlarının həyata keçirdikləri istintaq-əməliyyat tədbirləri nəticəsində Əyyar Əzizov müəyyən edilməklə təqsirləndirilən şəxs qismində cəlb olunub və barəsində məhkəmənin qərarı ilə həbs qətimkan tədbiri seçilib. Hazırda iş üzrə zəruri istintaq hərəkətləri davam etdirilir.

41
Əlaqədar
Cəngəllik qanunları ilə işləyən şəbəkə və "min manatlıq" ömürlər - bunun cəzası yoxmu?
Müəllimin intiharı araşdırılır
Bərdədə qaçırılan yetkinlik yaşına çatmamış qız Bakıda reabilitasiyaya yönləndirilib
"Instagram" paylaşımları başlarına bəla oldu
DİN-in xüsusi təyinatlı polis dəstəsi, arxiv şəkli

Silahlı şəxslərə qarşı əməliyyat keçirildi

0
(Yenilənib 14:53 22.09.2020)
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

BAKI, 22 sentyabr — Sputnik. Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində bir neçə uğurlu əməliyyat tədbiri həyata keçirilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, Baş İdarəyə əvvəllər məhkum olunmuş Bərdə rayon sakini Xəyyam Musazadənin yaşadığı evdə qanunsuz olaraq silah-sursat gizlətməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs rayon ərazisində tutulub. Onun Bərdə rayonu Şorəlli kəndində yaşadığı evə baxış zamanı 1 ədəd "Kalaşnikov" markalı avtomat, həmin silaha məxsus 1 ədəd daraq və 3 ədəd patron aşkar olunaraq götürülüb.

Həyata keçirilən daha bir tədbir zamanı isə Şamaxı rayon sakini Amil Tağıyev üzərində qanunsuz olaraq odlu silah gəzdirməkdə şübhəli bilindiyi üçün Bakı-Şamaxı yolunun 16-ci kilometrliyində Baş İdarə əməkdaşları tərəfindən saxlanılıb. Onun üzərinə baxış keçirilən zaman 1 ədəd "Makarov" markalı tapança. 1 ədəd sandıqça və 5 ədəd patron aşkar olunaraq götürülüb.

Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

0