Yanğın

Şimal bölgəsində güclü yanğın - VİDEO

8764
(Yenilənib 11:36 10.01.2019)
Hadisə yerinə 6 yanğınsöndürən maşın cəlb olunub

Leyla Abdullayeva, Sputnik Azərbaycan

BAKI, 10 yanvar — Sputnik. Azərbaycanın şimal bölgəsində güclü yanğın baş verib. Sputnik Azərbaycan-ın bölgə müxbiri xəbər verir ki, hadisə Quba rayonunun Heydər Əliyev prospektində yerləşən "Birja" ticarət mərkəzində meydana gəlib.

Yanğın
© Sputnik / Leyla Abdullayeva
"Birja" ticarət mərkəzində yanğın

Yanğın bu gün səhər saat 10 radələrində başlayıb. Hadisə yerinə 6 yanğınsöndürən maşın cəlb olunub və yanğının qarşısını almaq mümkün olub.

Əraziyə Quba Rayon Polis Şöbəsinin rəisi və rayon prokurorluğunun əməkdaşları da baxış keçiriblər

Yanğın zamanı 4-dən artıq mağaza, içərisindəki əşyalarla birlikdə yanıb. Xoşbəxtlikdən yanğın zamanı xəsarət alan olmayıb. Hazırda dəymiş ziyan hesablanır.

8764
Teqlər:
ziyan, xəsarət, yanğın, Quba rayonu
Əlaqədar
Bakıda çoxmərtəbəli yaşayış binasında yanğın olub, sakinlər təxliyyə edilib
Bərdədə ağır qəza: Avtomobil yanacaqdoldurma məntəqəsinə çırpıldı
Masallı rayonunda yanğın olub
Bakıda yaşayış binasında yanğın olub
Ukrayna polisi, arxiv şəkli

"Lotu Quli"nin dəstəsinin üzvləri saxlanıldılar - VİDEO

116
Dəstə üzvləri Ukraynanın Odessa şəhərində bu ölkənin təhlükəsizlik orqanlarının əməkdaşları tərəfindən keçirilən əməliyyat nəticəsində saxlanılıblar.

BAKI, 7 iyul — Sputnik. Kriminal aləmdə "Lotu Quli" ləqəb ilə tanınan Nadir Səlifovun tərəfdarları saxlanılıb.

Sputnik Azərbaycan "Report"a istinadən bildirir ki, dəstə üzvləri Ukraynanın Odessa şəhərində bu ölkənin təhlükəsizlik orqanlarının əməkdaşları tərəfindən keçirilən əməliyyat nəticəsində saxlanılıblar.

Ukrayna Milli Təhlükəsizlik Xidmətinin yaydığı məlumatda bildirilir ki, Odessa şəhərində vətəndaşları və bölgənin sahibkarlarını sıxışdıran cinayətkar beynəlxaq dəstənin üzvləri müəyyən ediliblər.

"Onlar iyulun 7-də günorta saatlarında yerli sahibkarlardan birini oğurlamaq niyyətində olublar. Hadisədən əvvəlcədən xəbərdar olan Ukrayna təhlükəsizlik orqanlarının əməkdaşları dəstənin üzvlərini zərərsizləşdiriblər. Kriminal dəstənin 10 nəfər üzvü olub. Onlar süni şəkildə münaqişə yaradaraq, sahibkarlardan külli miqdarda pul tələb ediblər və ödəmədikləri təqdirdə sahibkarları zorakılıqla hədələyiblər. Məlum olub ki, dəstə üzvlərini Ukrayna tərəfindən axtarışda olan "Lotu Quli" ləqəbli şəxs idarə edir. Əməliyyat-axtarış tədbirləri nəticəsində saxlanılan şəxslərin yaşadıqları yerdə iş üçün əhəmiyyət kəsb edən maddi sübutlar götürülüb", - məlumatda bildirilib.

116
Əlaqədar
İtaliyadan ilginc məlumat: Rövşən Lənkəranski ilə bağlı daha bir sirr açıldı
Bakıda kriminal avtoritetə hörmət baha oturdu
“Qanuni oğru” zonda gəzintiyə çıxmaq üçün "nadzora" hücum edib
Məşhur kriminal avtoritetə qarşı növbəti basqın: Aralarında azərbaycanlılar da var
Gəncə polisi “Ramoş” və “Saşa”nı tutdu
Səhra çəyirtkələri, arxiv şəkli

Kəndlilərimizin hər işi düzəlmişdi, bir bu qalmışdı - Uğursuz ilin sürprizləri davam edir

1718
(Yenilənib 16:36 07.07.2020)
Aqrar İnkişaf Mərkəzinin direktoru Fəxrəddin Osmanov: "20-25 gündür ki, çəyirtkələrin Ekologiya Nazirliyinin nəzdində olan torpaqlara hücum çəkdiyi müşahidə edilir".

Leyla Abdullayeva, Sputnik Azərbaycan

BAKI, 7 iyun – Sputnik. Son günlər Şabran rayonuna çəyirtkələr kütləvi şəkildə hücum edirlər. Bu həm fermerlərin, həm də digər sakinlərin ciddi narahatlığına səbəb olub.

Şabran rayon Aqrar İnkişaf Mərkəzinin direktoru Fəxrəddin Osmanov Sputnik Azərbaycan-a bildirib ki, çəyirtkələr 25 gündər çoxdur bölgəyə hüçum çəkirlər. Onlara ən çox rayonun Hacıqaraqaşlı kəndi ərazisində rast gəlinir.

"20-25 gündür ki, çəyirtkələrin Ekologiya Nazirliyinin nəzdində olan torpaqlara hücum çəkdiyi müşahidə edilir. Çəyirtkələr həm dənizdən, həm də Qubanın Buduq kəndindən sürü şəkilində hücum çəkirlər. Payızda və yaz aylarında dənizin qırağında qamışlıq yaranıb. Bu da onların gəlişinə təkan verib", - deyən Osmanovun sözlərinə görə, yerli növ çəyirtkələr qırmızı-qəhvəyi rəngdədir və arıya bənzəyirlər. Onlar körpədirlər və o qədər də təhlükəli sayılmırlar. Amma onlara qarşı vaxtında tədbirlər görülməlidir.

"Avqustun sonunda yumurta qoyacaqlarından, onların qarşısını almağa çalışırıq ki, çoxalmasınlar. Xoşbəxtlikdən çəyirtkələr sahələrdə arpa biçini başa çatdıqdan sonra hüçum çəkdilər, taxıl sahələrinə girə bilmədilər", - deyən Aqrar İnkişaf Mərkəzinin direktoru, ziyanvericilərə rayonun Xəlilli kəndinin aşağı hissəsində də rast gəlindiyini bildirib.

O əlavə edib ki, bu vəziyyəti nəzarətdə saxlamaq və həşaratların hücumunun qarşısını almaq üçün xüsusi aparatdan istifadə olunur. Hadisə yerinə digər rayonlardan müvafiq texnika cəlb olunub. Sabah sübh tezdən isə dərmanlama işləri həyata keçiriləcək.

1718
Pişik, arxiv şəkli

Ölüm öpüşü: Pişik sahibinin həyatına belə son qoydu

0
(Yenilənib 23:43 07.07.2020)
Həkimlər qadının orqanizmində bakterial meningitə səbəb olan "pasteurella multocida" bakteriyasını aşkar ediblər

BAKI, 7 iyul — Sputnik. Avstraliyanın Melburn şəhərinin sakini pişiyin cırmaqlaması və yaranı yalamasından sonra ölüb.

Sputnik Azərbaycan "Herald Sun" nəşrinə istinadən xəbər verir ki, 80 yaşlı qadının qohumları onu yataqda şüursuz halda yanında pişiklə tapıblar.

Həkimlər onun orqanizmində bakterial meningitə səbəb olan "pasteurella multocida" bakteriyasını aşkar ediblər.

Pensiyaçı komada doqquz gün keçirib, bundan sonra onu həyat təminatı sistemindən ayırıblar.

Yerli xəstəxanalardan birinin yoluxucu xəstəliklər üzrə direktoru Lindsi Qreyson bildirib ki, ev sahibləri pişiklərinə açıq yaraları yalamağa imkan verməməlidirlər. Eyni zamanda o xəbərdarlıq edib ki, immunitet sistemi pozulmuş şəxslər bu ev heyvanlarından qaçmalıdırlar.

Bakterial meningit bakterial infeksiya nəticəsində baş və onurğa beyni membranlarının iltihabıdır.

0
Əlaqədar
Koronavirus bəlasını dünyaya yayan Çin əhli iyrənc adətindən əl çəkmək niyyətində deyil
Bakıda "pişik əməliyyatı" - VİDEO
Evsiz pişikdən yemək əldə etmək üçün ağlasığmaz kələk - Video
Küçədə pişik gəzdirmək cərimə ilə nəticələndi
Telekanal insanları panikaya saldı, sevdiklərindən ayrıldılar