Qaldırıcı kran

Bakıda fəhlələr yenə krana dırmaşıblar: "Maaşımızı verməsəniz, özümüzü atacağıq"

12454
(Yenilənib 16:36 18.12.2018)
İntihara cəhd edən fəhlələri aldadaraq aşağı düşürüb polis şöbəsinə aparıblar

Ramella İbrahimxəlilova, Sputnik Azərbaycan

BAKI, 18 dekabr — Sputnik. Bakının Xətai rayonunun fəhlələri etiraz forması və təzyiq metodu kimi intiharla hədələməni seçiblər. Bu barədə Sputnik Azərbaycan-a Xətai Rayon Polis İdarəsindən məlumat verilib.

Polis Gəncə prospektində yerləşən "Engener Constra" ASC tikinti şirkətində dekabrın 17-də baş verən xoşagəlməz insidenti araşdırır. Şirkətin icraçı direktoru, 39 yaşlı Pərviz Əkbərov Xətai Rayon Polis İdarəsinin 36-cı polis bölməsinə müraciət edib. O bildirib ki, 6 gün əvvəl şirkət bir neçə işçini işə götürüb.

İşçilərin işə qəbulu rəsmiləşdirilsə də, onlar öz vəzifə öhdəliklərini yerinə yetirməyiblər. Dekabrın 17-də şirkətin ofisinə gələn həmin şəhər sakinləri - Anar İstrafilov, Sabir Yarıyev və Emin İsmayılov işləmək arzularını ifadə ediblər. Lakin şirkətin rəhbərliyi işə səhlənkar yanaşdıqlarına görə, onlarla işləməkdən imtina edib.

Ancaq bu üçlük inadkarlıq edərək onlara təzminat ödənilməsini tələb edib. Onlar bir kranın üzərinə dırmaşıblar və şirkət onlara 4 min manat ödəməyəcəyi təqdirdə, özlərini oradan atacaqları ilə hədələyiblər.

Şirkətin əməkdaşları intiharın qarşısını almaq və ölümün baş verməsini ənəgəlləmək üçün işçilərin tələbini yerinə yetirərək onlara 4 min manat ödəyiblər. Pulu Yarıyevin qardaşı İbrahim Yarıyev götürüb. Yalnız bundan sonra işçilər aşağı eniblər.

Lakin aşağıda artıq etirazçıları polis gözləyirmiş. Polis onları vəziyyətin araşdırılması üçün şöbəyə aparıb.

Qeyd edək ki, Xətai RPİ-nin əməkdaşları üçün kranın köməyi ilə intihara cəhd edənləri zərərsizləşdirmək və istintaqa cəlb etmək elə də çətin deyil. Çünki onlar artıq bu vəziyyətə öyrəncəlidirlər.

Belə ki, bu il sentyabrın 5-də tikinti şirkətinin 6 əməkdaşı bir neçə ay ərzində üst-üstə yığılmış əmək haqlarının verilməsi tələbi ilə krana dırmaşmışdı. Onlar əməkhaqları ödənilməyəcəyi təqdirdə özlərini krandan aşağı atacaqları ilə hədələmişdilər.

Bununla yanaşı, avqusun 28-də eyni şirkətin digər dörd fəhləsi Süleyman Vəzirov küçəsi, 17 ünvanında tikilməkdə olan binanın 16-cı mərtəbəsinə çıxaraq əmək haqlarının ödənilməsini tələb etmişdilər. Tələbləri qısa zamanda yerinə yetirilməsə, intihar edəcəklərini bildirmişdilər. Burada da məlum olmuşdu ki, tikinti şirkətinin rəhbərliyi işçilərə bir neçə aydır əməkhaqqı ödəməyib.

12454
Teqlər:
polis, intihar, fəhlə, şirkət, Bakı
Əlaqədar
Şəmkir sakini arvadını baltalayandan sonra intihar etdi
Sevdiyi qızı nişanladılar, intihar etdi
Azərbaycanlı gənc Türkiyədə intihar edib
Rabitə qülləsinə çıxan şəxs intihar etmək istədi
Meşə yanğını, arxiv şəkli

Qızılağac milli parkın ərazisində yanğın başlayıb

5
(Yenilənib 18:06 06.07.2020)
Havaların isti və quraq keçməsi ilə əlaqədar ETSN isti yay günlərində əhalini biçindən sonra əkin sahələrini yandırmamağa və odla ehtiyatlı olmağa çağırır.

BAKI, 6 iyul — Sputnik. 6 iyul 2020-ci il tarixində Lənkəran rayonu Balıqçılar qəsəbəsindəki taxıl zəmisində baş verən yanğın sonradan külək nəticəsində Qızılağac Milli Parkının ərazisinə keçib.

Sputnik Azərbaycan Ekologiya və Təbii Sərvətlər Nazirliyinin məlumatına istinadla xəbər verir ki, yanğının söndürülməsinə dərhal milli parkın əməkdaşları, Fövqəladə Hallar Nazirliyinin yerli qüvvələri cəlb olunub.

Hazırda yanğının ətraf ərazilərə yayılmaması və söndürülməsi istiqamətində işlər aparılır.

Havaların isti və quraq keçməsi ilə əlaqədar ETSN isti yay günlərində əhalini biçindən sonra əkin sahələrini yandırmamağa və odla ehtiyatlı olmağa çağırır.

5
XİN-in binası, arxiv şəkli

XİN-də həbs edilənlərdən biri məşhur müğənnimizin atası imiş - FOTO

114
(Yenilənib 16:48 06.07.2020)
Səlim Əlizadə vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir

BAKI, 6 iyul – Sputnik. Xəbər verdiyimiz kimi, Dövlət Təhlükəsizliyi Xidmətinin Xarici İşlər Nazirliyində apardığı əməliyyatın nəticəsində nazirliyin 3 vəzifəli şəxsi barəsində məhkəmənin qərarı ilə həbs qətimkan tədbiri seçilib. 

Sputnik Azərbaycan “Qafqazinfo”ya istinadla xəbər verir ki, onlardan biri - Səlim Əlizadə “Eurovision” mahnı müsabiqəsinin iştirakçısı, tanınmış müğənni Safura Əlizadənin atasıdır.

“Eurovision” mahnı müsabiqəsinin iştirakçısı Safura Əlizadə (ortada) və atası Səlim Əlizadə (sağda)

O, vəzifə səlahiyyətlərindən sui-istifadə etmə, mənimsəmə, rüşvət alma maddələri ilə təqsirləndirilir. 

Xatırladaq ki, Safura Əlizadənin mərhum Sənaye və Energetika naziri Natiq Əliyevin gəlinidir.

114
Teqlər:
ittiham, müğənni, əməliyyat, XİN, DTX
Əlaqədar
DTX Xarici İşlər Nazirliyində əməliyyat keçirir
DTX Xarici İşlər Nazirliyinə kim üçün getmişdi? - VİDEO
 Ciyərin rentgeni, arxiv şəkli

Hər kəsi qorxudan "buzlu şüşə" nədir?

0
Hazırda "buzlu şüşə" görüntüsü koronavirus pnevmoniyasının əsas radiodiaqnostik əlaməti hesab edilir. Bu o deməkdir ki, normalda şəffaf havalı görünən ağciyərdə belə hallarda yarımşəffaf zonalar izlənilir, ağciyər sanki dumanlı görünür.

BAKI, 7 iyul — Sputnik. Pandemiya dönəmində insanların sanki kabusuna çevrilmiş bir termin var – "buzlu şüşə" mənzərəsi. Bəzən bunu "buz kristalı", "buz parçası" kimi də adlandırırlar. Bu görüntü ilk əvvəl adı və səslənməsi ilə insanlarda təlaş, narahatlıq yaradır. Sputnik Azərbaycan xəbər verir ki, Azərbaycan Tibb Universitetinin Tədris Cərrahiyyə Klinikasının radioloqu, ATU-nun Şüa diaqnostikası kafedrasının müdiri, dosent Məlahət Sultanova bu "buzlu şüşə"nin mahiyyətini açıqlayıb.

Həkim qeyd edir ki, bəzən normal hallarda da "buzlu şüşə" görüntüsü radioloji görüntülərdə izlənilə bilər. Məsələn, müayinə zamanı xəstə dərindən nəfəs almazsa və ya müayinə nəfəsvermədə aparılarsa, ağciyərin havalılığının fizioloji ekspirator zəifləməsi səbəbindən bütün ağciyər sahələri homogen olmaqla "buzlu şüşə" görüntüsü verə bilər.

Hazırda "buzlu şüşə" görüntüsü koronavirus pnevmoniyasının əsas radiodiaqnostik əlaməti hesab edilir. Bu o deməkdir ki, normalda şəffaf havalı görünən ağciyərdə belə hallarda yarımşəffaf zonalar izlənilir, ağciyər sanki dumanlı görünür.

"Bu zaman bronx strukturlarının və pulmonar damarların saxlanması ilə ağciyərlərin eksudat və ya transudatla tutulması, interstisial qalınlaşmalar və ağciyər alveollarının hissəvi kollapsı ilə müşahidə olunan görüntü meydana çıxır. "Buzlu şüşə" xəstəliyin 3-4 günlərindən inkişaf etməyə başlayır və xəstə sağaldıqdan hətta bir ay sonra belə qala bilir. Xəstəliyin yüngül və orta ağır dərəcəsini keçirmiş xəstələrdə 2-3 aydan sonra dəyişikliklər tamamilə itir".

Radioloq M.Sultanova deyir ki, indi onlara ən çox verilən sual "buzlu şüşə" görüntüsünün indiyədək mövcud olub-olmaması ilə bağlıdır. Həkim qeyd edir ki, bu, yalnız COVID-19 xəstələri üçün səciyyəvi deyil, digər xəstəliklərdə də görülə bilər. Lakin bu görüntü pandemiya dönəmində uyğun kliniki-laborator əlamətlərlə izlənilərsə, onda diaqnoz COVID xəstəliyi kimi dəyərləndirilir.

Qeyd edək ki, "buzlu şüşə" görüntüsü döş qəfəsinin rentgenoqrafiya və KT müayinələrində aşkar edilir. Lakin bu məsələdə rentgenoqrafiya müayinəsinin həssaslığı aşağıdır. Ona görə də yoluxmanın ilk 1-4 günlərində rentgenoqram 25% hallarda tam normal ola bilər. Bu, pnevmoniyanın olmaması demək deyil. "Buzlu şüşə"nin KT müayinəsində görülməsi daha spesifikdir (Şəkildə eyni xəstənin rentgenoqrafiya və KT müayinələrində "buzlu şüşə" görüntüsünün təsviri verilib).

0