Yanacaqdoldurma məntəqəsi

Yanacaqdoldurma məntəqəsində böyük fırıldaq

496
(Yenilənib 11:57 17.12.2018)
Saxta pul təqdim etməkdə şübhəli bilinən şəxs saxlanılıb

BAKI, 17 dekabr — Sputnik. Masallı Rayon Polis Şöbəsinə rayon ərazisindəki yanacaqdoldurma məntəqələrinin birindən daxil olmuş müraciətdə "VAZ-21063" markalı avtomobilin sürücüsünün doldurduğu yanacağın müqabilində 1 ədəd 100 manatlıq əskinas təqdim etməsi, sonradan həmin pulun saxta olduğunun aşkar edilməsi bildirilib.

Bu barədə Sputnik Azərbaycan-a Daxili İşlər Nazirliyindən məlumat verilib. Məlumata görə, faktla əlaqədar Cinayət Məcəlləsinin 204-cü maddəsi (Saxta pul və ya qiymətli kağızlar hazırlama, əldə etmə və ya satma) ilə cinayət işi başlanılıb.

Həyata keçirilmiş əməliyyat-axtarış tədbirləri nəticəsində saxta pulu təqdim etməkdə şübhəli bilinən Xırdalan şəhər sakini Ruslan Əsədullayev qısa müddətdə müəyyən edilərək polis əməkdaşları tərəfindən saxlanılıb.

496
Teqlər:
saxta pul, polis, Masallı
Əlaqədar
Sərhədi saxta sənədlə keçmək istəyənlər saxlanılıb
Saxta pulla alış-veriş edənlər saxlanılıblar