175 nömrəli məktəbin direktoru Tural Mirzəliyev

Məhkəmə qarşısında döyülən direktordan xəbər var

535
(Yenilənib 12:27 23.11.2018)
Tural Mirzəliyev: "Münaqişənin daha da böyüməməsi qarşı tərəfdən asılıdır"

Nigar Məhərrəm, Sputnik Azərbaycan

BAKI, 23 noyabr — Sputnik. "Hazırda özümü yaxşı hiss edirəm. Öncəki günlərlə müqayisədə səhhətimdə irəliləyiş var".

Bu sözləri Sputnik Azərbaycan-a açıqlamasında, bir neçə gün öncə Nizami Rayon Məhkəməsinin qarşısında döyülən, 175 saylı məktəbin direktoru Tural Mirzəliyev deyib. Baş vermiş hadisə ilə bağlı T.Mirzəliyev artıq polisə ərizə yazaraq izahat verdiyini, işin prokurorluq tərəfindən araşdırılacağını deyib.

"Münaqişənin daha da böyüməməsi qarşı tərəfdən asılıdır. Bu günədək kimisə döyüb, təhqir etməmişəm. Əvvəl olduğum mövqedəyəm, nə ondan bir addım geridə, nə də irəlidəyəm. Hər zaman da bu mövqeni sərgiləyəcəyəm" - deyə direktor əlavə edib.

Xatırladaq ki, həkimlər tərəfindən ona kəllə-beyin travması diaqnozunun qoyulub, hazırda 3 saylı Kliniki Şəhər Xəstəxanasında müalicə alır. Özünün sözlərinə görə, həkimlər növbəti həftədən etibarən onun evə buraxılmasına icazə verəcəklər.

Tural Mirzəliyev və Rza Rzayev
© Femida
Tural Mirzəliyev və Rza Rzayev

Qeyd edək ki, noyabrın 20-də Nizami Rayon Məhkəməsinin qarşısında əlbəyaxa dava olub. 175 nömrəli orta məktəbin direktoru Tural Mirzəliyev, uzun müddətdir aralarında münaqişə yaşanan aktyor Rza Rzayev tərəfindən döyülüb.

535
Teqlər:
xəstəxana, aktyor, direktor
Əlaqədar
Aktyorun döydüyü direktorla bağlı açıqlama gəldi - RƏSMİ
Bakıdakı şok qalmaqalın şahidləri danışdılar: "Deyir ki, səni öldürüb, nəslini kəsəcəm"

Təhsil şöbəsinin müdiri iki gündür xəstəxanadadır

46
Qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib.

Musa Muradlı, Sputnik Azərbaycan

BAKI, 11 avqust - Sputnik. Tərtər RTŞ-nin müdiri Yaşar Məhərrəmov iki gün öncə kəskin ürək çatışmazlığı ilə bağlı xəstəxanaya yerləşdirilib. Sputnik Azərbaycan-ın əldə etdiyi məlumata görə, Yaşar Məhərrəmovun sağlamlıq durumu hazırda kafidir.

Onu da qeyd edək ki, 1978-ci il təvəllüdlü Yaşar Məhərrəmov Tərtər rayon Təhsil Şöbəsinə 2019-cu ilin oktyabrında müdir təyin edilib. Ona qədər Tərtər rayon Sarıcalı kənd orta məktəbində direktor işləyib.

Rayon sakinlərinin bildirdiyinə görə, Yaşar Məhərrəmov fəaliyyətə başlayandan sonra Tərtər rayon təhsilində rüşvət kimi neqativ hallar aradan qaldırılıb.

46
 Xəstəxana, arxiv şəkli

Xaçmazda qətl, döyülən qadın xəstəxanada öldü

65
(Yenilənib 14:57 11.08.2020)
İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

BAKI, 11 avqust — Sputnik. Dünən günorta saatlarında Xaçmaz rayonu ərazisində Raisa Rəşidovanın aldığı bədən xəsarətləri nəticəsində xəstəxanada ölməsi barədə məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xaçmaz rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin əri Rəşad Rəşidov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Rəşad Rəşidov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.

65
Mehdiabad qəsəbəsində antisanitariya

Bakıda bələdiyyənin əməkdaşı cərimə edildi

0
(Yenilənib 23:33 11.08.2020)
Mehdiabad Bələdiyyəsinin əməkdaşı Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

BAKI, 11 avqust — Sputnik. Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə sanitariya-gigiyena qaydalarının pozulması hallarının qarşısının alınması məqsədilə reydlər keçiriblər.

Sputnik Azərbaycan Daxili İşlər Nazirliyinin məlumatına istinadla xəbər verir ki, avqustun 6-da keçirilən reydlər zamanı Abşeron rayonunun Mehdiabad qəsəbəsində yerləşən "Şok Market"in yaxınlığında və Binəqədi rayonu Binəqədi gölü ərazisində məişət tullantılarının qalaqlanması və yandırılması faktları aşkar edilib.

İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə Mehdiabad Bələdiyyəsinin əməkdaşı, qəsəbə sakini Z.Yarışov və Bakı şəhər sakini K.Əhmədov barəsində protokollar tərtib edilib. Z.Yarışov 3.000, K.Əhmədov isə 600 manat məbləğində cərimələniblər.

Bu istiqamətdə tədbirlər davam etdirilir.

0