Silahlı şəxs

MTN-in sabiq əks-kəşfiyyatçısının qətlində müəmma: Müşahidə kamerasına düşən kimdir?

9442
(Yenilənib 13:37 26.12.2018)
Qatil hələlik, saxlanılmayıb və hazırda istintaq başqa bir versiya üzərində işləyir

Ramella İbrahimxəlilova, Sputnik Azərbaycan

BAKI, 26 dekabr — Sputnik. Qadınla əlaqə, ləğv edilmiş Milli Təhlükəsizlik Nazirliyinin (MTN) keçmiş əməkdaşı Fariz Vahabovun Bakıda qətlə yetirilməsinin səbəbi ola bilər. Bu, istintaq orqanlarının versiyaları arasında ən inandırıcı olanlardan biridir. Hüquq-mühafizə orqanlarındakı mənbənin Sputnik Azərbaycan-a bildirdiyinə görə, qətli törətməkdə şübhəli bilinən şəxs müşahidə kamerasına düşüb.

Daha əvvəl Sputnik Azərbaycan-ın verdiyi məlumata görə, 45 yaşlı Vahabov Fariz Mirzahid oğlu dekabrın 20-də yaşadığı Sadıqcan küçəsindəki yeni yaşayış binasının həyətində qətlə yetirilib. Saat 19:26-da Vahabov maşınını həyətdə parklayarkən naməlum şəxs ona bir neçə dəfə atəş açıb. Güllələrdən ikisi onun üzünə və sinəsinə dəyib. Kişi hadisə yerindəcə keçinib.

Qeyd edək ki, hazırda əhəmiyyətinə görə işin istintaqı Bakı Şəhər Prokurorluğunda aparılır. İstintaq orqanı əvvəlcə onun biznes maraqlarının toqquşması səbəbindən öldürüldüyü barədə versiyanı yoxlayıb. Lakin bu istiqamətdə araşdırma müsbət nəticə verməyib.

Vahabovun keçmiş xidməti fəaliyyəti səbəbindən öldürüldüyünə dair şübhələr də təsdiqini tapmayıb. Yoxlamalar göstərib ki, Vahabov hərbi əks-kəşfiyyatın əməkdaşı olub və Eldar Mahmudovun (2015-ci ilin oktyabrında milli təhlükəsizlik naziri postundan azad edilib) vaxtında işləyib. Lakin onun keçmiş nazirin komandasının şübhəli işlərinə heç bir aidiyyəti yoxdur. Vahabov səhhətində yaranmış problemlə əlaqədar olaraq işdən ayrılıb.

Eyni zamanda məlum olub ki, qatil Makarov tapançasından atəş açıb. Əməliyyatçılar Vahabovu qətlə yetirən şəxsin peşəkar killer olduğunu güman etmirlər. Çünki atəş yaxın məsafədən açılıb və ona görə də peşəkar killerin qurbanının başını nişan ala bilməməsi mümkün deyil.

Yeri gəlmişkən, şübhəli şəxs cinayətin baş verdiyi ərazidə quraşdırılmış müşahidə kamerasına düşüb. Onun orta yaşlı kişi olduğu təsbit edilib. Bəzi KİV-lər qətli törətməkdə şübhəli bilinən şəxsin saxlandığı barədə xəbər yayıblar. Lakin mənbənin sözlərinə görə, bu, həqiqətə uyğun deyil.

Qətlin üstünün açılması ilə əlaqədar görülən tədbirlər əsnasında bir nəfə şübhəli şəxs qismində saxlanılıb. Lakin onun Vahabovun qətli ilə əlaqəsi yoxdur. Təqdim olunan halların təfərrüatları açıqlana bilməz, çünki onlar istintaqın mənafelərinə zərər verir.

Qatil hələ ki, saxlanılmayıb. Hazırda istintaq başqa bir versiya üzərində işləyir. Bu versiyaya görə, Vahabovun fiziki cəhətdən aradan götürülməsi onun əxlaqa zidd davranışlarını təhqir kimi qəbul edən iri biznesmenlərdən biri tərəfindən sifariş edilə bilər. Qeyd edək ki, şübhəlilərin dairəsi məhduddur.

9442
Teqlər:
qətl, kəşfiyyatçı, MTN, Milli Təhlükəsizlik Nazirliyi, Sputnik Azərbaycan
Əlaqədar
Jurnalistin qətli ilə bağlı tükürpərdici iddia ortaya atıldı
Ləğv edilmiş MTN-in sabiq əməkdaşı və biznesmen qətlə yetirilib
Şok iddia: Hazırkı baş nazirin hakimiyyəti dövründə 3300 fələstinli qətlə yetirilib
Rusiyada öldürülən 17 yaşlı azərbaycanlı qızın dəhşətli qətlinin təfərrüatı
Qandal, arxiv şəkli

Salyanda Gigiyena Epidemiologiya Mərkəzinin rəhbəri saxlanılıb

10
(Yenilənib 22:50 22.01.2021)
İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

BAKI, 22 yanvar — Sputnik. Salyan rayon Gigiyena və Epidemiologiya Mərkəzinin direktoru İntiqam Abışov Baş Prokurorluq yanında Korrupsiyaya qarşı Mübarizə İdarəsinin əməkdaşları tərəfindən keçirilən əməliyyat nəticəsində saxlanılıb. 

Baş Prokurorluğun Mətbuat xidmətindən Sputnik Azərbaycan-a bildirilib ki, bu barədə ictimaiyyətə daha sonra rəsmi məlumat veriləcək.

Xatırladaq ki, bir qədər əvvəl Baş Prokurorluq yanında Korrupsiyaya qarşı Mübarizə İdarəsinin əməkdaşları Masallı Rayon Mərkəzi Xəstəxanasının baş həkimi Cəlil Nəzərov və baş mühasibi Sətulla Məmmədovu da saxlayıblar. 

10
ANAMA əməkdaşı, arxiv şəkli

Mülki şəxs Cəbrayılda minaya düşdü

35
Faktla bağlı Cəbrayıl rayon Prokurorluğunda Cinayət Məcəlləsinin 100.2, 116.0.6  və digər maddələri ilə cinayət işi başlanıb

BAKI, 22 yanvar — Sputnik. Yanvarın 22-də Azərbaycan Respublikası Minatəmizləmə Agentliyinin əməkdaşı, 1974-cü il təvəllüdlü Sultanov Azər Əli oğlunun işğaldan azad edilmiş Cəbrayıl rayonun Mehdili kəndi ərazisində minaya düşərək xəsarətlər alması barədə Cəbrayıl rayon prokurorluğuna məlumat daxil olub.

Sputnik Azərbaycan bildirir ki, bu barədə Baş Prokurorluğun Mətbuat xidməti məlumat yayıb. Araşdırmalarla müəyyən edilib ki, agentliyin həmin əraziyə ezam olunmuş əməkdaşı Azər Sultanov yeni çəkiləcək dəmiryolu xəttinin tikintisi ilə əlaqədar minadan təmizləmə işləri həyata keçirərkən minaya düşərək müxtəlif dərəcəli bədən xəsarətləri alıb.

Faktla bağlı Cəbrayıl rayon Prokurorluğunda Cinayət Məcəlləsinin 100.2 (təcavüzkar müharibəni planlaşdırma, hazırlama, başlama və ya aparma), 116.0.6 (silahlı münaqişə zamanı beynəlxalq humanitar hüquq normalarını pozma) və digər maddələri ilə cinayət işi başlanıb.

İş üzrə hadisə yerinə baxış keçirilib, müvafiq ekspertizalar təyin olunub və digər zəruri prosessual hərəkətlər yerinə yetirilib. Hazırda cinayət işi üzrə zəruri istintaq tədbirləri davam etdirilir.

35
Teqlər:
ANAMA, mina, Qarabağ, Cəbrayıl

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0