Çində yaşayış binasında baş verən yanğında 8 nəfər ölüb

BAKI, 2 dekabr - Sputnik. Çinin Yunnan vilayətində yaşayış binasında baş verən yanğında 8 nəfər ölüb, 3 nəfər yaralanıb.

Sputnik Azərbaycan xəbər verir ki, hadisə yerli vaxtla gecə saat 1:58-də vilayətin inzibati mərkəzi olan Kunmin şəhərinin Sişan rayonunda baş verib.

Polisin məlumatına əsasən, 5 nəfər sırf yanğın səbəbindən, digər 3 nəfər isə xilas olmaq üçün binanın müxtəlif mərtəbələrindən tullanarkən yıxılaraq ölüb. Yaralılar xəstəxanalara yerləşdiriliblər.

Hazırda təhqiqat aparılır.