İranın paytaxtı Tehranın yaxınlığındakı Sefadeşt ərazisində Boeing 707 tipli yük təyyarəsi qəzaya uğrayıb

İranda böyük faciə

757
(Yenilənib 12:13 14.01.2019)
Qırğızıstandan havaya qalxan "Boeing 707" tipli yük təyyarəsi Tehrandakı Kərəc Hava Limanına eniş etdiyi zaman qəzaya uğrayıb

BAKI, 14 yanvar — Sputnik. İranın paytaxtı Tehranın yaxınlığındakı Sefadeşt ərazisində "Boeing 707" tipli yük təyyarəsi qəzaya uğrayıb. Sputnik Azərbaycan "Haber7"ə istinadla xəbər verir ki, təyyarədə 9 nəfər olub və hamısı həlak olub.

Qırğızıstandan havaya qalxan "Boeing 707" tipli yük təyyarəsi Tehrandakı Kərəc Hava Limanına eniş etdiyi zaman qəzaya uğrayıb.

Hələlik qəza ilə bağlı rəsmi bir açıqlama yoxdur. Ölən və yaralananların kimliyi barədə məlumat verilməyib.

Digər bir məlumata görə, yük təyyarəsi Qırğızıstana aiddir. 

757
Teqlər:
ölü, təyyarə, İran, qəza
Əlaqədar
Abşeronda qəza: Böyük bir ərazi işıqsız qaldı
Rusiyada şaxtada qəza olub, 9 mədənçi ölüb – VİDEO
Bərdədə ağır qəza: Avtomobil yanacaqdoldurma məntəqəsinə çırpıldı
Bir gündə 2 avtomobil qaçırıb qəza törətdi
Meşə yanğını, arxiv şəkli

Qızılağac milli parkın ərazisində yanğın başlayıb

5
(Yenilənib 18:06 06.07.2020)
Havaların isti və quraq keçməsi ilə əlaqədar ETSN isti yay günlərində əhalini biçindən sonra əkin sahələrini yandırmamağa və odla ehtiyatlı olmağa çağırır.

BAKI, 6 iyul — Sputnik. 6 iyul 2020-ci il tarixində Lənkəran rayonu Balıqçılar qəsəbəsindəki taxıl zəmisində baş verən yanğın sonradan külək nəticəsində Qızılağac Milli Parkının ərazisinə keçib.

Sputnik Azərbaycan Ekologiya və Təbii Sərvətlər Nazirliyinin məlumatına istinadla xəbər verir ki, yanğının söndürülməsinə dərhal milli parkın əməkdaşları, Fövqəladə Hallar Nazirliyinin yerli qüvvələri cəlb olunub.

Hazırda yanğının ətraf ərazilərə yayılmaması və söndürülməsi istiqamətində işlər aparılır.

Havaların isti və quraq keçməsi ilə əlaqədar ETSN isti yay günlərində əhalini biçindən sonra əkin sahələrini yandırmamağa və odla ehtiyatlı olmağa çağırır.

5
XİN-in binası, arxiv şəkli

XİN-də həbs edilənlərdən biri məşhur müğənnimizin atası imiş - FOTO

106
(Yenilənib 16:48 06.07.2020)
Səlim Əlizadə vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir

BAKI, 6 iyul – Sputnik. Xəbər verdiyimiz kimi, Dövlət Təhlükəsizliyi Xidmətinin Xarici İşlər Nazirliyində apardığı əməliyyatın nəticəsində nazirliyin 3 vəzifəli şəxsi barəsində məhkəmənin qərarı ilə həbs qətimkan tədbiri seçilib. 

Sputnik Azərbaycan “Qafqazinfo”ya istinadla xəbər verir ki, onlardan biri - Səlim Əlizadə “Eurovision” mahnı müsabiqəsinin iştirakçısı, tanınmış müğənni Safura Əlizadənin atasıdır.

“Eurovision” mahnı müsabiqəsinin iştirakçısı Safura Əlizadə (ortada) və atası Səlim Əlizadə (sağda)

O, vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir. 

Xatırladaq ki, Safura Əlizadənin mərhum Sənaye və Energetika naziri Natiq Əliyevin gəlinidir.

106
Teqlər:
ittiham, müğənni, əməliyyat, XİN, DTX
Əlaqədar
DTX Xarici İşlər Nazirliyində əməliyyat keçirir
DTX Xarici İşlər Nazirliyinə kim üçün getmişdi? - VİDEO
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

0
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

0