Rinq, arxiv şəkli

Qripdən öldüyü deyilən idmançının qardaşından ilginc iddia: "Xamis xəstəlikdən ölmədi"

13113
(Yenilənib 16:51 28.01.2019)
Səhiyyə Nazirliyi: Yaxınları meyitin tibbi ekspertizaya göndərilməsinə qəti etiraz edib

Təranə Xuxabaxşiyeva, Sputnik Azərbaycan

BAKI, 28 yanvar — Sputnik. Xəbər verdiyimiz kimi, qaydasız döyüş üzrə dünya çempionu Xamis Məmmədov dünyasını dəyişib. Dünəndən bəri bəziləri idmançının qripdən, daha dəqiq desək, H1N1 virusundan, yəni "donuz qripi"ndən vəfat etdiyini iddia edirlər.

Хамис Мамедов
Xamis Məmmədov

Sputnik Azərbaycan-ın əməkdaşı idmançının qardaşı Xəlil Məmmədovla əlaqə saxlayaraq yazılanlara aydınlıq gətirməyə çalışıb. X.Məmmədov bildirib ki, qardaşı bir neçə gün öncə buxar vannası (parnoy) qəbul etdikdən sonra ağciyərləri möhkəm soyuqlayıbmış.

"Ötən cümə axşamı vəziyyəti ağırlaşıb, özünü yaxşı hiss eləməyib və Sabunçu xəstəxanasına (3 saylı Şəhər Klinik Xəstəxana – red.) müraciət edib. Həkimlər müayinə edərək bildiriblər ki, ciyərlərində ləkə var. Buna görə də müalicə olunmaq üçün xəstəxanada yatmalıdır. Mən qardaşımı özəl xəstəxanaya aparmaq istəsəm də, o, evinə yaxın olduğu üçün Sabunçu xəstəxanasında qalmağı israr etdi. Həkimlər də Xamisdə ciddi problem olmadığını, 10 gün müalicə alacağını, hərarətinin düşəcəyini bildirdilər" – deyə o, qeyd edib.

Xəlil Məmmədovun sözlərinə görə, xəstəxanada tək qalan idmançı gecə 01:00-02:00 radələrində keçinib: "Bizə isə gec məlumat veriblər. Meyiti görəndə anladıq bunu. Qızdırması qalxıb, həkimlər nəzarət etməyiblər. Ağciyərin pnevmaniyası yüngül xəstəlikdir, qardaşımı xəstəlikdən yox, həkimlərin diqqətsizliyi ucbatından itirdik".

Vəfat edən idmançının qardaşı onu da vurğulayıb ki, meyitin ekspertizasını özləri istəməyibər: "Hamı evdə elə vəziyyətdə idi ki, meyitin yarılmasını gözləyə bilmirdik. Meyitin yarılması, ekspertiza olunması günlər çəkəcəkdi. Ona görə razı olmadım. Günahkar bilər, Allahı bilər. Onsuz qardaşımı geri qaytara bilməyəcəkdik".

X.Məmmədov dünya çempionumuzun UFC döyüşçüsü Həbib Nurməhəmmədovu məğlub etməsi barədə deyilənlərə də aydınlıq gətirib: "Xamis 2005-2006-cı illərdə Dağıstan çempionatında Həbib Nurməhəmmədova bir dəfə qalib gəlib. Amma sonralar bir dəfə də görüşləri olub. Onda isə qardaşım Həbibə məğlub olub. Xamis tez-tez Dağıstana gedir, orada məşq edirdi. Hətta Həbibin atası Xamisin müəllimi də olub".

Xəlil Məmmədovun iddiasına münasibət öyrənmək üçün Sputnik Azərbaycan-ın əməkdaşı Səhiyyə Nazirliyinin mətbuat xidməti ilə əlaqə saxlayıb. Qurumdan bildirilib ki, idmançı 24.01.2019-cu il tarixində Sabunçu rayon 3 saylı şəhər xəstəxanasına kəskin pnevmoniya diaqnozu ilə, ağır vəziyyətdə gətirilib.

"Aparılan bütün reanimasiyon tədbirlərə baxmayaraq, Xamis Məmmədov 26.01.2019-cu il tarixində dünyasını dəyişib. Yaxınları meyitin tibbi ekspertizaya göndərilməsinə qəti etiraz ediblər. Bu səbəbdən yalnız ilkin rəyə əsasən, xəstəyə ağciyərlərin tromboemboliyası diaqnozu qoyulub" - deyə nazirlikdən vurğulanıb.

13113
Teqlər:
qrip, xəstəxana, xəstəlik, Vəfat, idmançı
Əlaqədar
Azərbaycanda yüksək vəzifəli şəxs vəfat edib
Dünyanın ən yaşlı kişisi vəfat etdi
Azərbaycanın fövqəladə və səlahiyyətli səfiri vəfat edib
Azərbaycanlı dünya çempionu vəfat edib
Ümumvətəndaş pasport və pul, arxiv şəkli

Vətəndaşları "istirahətə" göndərəcəyini vəd edən qadın haqqında cinayət işi başlanıldı

7
(Yenilənib 19:05 10.08.2020)
İbtidai istintaq zamanı zərərçəkmiş şəxslərə vurulmuş maddi ziyanın 373 min manatının ödənilməsi təmin edilib.

BAKI, 10 avqust — Sputnik. "Daniz Travel" Məhdud Məsuliyyətli Cəmiyyətinin təsisçisi və direktoru Azadə Səfərovanın qanunsuz hərəkətləri ilə bağlı Baş prokuror yanında Korrupsiyaya qarşı Mübarizə Baş İdarəsinə daxil olmuş müraciətlər əsasında araşdırma aparılmaqla fakta görə Azərbaycan Respublikası Cinayət Məcəlləsinin müvafiq maddəsi ilə cinayət işi başlanıb.

Sputnik Azərbaycan Baş Prokurorluğun məlumatına istinadla xəbər verir ki, aparılmış istintaqla Azadə Səfərovanın öz qulluq mövqeyindən istifadə edərək Türkiyə Respublikasına tətilə göndərmək adı ilə ayrı-ayrı şəxslərin pul vəsaitlərini etibardan sui-istifadə etmə və aldatma yolu ilə ələ keçirərək dələduzluq etməsinə, bu qanunsuz hərəkətləri ilə ona etibar olunmuş 1 milyon 525 min manat məbləğində özgə əmlakını təkrarən xeyli miqdarda mənimsəməsinə əsaslı şübhələr müəyyən edilib.

İş üzrə toplanmış sübutlara əsasən, Azadə Səfərovaya həmin Məcəllənin 179.2 (mənimsəmə və ya israf etmə şəxs tərəfindən öz qulluq mövqeyindən istifadə etməklə xeyli miqdarda ziyan vurmaqla təkrar törədildikdə) və 178.3.2-ci (dələduzluq külli miqdarda ziyan vurmaqla törədildikdə) maddələri ilə yekun ittiham elan edilərək cinayət işi baxılması üçün 30 iyul 2020-ci il tarixdə Bakı Ağır Cinayətlər Məhkəməsinə göndərilib.

İbtidai istintaq zamanı zərərçəkmiş şəxslərə vurulmuş maddi ziyanın 373 min manatının ödənilməsi təmin edilib.

7
Əlaqədar
Masallıda vəzifəli şəxslər həbs olundular
Yüz manat ver, avtomobil gətirim... Alan yox, satan da belə satır
Az idi qəbir yeri satan, biri də çıxdı Yasamaldan
Bankın rəhbərlərindən biri filial müdirinə "atdı", indi də məhkəmə qarşısındadır
Səyahətə gedənlər aeroportda qaldılar - Onların bileti saxta imiş
Məmurlar, arxiv şəkli

Anar Kərimov nazirliyin üç işçisini vəzifədən azad etdi

10
(Yenilənib 17:21 10.08.2020)
Mədəniyyət nazirinin birinci müavini, Mədəniyyət nazirinin səlahiyyətlərini müvəqqəti icra edən Anar Kərimov üç işçini vəzifəsindən azad edib

BAKI, 10 avqust — Sputnik. Mədəniyyət Nazirliyinin Texniki təchizat və əmlakın idarə edilməsi şöbəsinin müdiri Abduləlimov Ruslan Ələsgər oğlu və Kinematoqrafiya şöbəsinin müdiri Məmmədov Cahangir Tokay oğlu yaş həddi ilə əlaqədar vəzifədən azad ediliblər.

Sputnik Azərbaycan Mədəniyyət Nazirliyinə istinadən bildirir ki, Mədəniyyət nazirinin birinci müavini, Mədəniyyət nazirinin səlahiyyətlərini müvəqqəti icra edən Anar Kərimov bu barədə əmr imzalayıb.

Həmçinin A.Kərimovun digər əmri ilə Mədəniyyət nazirinin müşaviri İsmiyev Aydın Cuməli oğlu öz ərizəsi əsasında tutduğu vəzifədən azad edilib.

10
Moskva səmasında bütöv ay, arxiv şəkli

Roqozin: Sadəcə "harasa uçmaq" istəyənlər Aya uçuş üçün testdən keçirilməyəcəklər

0
(Yenilənib 19:44 10.08.2020)
"Roskosmos" şirkətinin baş direktoru Dmitri Roqozin: "Aya uçuşa yararlılıq üçün psixoloji testlərdən həyatlarını tamamilə kosmosun inkişafına verməyə hazır olan insanlar keçə bilərlər".

BAKI, 10 avqust — Sputnik. Aya uçuşa yararlılıq üçün psixoloji testlərdən həyatlarını tamamilə kosmosun inkişafına verməyə hazır olan insanlar keçə bilərlər. Sputnik Azərbaycan Rusiya mediasına istinadla xəbər verir ki, bunu "Roskosmos" şirkətinin baş direktoru Dmitri Roqozin bildirib.

"Əgər onlar həqiqətən də öz həyatlarını kosmosa qurban vermək və bu sahədə nailiyyətlər qazanmaq istəyən unikal kosmos entuziastlarıdırsa, bizə lazım olan insanlardır", - deyə Roqozin Yuri Kostinin YouTube-dakı "Liçnıye svyazi" (Şəxsi əlaqələr) proqramında Aya uçuş kontekstində bildirib.

"Roskosmos"un baş direktoru qeyd edib ki, psixoloji testlərdən "bu fani Yer kürəsini tərk etmək və harasa uçmaq" istəyən insanlar keçməyəcəklər, onlardan uçuş zamanı nə mümkündürsə gözləmək olar.

Roqozinin sözlərinə görə, bir insanın Aya uçmasını təmin etmək üçün çox sayda yeni texnologiyaların tətbiq edilməsi lazımdır. Onların sırasına sidiyin təkcə texniki suda deyil, həm də içməli suda emalı, qidanın becərilməsi sistemləri, həmçinin 3D-çapın inkişaf etmiş texnologiyası da daxildir. Orbitdə cərrahiyyə əməliyyatı tələb olunarsa, printerlərin köməyi ilə misal üçün, qığırdaq və ya dəri kimi zəruri orqanları çap etmək lazımdır. Həmçinin, 3D-çapı kosmik texnikanın sıradan çıxmış detallarının istehsalı üçün lazım olacaq.

2021-ci ildə müasir Rusiyanın tarixində ilk dəfə olaraq "Luna-25" planetlərarası enmə aparatının Aya göndərilməsi planlaşdırılır. 2024-cü ildə "Ay – 26" orbital aparatının, 2025-ci ildə isə "Ay-27" enmə stansiyasının işə salınması nəzərdə tutulub. Bundan sonra ağır enmə stansiyası olan "Luna-28"in Aya göndərilməsi, onun peykdən süxur götürərək Yerə çatdırması, eləcə də ağır lunaxodun təchizatı üçün "Luna-29" stansiyasının Aya göndərilməsi planlaşdırılır. Son iki layihə hələ ki, heç bir proqrama daxil edilməyib.

Aya ilk rus kosmonavtının göndərilməsi 2030-cu ildə planlaşdırılır.

 

0
Əlaqədar
Mars parçası evinə qaytarılır
Bu gözəlin adı Yerdir: kosmosdan planetin unikal şəkilləri
Göydəndüşmə olacaq: Ay resursları bizə kömək edə bilərmi?
Dünyanın düz olduğunu sübut etməyə çalışan kişi əldəqayırma raketdə həlak oldu - VİDEO
Maskı üstələmək: Rusiya yeni raket hazırlayır