Yanacaqdoldurma məntəqəsi

Tərtərdə partlayışda yaralananlardan biri vəfat etdi

25
(Yenilənib 01:21 04.12.2018)
Hadisə zamanı xəsarət alan 23 yaşlı Əsgər Məmmədov müalicə olunduğu Bakı şəhərində yerləşən Respublika Yanıq Mərkəzində dünyasını dəyişib

BAKI, 4 dekabr – Sputnik. Tərtər rayonunda yanacaqdoldurma məntəqəsində baş verən partlayış zamanı xəsarət alan şəxslərdən biri xəstəxanada ölüb.

Sputnik Azərbaycan-ın "Report"a istinadla verdiyi məlumata görə, hadisə zamanı xəsarət alan 23 yaşlı Əsgər Məmmədov müalicə olunduğu Bakı şəhərində yerləşən Respublika Yanıq Mərkəzində dünyasını dəyişib. Partlayış zamanı xəsarət alan digər yaralı Seymur Rzayevin müalicəsi davam etdirilir.

Qeyd edək ki, noyabrın 29-da Tərtər rayonunun Qaradağlı kəndi ərazisində yerləşən yanacaqdoldurma məntəqəsində baş verən partlayış zamanı iki nəfər ağır bədən xəsarətləri alaraq, ilk öncə Tərtər rayon Mərkəzi Xəstəxanasına, sonra isə Respublika Yanıq Mərkəzinə yerləşdiriliblər.

Faktla bağlı Tərtər rayon Prokurorluğunda cinayət işi başlanaraq araşdırma aparılır.

25
Teqlər:
ölüm, yaralı, Partlayış, yanacaqdoldurma məntəqəsi, Tərtər
Əlaqədar
Nazirlik yanacaqdoldurma məntəqəsinin partlaması ilə bağlı açıqlama yaydı
Yanacaqdoldurma məntəqəsindəki partlayışda yaralananların adları məlum oldu
Tərtərdə yanacaqdoldurma məntəqəsində partlayış olub, yaralılar var