Dəm qazı, arxiv şəkli

Bakı Şamaxıda faciə: Dəm qazı bir neçə nəfərin həyatına son qoydu

185
(Yenilənib 18:31 03.12.2018)
Bir ay ərzində 17 nəfər dəm qazından zəhərlənib

Zarina Orucəliyeva, Sputnik Azərbaycan

BAKI, 3 dekabr — Sputnik. Nizami rayonu, Keşlə qəsəbəsində dəm qazından uşaq dünyasını dəyişib. Bu barədə Sputnik Azərbaycan-a Qida Təhlükəsizliyi Agentliyindən məlumat verilib. Ölən uşaq 2005-ci il təvəllüdlü Fateh Mərdanovdur.

Toksik zəhərlənmə əlamətləri ilə onun valideynləri Murad və Məlahət Mərdanovlar da xəstəxanaya yerləşdirilib. Onların vəziyyəti sabit qiymətləndirilir.

Bununla yanaşı, Səhiyyə Nazirliyinin baş toksikoloqu Azər Maqsudov bildirib ki, qızdırıcıların mövsümü başlayandan bu yana Kliniki Tibbi Mərkəzə dəm qazından zəhərlənmə diaqnozu ilə 17 nəfər daxil olub.

Son bir həftədə bu diaqnozla toksikologiya şöbəsinə 8 nəfər gətirilib.

Maqsudov bildirib ki, onların hamısı vanna otağında quraşdırılmış qazla işləyən standartdankənar su qızdırıcısında əmələ gələn dəm qazından zəhərləniblər.

Qeyd etmək lazımdır ki, dəm qazından zəhərlənmə nəticəsində digər ölüm halı noyabrın 28-də Şamaxıda qeydə alınıb.

Dəm qazından 26 yaşlı Nafiz Feyzullayev və onun 21 yaşlı həyat yoldaşı Gülşən Ağayeva boğularaq ölüblər. Onların meyitlərini doğmaları aşkarlayıb. Çağırılan təcili yardım hadisə yerinə gedəndə, gənclər artıq keçiniblər.

185
Teqlər:
faciə, zəhərlənmə, ölüm, dəm qazı
Əlaqədar
Tələbə qız dəm qazından boğuldu
Azərbaycanda faciə: bir evdə beş nəfər dəm qazından boğuldu
Nişanlı qız dəm qazından boğularaq öldü
Hərbçinin iki azyaşlı övladı dəm qazının qurbanı oldu
Tüfəng, arxiv şəkli

Ağcabədi sakini qardaşı oğlunu güllələdi

34
Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib

BAKI, 20 oktyabr — Sputnik. Oktyabrın 19-da saat 20 radələrində Ağcabədi rayonu, Şənlik kəndi ərazisində kənd sakini Məmmədov Rəfail Həsən oğlunun odlu silahdan açılan atəş nəticəsində çoxsaylı xəsarətlər alması barədə rayon prokurorluğuna məlumat daxil olub.

Bu barədə Sputnik Azərbaycan-a Ağcabədi Prokurorluğundan məlumat verilib.

Bildirilib ki, dərhal prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Aparılmış araşdırmalarla zərərçəkmişin əmisi Mamedov Ərəstun Mütəllim oğlunun şəxsi münasibətlər zəminində aralarında yaranan mübahisə zamanı Rəfail Məmmədovu öldürmək məqsədilə kustar üsulla hazırlanan tüfəngdən atəş açaraq qəsdən öldürməyə cəhd etməsinə əsaslı şübhələr müəyyən edilib.

Faktla bağlı Ağcabədi rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, müvafiq ekspertizalar təyin edilib.

Ərəstun Mamedov şübhəli şəxs qismində tutularaq istintaqa cəlb olunub.

Hazırda iş üzrə zəruri istintaq tədbirləri davam etdirilir.

34

Azərbaycanda Milli Park yanır

67
İlkin məlumata görə, təqribən 5 ha sahədə quru ot və kol-kos yanır. Yanğının baş verdiyi ərazi çətin keçilən mürəkkəb relyefdə yerləşir.

BAKI, 19 oktyabr - Sputnik. Fövqəladə Hallar Nazirliyinin "112" qaynar telefon xəttinə Quba rayonunun Xanəgah kəndində Şahdağ Milli Parkının ərazisində yanğın olması barədə məlumat daxil olub.

FHN-dən Sputnik Azərbayca-a verilən məlumata görə, Dövlət Yanğından Mühafizə Xidmətinin yanğından mühafizə bölmələri, Mülki müdafiə qoşunlarının şəxsi heyəti, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları yanğınsöndürmə işlərinə cəlb ediliblər. İlkin məlumata görə, təqribən 5 ha sahədə quru ot və kol-kos yanır.

Yanğının baş verdiyi ərazi çətin keçilən mürəkkəb relyefdə yerləşir. Hazırda yanğınsöndürmə işləri davam etdirilir.

67
Fərzəli Həsənov, arxiv şəkli

Cəbrayıllı köçkün: "Kəndimizi atəşə tutan Hadrut azad olunanda sevincim yerə-göyə sığmadı"

5
Dünən azad edilmiş Xocavəndin Daşbaşı kəndində 1993-cü ilin avqustunda ermənilər Azərbaycan əsgərlərini amansızlıqla qətlə yetiriblər. Cəbrayıllı köçkün Fərzəli Həsənovun xalası oğlu da həmin postda həlak olub.

İradə Cəlilova, Sputnik Azərbaycan

BAKI, 21 oktyabr — Sputnik. "Cəbrayıl işğaldan azad edilən gün mənim telefonum saatlarla susmadı. Mən Cəbrayıla bağlı adamam"...

Sputnik Azərbaycan xəbər verir ki, Azərbaycan Memarlıq və İnşaat Universitetinin (AzMİU) dosenti Fərzəli Həsənov əslən Cəbrayılın Papı kəndindəndir. Elə uşaqlıq, gənclik illəri də orada keçib.

Kəndinə bütün ürəyi ilə bağlı olan F.Həsənov Papı kəndinin tarixini də araşdırıb: "Dilçi alim Qəzənfər Kazımovun sözlərinə görə, "papı" sözünün mənası cənnət qapısı deməkdir. Başqa ensklopedik mənbələrdə isə Papı kəndini Füzulinin Babı kəndi ilə eyniləşdirirlər. Ancaq Babı kəndində yaşayanlar bir tayfa olub, İrandan gələrək Füzulidə məskən salıblar. Onların dinlə konfliktləri olub. Bizim kəndimizdə isə məscid var idi. Bizim kəndimizin tarixi 1830-cu illərə dayanır. Mənim nənəm Papı kəndinin əsasını qoyan Hacı İmamverdinin nəvəsi idi. Yəni, araşdırmalarım sübut edirdi ki, biz papılılar, Babı kəndində yaşayanlarla eyni tayfadan deyilik".

Orta məktəbi Cəbrayılda bitirən F.Həsənov Bakıda Texniki Universitetə daxil olur. Universitetdə seçilən tələbələrdən olduğu üçün ona iş də təklif edilir və burada işləməyə başlayır.

Ancaq 1993-cü ilin avqustunda yenidən Cəbrayıla qayıtmalı olur.

Həmin ilin avqust ayının 15-də Xocavənd rayonun "Daşbaşı" postunda xalası oğlu həlak olur: "Çox qəribə idi. Post mühasirəyə alınmış, 21 nəfər əsgər vəhşicəsinə, işgəncə ilə öldürülmüşdü. Bəzilərinin başları, qolları bədənlərindən ayrılmış, gözləri çıxarılmışdı. Meyitlərin üstündən isə zəncirli traktorla keçmişdilər. Mənim xalam oğlu da orada şəhid olmuşdu. Bu gün də fikirləşəndə mənə qəribə gəlir. Bütün bir postu necə müharisəyə alıb, əsgərləri necə tərksilah edə bilmişdilər... Axı hamısı işgəncə ilə öldürülmüşdü. Mən də dayımı götürüb, Böyük Mərcanlıya gəldim. Atam burada məktəb direktoru idi, anamla da elə burada evlənmişdi. Böyük qardaşım isə Çərəkəndə kolxoz sədri işləyirdi"...

Prezident İlham Əliyev, arxiv şəkli
© Official website of President of Azerbaijan Republic

F.Həsənov danışır ki, Papı kəndi dəniz səviyyəsindən 450 metr hündürlükdə olub. Hadrutdan atılan "Qrad" mərmiləri Papı kəndinin üzərindən digər kəndlərə də düşürdü.

"Rayonda çox gözəl evimiz vardı. Layihəsini mən çəkmişdim, qardaşım da kolxoz sədri olduğu üçün evimiz çox gözəl və rahat idi. Ancaq ermənilər kəndimizi hədəfə aldığı üçün qardaşım anamı Böyük Mərcanlıya gətirmişdi. Atam isə evimizi qoyub çıxmaq istəmirdi. Deyirdi "qələt edir ermənilər". Maraqlısı bilirsiniz nədir, biz kəndimizə gedəndə yolda əsgərlər bizə deyirdilər ki, Papı, Horolu kəndləri ermənilər tərəfindən tutulub. Atamı düşünürdüm. Qayıdıb, Şükürbəyli kəndinə gəldim. Orada sakinlərlə danışanda bildim ki, onların Cəbrayıldan xəbəri yoxdur. Başqa bir yol tapıb kəndimizə getdim. Sakitlik idi, atam da həyətdə oturub çay içirdi. Yəni biz kəndimizi bilərəkdən, istəyərəkdən tərk etməmişdik. Kəndimizi qorumaq üçün əsgərlər yox idi. Sakinlər çarəsiz qalıb evlərini tərk edirdilər".

Müsahibimiz deyir ki, həmin dövrlərdə Azərbaycan Ordusu çox zəif olub. Hadrut dəfələrlə kəndlərdən atəşə tutulsa da, uğursuz olub. Hətta bir dəfə kəndlərə "Qrad" yığılıb ki, gecə Hadrut atəşə tutulacaq. Səhər məlum olub ki, atılan "Qrad" mərmisinin biri də Hadruta zərər verməyib, heç ora düşməyib.

"Ordumuz çox naşı idi. Düzdür, çox illər keçdi aradan. Ancaq indi bizim gənclər təhsilli hərbçilərdir. Bizim xalq ağıllı xalqdır. Bizim hərb sahəsində mütəxəssislərimiz yetişir", - deyə Həsənov bildirib.

Onun sözlərinə görə, Hadrut işğaldan azad edildiyi gün sevinci yerə-göyə sığmayıb. Hər zaman Hadrutdan kəndlərin atəşə tutulduğunu deyən F.Həsənov bildirib ki, Hadrutun işğaldan azad olunması ordumuzun güclü olduğunu sübut edir.

"Hadrut azad edildisə, demək qələbə bizimdir. Hadrut dəniz səviyyəsindən 1000-1500 metr hündürlükdədir. Bu da o deməkdir ki, çox kəndlərin açarı Hadrutdur. Düzdür gənclərimiz şəhid olur. Amma torpağın azadlığı üçün bu olmalıdır. O gün bir şəhid anasının məktubu çıxdı qarşıma. Ölkə prezidentinə yazmışdı ki, "yalvarıram, müharibəni dayandırma". Çox kövrəldim...", - deyən həmsöhbətimiz bildirir ki, əgər bu gün ona Cəbrayılda yaşamaq təklif edilsə, düşünmədən gedər.

5
Mövzu:
Azərbaycan və Ermənistan arasında müharibə