Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Baş prokurorun keçmiş müavini dələduzluqda ittiham olunur

© pixabay / AJELСтатуя Фемиды
Статуя Фемиды - Sputnik Azərbaycan
Abunə olmaq
Vəkil cinayət materialları ilə tanış olmaq üçün məhkəmədən vaxt istəyib

BAKI, 28 yanvar — Sputnik. Bakı Ağır Cinayətlər Məhkəməsində dələduzluqda təqsirləndirilən Məmmədvəli Cəfərovun cinayət işi üzrə məhkəmə iclası başlayıb.

Sputnik Azərbaycan "Report"a istinadla xəbər verir ki, hakim Rasim Sadıxovun sədrliyi ilə keçirilən prosesdə təqsirləndirilən şəxsin vəkili cinayət işi ilə tanış olmadığını bildirib.

Предупреждающий знак Радар на одном из проспектов Баку - Sputnik Azərbaycan
CƏMİYYƏT
Yol polisi millət vəkilini əsassız danışmaqda ittiham etdi

Vəkil cinayət materialları ilə tanış olmaq üçün məhkəmədən vaxt istəyib.

Proses fevralın 1-dək təxirə salınıb.

Qeyd edək ki, ittiham aktına əsasən, Vəkillər Kollegiyasının üzvü olan M.Cəfərov zərərçəkmiş Rəşad Yusifovun etibarından sui-istifadə edərək, ona qarşı külli miqdarda dələduzluq edib.

Belə ki, o, R.Yusifovun həbsdə olan atası Rəhman Yusifovu Ali Məhkəmədən azadlığa buraxdıracağını vəd verib və ondan 150 min manat pul alıb. Lakin sonradan M.Cəfərov verdiyi vədə əməl etməyib.

Zərərçəkmişin hüquq-mühafizə orqanlarına şikayəti əsasında saxlanılan M.Cəfərov barəsində Cinayət Məcəlləsinin 178.3.2-ci (dələduzluq, külli miqdarda törəldildikdə) maddəsi ilə ittiham irəli sürülüb. İstintaq dövründə onun barəsində həbs qətimkan tədbiri seçilməyib.

Qeyd edək ki, M.Cəfərov hazırda Bakı şəhəri 13 saylı Vəkil Bürosunda fəaliyyət göstərir. Həmçinin o, Azərbaycanın mərhum prezidenti Əbülfəz Elçibəyin 4 avqust 1992-ci ildə imzaladığı sərəncamına əsasən, Baş prokurorunun müavini təyin edilib. M.Cəfərov bir müddət bu vəzifədə çalışıb.

Xəbər lenti
0