Нож, фото из архива

Ərini öldürən qadın: Məni fahişəliyə cəlb etmək istəyirdi

207
(Yenilənib 20:49 27.11.2018)
Bakıda həyat yoldaşının öldürülməsində iştirak etdiyinə görə saxlanan qadın istintaqa ifadə verib

Ramella İbrahimxəlilova, Sputnik Azərbaycan

BAKI, 27 noyabr — Sputnik. Bakıda həyat yoldaşının öldürülməsində iştirak etdiyinə görə saxlanan qadın istintaqa ifadə verib. Bu barədə Sputnik Azərbaycan-a Nərimanov rayonunun hüquq-mühafizə orqanlarından məlumat verilib.

Qeyd edək ki, ötən şənbə günü 1982-ci il təvəllüdlü R.M. (adı etik səbəblərdən tam verilmir) kürəyinə vurulan bıçaq zərbəsi səbəbindən ölüb. Kişi xəstəxanada keçinib. Faktla bağlı onun həyat yoldaşı V.O. saxlanılıb.

İlkin istintaq zamanı üç uşaq anası olan qadın bildirib ki, əri onu işləməyə və fahişəliklə məşğul olmağa məcbur etməyə cəhd göstərib. Bu alçaldıcı tələb onu bıçağa əl atmağa vadar edib.

Hüquq-mühafizə orqanlarının əməkdaşları hələlik qadının dediklərini təsdiq etməyin tez olduğunu bildiriblər. Çünki ölmüş adam qadının dediklərini təsdiq və ya təkzib etmək qüdrətində deyil.

Qətl faktı ilə bağlı cinayət işi açılıb, istintaq davam edir.

207