Oğurluq

Tanınmış aparıcının evi qarət olunub

96
(Yenilənib 12:01 09.01.2019)
Oğrular evdəki qızıl-zinət əşyalarını və nağd pul vəsaitini aparıblar

BAKI, 9 yanvar — Sputnik. Dünən axşam saatlarında Abşeron rayonu Saray qəsəbəsində oğurluq hadisəsi baş verib. Ev sahibi Bahar Kərimova axşam saat 21.00 radələrində evə gələn zaman qarşılaşdığı mənzərədən dəhşətə gəlib. O, qapını açan zaman evinin qarət olunduğunu görüb.

Bu barədə Sputnik Azərbaycan-a B.Kərimovanın qızı, tanınmış radio-aparıcı Aygün Akif məlumat verib. Bildirib ki, oğrular bir neçə müddət onların evini izləyiblərmiş.

  • Abşeron rayonu Saray qəsəbəsində oğurluq hadisəsi
    Abşeron rayonu Saray qəsəbəsində oğurluq hadisəsi
    © Aygün Akif tərəfindən təqdim olunub
  • Abşeron rayonu Saray qəsəbəsində oğurluq hadisəsi
    Abşeron rayonu Saray qəsəbəsində oğurluq hadisəsi
    © Aygün Akif tərəfindən təqdim olunub
  • Abşeron rayonu Saray qəsəbəsində oğurluq hadisəsi
    Abşeron rayonu Saray qəsəbəsində oğurluq hadisəsi
    © Aygün Akif tərəfindən təqdim olunub
  • Abşeron rayonu Saray qəsəbəsində oğurluq hadisəsi
    Abşeron rayonu Saray qəsəbəsində oğurluq hadisəsi
    © Aygün Akif tərəfindən təqdim olunub
  • Abşeron rayonu Saray qəsəbəsində oğurluq hadisəsi
    Abşeron rayonu Saray qəsəbəsində oğurluq hadisəsi
    © Aygün Akif tərəfindən təqdim olunub
1 / 5
© Aygün Akif tərəfindən təqdim olunub
Abşeron rayonu Saray qəsəbəsində oğurluq hadisəsi

"Oğrular mənim yataq otağımın pəncərəsindən içəri giriblər. Evi dağıdıblar. Evimizdə olan qızıl-zinət əşyalarını və nağd pul vəsaitini aparıblar. Ümumilikdə bizə 30 min manatdan çox ziyan dəyib" - deyə A.Akif vurğulayıb.

96
Teqlər:
ev, qarət, oğru
Əlaqədar
Jurnalistin avtomobilini qarət edən şəxs saxlanılıb
Bakıda internet-klubu və apteki qarət ediblər
Bakıda müdhiş soyğun: İşsiz gəncəli müstəntiq xanımı qarət edib
Elektrik mənbəyi, arxiv şəkli

Mebel salonunda ölüm: bağbanı cərəyan vurdu

7
(Yenilənib 15:15 21.09.2020)
Mebel salonunda bağban işləyən Rəhman Aslanov elektrik otağında elektrik cərəyanının təsirinə məruz qalaraq ölüb

BAKI, 21 sentyabr — Sputnik. Sentyabrın 20-də saat 06 radələrində Yasamal rayonu ərazisində Rəhman Aslanovun elektrik cərəyanı vurması nəticəsində ölməsi ilə bağlı rayon prokurorluğuna məlumat daxil olub.

Sputnik Azərbaycan Yasamal Rayon Prokurorluğunun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər zəruri prosessual hərəkətlər yerinə yetirilib.

Aparılmış araşdırmalarla Yasamal rayonunda yerləşən "Evra" MMC-yə məxsus "Voga" mebel salonunda bağban işləyən Rəhman Aslanovun həmin mebel salonun elektrik otağında elektrik cərəyanının təsirinə məruz qalaraq ölməsi müəyyən edilib. Hazırda fakt üzrə Yasamal rayon prokurorluğunda araşdırma davam etdirilir.

7
Teqlər:
bağban, Bakı, mebel salonu, ölüm, elektrik cərəyanı
Əlaqədar
Elektrik cərəyanın vurduğu fəhlə ilə bağlı cinayət işi açıldı
İstilik Elektrik Stansiyasında fəhlə öldü
Qəbələ sakinini elektrik cərəyanı vurdu
Sürücünü cərəyan öldürdü
Qadın əlləri ilə üzünü tutub, arxiv şəkli

Neftçalada qızın qeyri-etik şəkillərini yayan şəxs həbs edilib

41
(Yenilənib 14:51 21.09.2020)
Prokurorluq və polis əməkdaşlarının həyata keçirdikləri istintaq-əməliyyat tədbirləri nəticəsində Əyyar Əzizov müəyyən edilməklə təqsirləndirilən şəxs qismində cəlb olunub və barəsində məhkəmənin qərarı ilə həbs qətimkan tədbiri seçilib.

BAKI, 21 sentyabr — Sputnik. Bəzi kütləvi informasiya vasitələri və sosial media səhifələrində süni ajiotaj yaratmaq məqsədilə ictimaiyyətdə yanlış fikrin formalaşdırılmasına xidmət edən Neftçala rayonunda 18 yaşına çatmamış qızın qeyri-etik fotolarını çəkərək yayan şəxsin cinayət məsuliyyətinə cəlb edilməməsi ilə bağlı məlumatlar yayılıb.

Sputnik Azərbaycan Baş Prokurorluğun məlumatına istinadla xəbər verir ki, qeyd olunanlarla bağlı Neftçala rayon sakini Aytən Əliyevanın (ad şərtidir) eyni məzmunlu müraciəti üzrə Neftçala rayon Prokurorluğunda araşdırma aparılıb.

Aparılan araşdırmalarla Əyyar Əzizovun qeyd edilən cinayət hadisələrini törətməsinə əsaslı şübhələr müəyyən edilib.

Faktla bağlı Neftçala rayon Prokurorluğu tərəfindən Cinayət Məcəlləsinin müvafiq maddələri ilə cinayət işi başlanıb.

Prokurorluq və polis əməkdaşlarının həyata keçirdikləri istintaq-əməliyyat tədbirləri nəticəsində Əyyar Əzizov müəyyən edilməklə təqsirləndirilən şəxs qismində cəlb olunub və barəsində məhkəmənin qərarı ilə həbs qətimkan tədbiri seçilib. Hazırda iş üzrə zəruri istintaq hərəkətləri davam etdirilir.

41
Əlaqədar
Cəngəllik qanunları ilə işləyən şəbəkə və "min manatlıq" ömürlər - bunun cəzası yoxmu?
Müəllimin intiharı araşdırılır
Bərdədə qaçırılan yetkinlik yaşına çatmamış qız Bakıda reabilitasiyaya yönləndirilib
"Instagram" paylaşımları başlarına bəla oldu
DİN-in xüsusi təyinatlı polis dəstəsi, arxiv şəkli

Silahlı şəxslərə qarşı əməliyyat keçirildi

0
(Yenilənib 14:53 22.09.2020)
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

BAKI, 22 sentyabr — Sputnik. Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində bir neçə uğurlu əməliyyat tədbiri həyata keçirilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, Baş İdarəyə əvvəllər məhkum olunmuş Bərdə rayon sakini Xəyyam Musazadənin yaşadığı evdə qanunsuz olaraq silah-sursat gizlətməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs rayon ərazisində tutulub. Onun Bərdə rayonu Şorəlli kəndində yaşadığı evə baxış zamanı 1 ədəd "Kalaşnikov" markalı avtomat, həmin silaha məxsus 1 ədəd daraq və 3 ədəd patron aşkar olunaraq götürülüb.

Həyata keçirilən daha bir tədbir zamanı isə Şamaxı rayon sakini Amil Tağıyev üzərində qanunsuz olaraq odlu silah gəzdirməkdə şübhəli bilindiyi üçün Bakı-Şamaxı yolunun 16-ci kilometrliyində Baş İdarə əməkdaşları tərəfindən saxlanılıb. Onun üzərinə baxış keçirilən zaman 1 ədəd "Makarov" markalı tapança. 1 ədəd sandıqça və 5 ədəd patron aşkar olunaraq götürülüb.

Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

0