Türkiyyədə təcili tibbi yardım maşını

Özü ilə azərbaycanlıları da batıran gəmi barədə maraqlı məlumatlar

7844
(Yenilənib 12:13 08.01.2019)
Gəminin uzunluğu 114 metr, eni isə 13 metr olub

Eldar Tanrıverdiyev, Sputnik Azərbaycan

BAKI, 8 yanvar — Sputnik. Xəbər verdiyimiz kimi, ötən gün Türkiyənin Samsun şəhəri yaxınlığında, göyərtəsində iki azərbaycanlı ekipaj üzvünün də olduğu "Volgo-Balt 214" gəmisi qəzaya uğrayıb. Gəminin batdığına dair siqnal alınandan dərhal sonra xilasetmə əməliyyatlarına başlanılıb.

Samsun şəhərinin Dəniz Axtarış Xilasetmə Mərkəzi ilə mövcud sistem vasitəsilə əlaqə yaradılıb. Gəmidə olan 13 nəfərdən 9-u sahilə çıxarılıb.

Sputnik Azərbaycan xəbər verir ki, ötən gün qəzaya uğrayan gəmi ilə bağlı marqlı məlumatlar ortaya çıxıb. Belə ki, "Volgo-Balt 214" gəmisi 1978-ci il sentyabrın 11-də Çexoslovakiyanın Komarno şəhərində inşa olunub.

Gəmi son illər Panama bayrağı altında üzüb. Lakin buna qədər gəmi Sent-Kits və Nevis, eləcə də SSRİ bayraqları altında üzüb. "Volgo-Balt 214" gəmisi son olaraq Türkiyədə, İstanbulda qeydiyyatdan keçən "Orbital Ship Management" şirkətinə məxsus olub.

"Volgo-Balt 214" gəmisi, əsasən daşıma xidmətləri göstərib. Gəminin uzunluğu 114 metr, eni isə 13 metr olub.

Xatırladaq ki, ötən gün Qara dənizdə Türkiyənin Samsun şəhəri yaxınlığında Panama bayrağı altında üzən "Volgo-Balt 214" gəmisinin qəzaya uğraması nəticəsində gəminin azərbaycanlı ekipaj üzvlərindən ikisi - gəmi kapitanı İsmayılov Turbat Kamil oğlu və gəmi kapitanının baş köməkçisi İbrahimov Məmmədəli Surxay oğlu dünyasını dəyişib. Hər ikisinin meyiti sudan çıxarılıb.

"Sahil Mühafizəsinə aid 2 gəmi, biri Hərbi Hava Qüvvələrinə aid olmaqla 3 helikopter və bir təyyarə xilasetmə istiqamətində fəaliyyət göstərib. Gəmidəki 13 nəfər heyət üzvündən 7-si xilas edilib. Xilasetmə işləri davam etdirilir. Səhiyyə Nazirliyinin təcili tibbi yardım helikopteri Sahil Mühafizəsinin Samsun Hava Qrupu Komandanlığında gözləyir" - deyə Türkiyə DİN-in məlumatında qeyd olunur.

7844
Teqlər:
azərbaycanlı, gəmi, Samsun, Türkiyə
Əlaqədar
Türkiyə sahillərində gəmi batıb, göyərtəsindəki azərbaycanlıların taleyindən xəbər yoxdur
Qəzaya uğrayan gəmidəki soydaşlarımızın taleyinə rəsmi aydınlıq gətirildi
Türkiyədə gəmi batması nəticəsində itkin düşən Azərbaycan vətəndaşının meyiti tapılıb
Batan gəmidə olan azərbaycanlılar haqqında yeni məlumat var - ÖZƏL
PPX

Bakıda koronavirus xəstəsi işindən oldu

27
(Yenilənib 17:47 03.12.2020)
Rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb

BAKI, 3 dekabr — Sputnik. Bakıda ictimai yerdə əmək fəaliyyəti ilə məşğul olan koronavirus xəstəsi aşkarlanıb. Daxili İşlər Nazirliyinin Mətbuat xidmətindən Sputnik Azərbaycan-a verilən məlumata görə, Səbail Rayon Polis İdarəsinin (RPİ) 8-ci Polis Bölməsinin (PB) əməkdaşları tərəfindən rayon ərazisində ictimai yerdə əmək fəaliyyəti ilə məşğul olan aktiv COVID-19 xəstəsi, Bakı şəhər sakini Rəşad Səfərov müəyyən olunaraq saxlanılıb. Polis əməkdaşları tibbi prosedurları gözləməklə onu yaşadığı evə qaytarıblar.

Onun barəsində Səbail RPİ-nin İstintaq şöbəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanıb, istintaq araşdırmaları davam etdirilir.

27
Teqlər:
patrul, Bakı, xəstə, Koronavirus, epidemiya, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Qəza, arxiv şəkli

Ölümlə başlamamalı idi: Azad edilmiş Zəngilanda ilk yol qəzası

39
İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisindən keçən hissəsində körpüdən aşırıb

BAKI, 3 dekabr — Sputnik. Zəngilanda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən Sputnik Azərbaycan-a verilən xəbərə görə, İmişli rayon sakini Nicat Qasımov idarə etdiyi "Shacman" markalı yük avtomobilini Oxçu çayının rayon ərazisində keçən hissəsində körpüdən aşırıb. Ağır xəsarət alan sürücü hadisə yerində ölüb. Faktla bağlı Zəngilan Rayon Polis Şöbəsi tərəfindən araşdırma aparılır.

39
Teqlər:
sürücü, ölüm, çay, yük avtomobili, qəza, yol, Zəngilan

"Qızıl Tısbağa 2020" müsabiqəsinin qalibləri - Maraqlı FOTOlar

0
(Yenilənib 06:41 05.12.2020)
Beynəlxalq "Qızıl Tısbağa 2020" bədii müsabiqəsinin qalibləri məlum olub. Sputnik Azərbaycan münsiflər tərəfindən yüksək qiymətləndirilmiş işləri təqdim edir.

Bu günlərdə Moskvada keçirilən The Golden Turtle (Qızıl Tısbağa) Beynəlxalq interaktiv vəhşi təbiət festivalı çərçivəsində ən yaxşı vəhşi təbiət fotoşəkillərinin müsabiqəsi keçirilib.

Nüfuzlu müsabiqənin münsiflər heyəti 110 ölkədən olan iştirakçılar tərəfindən gönədrilmiş iki mindən artıq fotoşəkli nəzərdən keçirib.

"Qızıl Tısbağa" festivalı BMT-nin biomüxtəlifliyi qorumaq üzrə səfiri hesab edilir. Şüarı "Təbiəti sənət vasitəsilə qorumaq" olan festivalın məqsədi dünyamızın bütün gözəlliyini, müxtəlifliyini və qiymətsizliyini göstərməkdir.

 

0